ભિખારીઓ અને ગુનેગારોથી કંટાળીને UAE પાક.નાગરિકોને વિઝા નહી આપે : દર વર્ષે 8 લાખ પાક નાગરિકો કરે છે અરજી

સંયુક્ત આરબ અમીરાતે પાકિસ્તાની નાગરિકોને વિઝા આપવાનું બંધ કરી દીધું હોવાની જાહેરાત કરી છે.પાકિસ્તાનના નાગરિકો યુએઈ માં આવીને ભીખ માંગવાની પ્રવૃત્તિ તેમજ ગુનાહિત પ્રવૃત્તિઓ કરતા હોવાને કારણે ગલ્ફના આ શક્તિશાળી રાષ્ટ્રે આ નિર્ણય લીધો હોવાનું જાણવા મળે છે. આ અગાઉ સાઉદી અરેબિયાએ પણ પાકિસ્તાનને તેના દેશના લોકોને મક્કા અને મદીના જેવા પવિત્ર સ્થળોએ ભીખ માંગવા જતા અટકાવવાનો અનુરોધ કર્યો હતો.

સંયુક્ત આરબ અમીરાતે વધતા ગુના અને ભીખ માંગવાના કિસ્સાઓને અટકાવવા માટે મોટુ પગલું ભરી પાકિસ્તાની નાગરિકો માટે વિઝા પર પ્રતિબંધ મૂક્યો છે. યુએઇમાં મોટાભાગની ગુનાહિત પ્રવૃત્તિઓમાં પાકિસ્તાનથી આવેલા લોકો જવાબદાર હોવાનું માનવામાં આવે છે.

પાકિસ્તાનના વધારાના ગૃહ સચિવ સલમાન ચૌધરીએ સેનેટ ફંક્શનલ કમિટી ઓન હ્યુમન રાઈટ્સ ની બેઠક દરમિયાન આ જાહેરાત કરી હતી. તેમણે કહ્યું હતું કે એકવાર પ્રતિબંધ લાગુ થઈ ગયા પછી તેને હટાવવો મુશ્કેલ બનશે. દરમિયાન, ઓવરસીઝ એમ્પ્લોયમેન્ટ પ્રમોટર ઐસમ બેગે જણાવ્યું કે યુએઈ સરકાર ચિંતિત છે કે વર્ક વિઝાને બદલે વિઝિટ વિઝા પર દેશમાં આવતા પાકિસ્તાનીઓ ભીખ માંગવા લાગે છે. ઉલ્લેખનીય છે કે યુએઈએ અગાઉ પણ વિઝા અરજદારોને પોલીસ પાસેથી ચારિત્ર્ય પ્રમાણપત્ર સબમિટ કરવાની ફરજ પાડી હતી.

આ પણ વાંચો :ભાગ્યે જ વિદેશ જતા રશિયન રાષ્ટ્રપતિ પુતિન ભારત આવશે : વડાપ્રધાન મોદી સાથે બેઠક, રાષ્ટ્રપતિ મુર્મુ સાથે ડીનર લેશે

લાખો પાકિસ્તાનીઓ પ્રભાવિત

લાખો પાકિસ્તાની પ્રવાસીઓ અને નોકરી શોધનારાઓ ખાડીના દેશો અને શહેરો, ખાસ કરીને દુબઈ અને અબુ ધાબીની મુલાકાત લે છે. દર વર્ષે 8 લાખથી વધુ પાકિસ્તાનીઓ ખાડી અને મધ્ય પૂર્વીય દેશોમાં વિઝા માટે અરજી કરે છે. પરંતુ આ પહેલીવાર નથી જ્યારે પાકિસ્તાને આવી શરમનો સામનો કરવો પડ્યો હોય. ડિસેમ્બર 2024 માં, UAE, સાઉદી અરેબિયા અને અન્ય ઘણા ગલ્ફ દેશોએ ઓછામાં ઓછા 30 અલગ અલગ પાકિસ્તાની શહેરોના લોકોને વિઝા અનિશ્ચિત સમય માટે સ્થગિત કરી દીધા હતા.

આ પણ વાંચો :વ્હાઇટ હાઉસ નજીક શૂટિંગ બાદ ટ્રમ્પ આકરા પાણીએ : ત્રીજા વિશ્વના બધા જ દેશોના નાગરિકો માટે અમેરિકાના દરવાજા બંધ

ભીખ માંગવી એ જૂની આદત છે

પાકિસ્તાનીઓ હજ યાત્રાના બહાને સાઉદી અરેબિયા જેવા પશ્ચિમ એશિયાઈ દેશોમાં પ્રવેશ કરે છે. મક્કા અને મદીનાને ઇસ્લામમાં સૌથી પવિત્ર સ્થળો હોવાથી, તેમને પ્રવેશ મેળવવામાં કોઈ મુશ્કેલી પડતી નથી. હજ અને ઉમરાહના બહાને સાઉદી અરેબિયામાં પ્રવેશ્યા પછી, તેઓ ભીખ માંગવાનો આશરો લે છે.

એક અહેવાલ મુજબ , મક્કા મસ્જિદમાંથી પકડાયેલા 90 ટકા ખિસ્સાકાતરુઓ પાકિસ્તાની છે. આ નિવેદન પાકિસ્તાનના વિદેશી સચિવ ઝીશાન ખાનઝાદાએ 2023 માં આપ્યું હતું. સાઉદી અરેબિયાના કાયદા અનુસાર, ત્યાં ભીખ માંગવી ગુનો છે. ભીખ માંગવામાં મદદ કરવા, ટેકો આપવા અથવા મદદ કરવા પર છ મહિનાની જેલ અથવા 50,000 રિયાલનો દંડ થઈ શકે છે. પરિણામે, મોટી સંખ્યામાં પાકિસ્તાની ભિખારીઓ સાઉદી જેલમાં કેદ છે.