વ્હાઇટ હાઉસ નજીક શૂટિંગ બાદ ટ્રમ્પ આકરા પાણીએ : ત્રીજા વિશ્વના બધા જ દેશોના નાગરિકો માટે અમેરિકાના દરવાજા બંધ
વ્હાઇટ હાઉસ નજીક એક અફઘાન નાગરિકે બે નેશનલ ગાર્ડ કર્મચારીઓ પર કરેલા ગોળીબારની ઘટનાના ઘેરા પડઘાં પડ્યા છે.ગુસ્સે ભરાયેલા યુએસ પ્રમુખ ડોનાલ્ડ ટ્રમ્પે ત્રીજા વિશ્વના બધા દેશોમાંથી સ્થળાંતરને કાયમ માટે સ્થગિત કરવાની જાહેરાત કરતાં ભારે ખળભળાટ મચી જવા પામ્યો છે. આ પગલાની વિશાળ વૈશ્વિક અસરો પડશે અને જેઓ નોકરી અને શિક્ષણ માટે તેમજ
તેમના દેશોમાં સતાવણીથી બચવા માટે યુએસ સ્થળાંતર કરનારા લાખો લોકો માટે અમેરિકાના દરવાજા બંધ થઈ જશે.
ટ્રુથ સોશિયલ પરની તેમની પોસ્ટમાં, ટ્રમ્પે કહ્યું કે અમેરિકાએ ટેકનોલોજીની રીતે પ્રગતિ કરી છે પણ તેની ઇમિગ્રેશન નીતિએ તેના ફાયદાઓને નબળા પડ્યા છે .
લાંબી પોસ્ટમાં તેમણે લખ્યું, “હું યુએસ સિસ્ટમને સંપૂર્ણપણે પુનઃપ્રાપ્ત કરવા માટે તમામ ત્રીજા વિશ્વના દેશોમાંથી સ્થળાંતરને કાયમી ધોરણે થોભાવીશ, સ્લીપી જો બિડેનના ઓટોપેન દ્વારા હસ્તાક્ષર કરાયેલા સહિત, લાખો બિડેનના ગેરકાયદેસર પ્રવેશોને સમાપ્ત કરીશ, અને યુનાઇટેડ સ્ટેટ્સની ચોખ્ખી સંપત્તિ ન હોય અથવા આપણા દેશને પ્રેમ કરવામાં અસમર્થ હોય તેવા કોઈપણને દૂર કરીશ, આપણા દેશના બિન-નાગરિકોને તમામ ફેડરલ લાભો અને સબસિડીનો અંત લાવીશ અને કોઈપણ વિદેશી નાગરિકને દેશનિકાલ કરીશ જે જાહેર ચાર્જ, સુરક્ષા જોખમ અથવા પશ્ચિમી સંસ્કૃતિ સાથે અસંગત છે.”તેમણે ચેતવણી આપતા કહ્યું કે જે લોકો અમેરિકાને
નફરત કરે છે, ચોરી કરે છે, હત્યા કરે છે અને નાશ કરે છે તેઓ અહીં લાંબા સમય સુધી રહેશો નહી.
બધી સમસ્યાઓ માટે શરણાર્થીઓ જવાબદાર
ટ્રમ્પે કહ્યું કે યુ.એસ.માં વિદેશીઓની વસ્તી 53 મિલિયન છે અને તેમાંથી મોટાભાગના “નિષ્ફળ રાષ્ટ્રો, અથવા જેલ, માનસિક સંસ્થાઓ, ગેંગ અથવા ડ્રગ કાર્ટેલ” માંથી દેશમાં છે.તેમણે ઉમેર્યું કે આ શરણાર્થીઓનો બોજ અમેરિકામાં સામાજિક તકલીફનું મુખ્ય કારણ છે. તેમને કારણે જે નિષ્ફળ શાળાઓ, ભયંકર ગુનાખોરી, શહેરી સડો, ભીડભાડવાળી હોસ્પિટલો, રહેઠાણની અછત અને મોટી ખાધ જેવી સમસ્યાઓ સર્જાઇ છે.
ત્રીજા વિશ્વમાં ક્યાં દેશોની ગણના?
ત્રીજું વિશ્વ એ કોઈ કાયદેસરની ઓળખ નથી. વિશાળ અર્થમાં અમેરિકા અને તેના યુરોપ અને જાપાન જેવા મિત્ર દેશો તેમ જ એક સમયના સોવિયત યુનિયનના દેશો તેમજ તેના ચીન અને ક્યુબા જેવા મિત્ર દેશો સિવાયના રાષ્ટ્રોને ત્રીજા વિશ્વ તરીકે ઉલ્લેખ થતો આવ્યો છે. જો કે હવે અલ્પ વિકસિત અથવા અતિ પછાત અને ગરીબ દેશોને ત્રીજા વિશ્વના માનવામાં આવે છે. તેમાં મોટાભાગના આફ્રિકાના દેશો છે.ઉપરાંત એશિયા,હૈતી અને પેસિફિકના દેશોનો તેમાં સમાવેશ થાય છે.
