Adhik Maas 2026: આ વર્ષે ભાવિકોને પુરુષોત્તમ માસનો લાભ મળશે,જેઠ મહિનાથી શરૂ થશે અધિક માસ
આ વર્ષે ભાવિકોને પુરુષોત્તમ માસનો લાભ મળશે,જેઠ સુદ એકમ ને રવિવાર તારીખ 17 મે 2025ના દિવસથી અધિક જેઠ મહિનાનો પ્રારંભ થશે ,જે 15 જૂન 2025સુધી ચાલશે આ વર્ષે 29 દિવસનો પુરુષોત્તમ માસ રહેશે, 2023માં શ્રાવણ મહિના તરીકે અધિકમાસ આવેલો જે આશરે 34 મહિના પછી પુરુષોત્તમ માસ તરીકે જેઠ માસ આવશે.
આપણા હિન્દુ પંચાંગ પ્રમાણે સૂર્યમાસ વર્ષ અને ચંદ્રમાસ વર્ષ ની ગણતરી થાય છે જેમાં એક વર્ષમાં સૂર્ય 12 રાશિ બદલે છે આવી રીતના એક વર્ષ ગણાય છે જે આશરે 365 દિવસનું હોય છે જ્યારે ચંદ્રમાં વર્ષ 354 દિવસનું હોય છે બંને વચ્ચે આશરે 11 દિવસનો તફાવત ગણાય છે,આથી 3 વર્ષે પુરુષોત્તમ માસ આવે છે તેમાં તે ગેપ પૂર્ણ થાય છે અને આ બધું આકાશમાં સૂર્ય ચંદ્ર ની ગતિને જ આધારિત છે આમાં કોઈ માનસિક ગણિત કરી અને મુકેલ હોતુ નથી, આપણા હિન્દુ પંચાંગનું સંપૂર્ણ ગણિત આકાશમાં રહેલ સૂર્ય ચંદ્રની ગતિને આધારે જ છે, જો પુરુષોત્તમ માસ દર ત્રણ વર્ષેનો આવતો હોય તો દિવાળી ઉનાળામાં આવે હોળી ચોમાસામાં આવે તેવું બની શકે આથી જ દર ત્રણ વર્ષે પુરુષોત્તમ માસ આવે છે.
આ પણ વાંચો :મારથી કોઈ ભૂલ થઈ ગઈ હોય તો માફ કરજો…રાજકોટની ડાલીબાઈ કન્યા હોસ્ટેલમાં ધો.11ની વિદ્યાર્થીનીનો આપઘાત
બીજું ખાસ એ મહત્વની વાત જોઈએ તો આપણે ગુજરાત મહારાષ્ટ્રમાં અમાસના દિવસે હિન્દુ માસ પૂર્ણ થાય છે જ્યારે ઉત્તર ભારતમાં પૂનમના દિવસે હિન્દુ માસ પૂર્ણ થાય છે, પાછલા વર્ષોમાં જોઈએ તો ૨૦૧૮માં અધિકમાસ જેઠ મહિના તરીકે આવેલ જ્યારે ૨૦૨૯માં ચૈત્ર મહિના તરીકે અધિક માસ આવશે સિદ્ધાંતિક ગણિત પ્રમાણે જોઈએ તો અધિક માસ હંમેશા ચૈત્રથી આસો માસ દરમિયાન જ આવે છે કારતક માસ થી ફાગણ મહિના દરમિયાન નથી આવતો. આ વિશે સમગ્ર માહિતી શાસ્ત્રી રાજદીપ જોશી (વેદાંત રત્ન) એ આપી હતી.
