ગાંધી પરિવારમાંથી હવે કોણ આવશે રાજકારણમાં ? કોણે આપ્યો સંકેત ? જુઓ
જૂનો વિડીયો પાછો શેર કરીને ચર્ચા જગાવી : ગાંધી પરિવારના વધુ એક સભ્ય જાહેર જીવનમાં આવશે અને ચુંટણી પણ લડી શકે છે
ગાંધી પરિવારના વધુ એક સભ્ય રાજકારણમાં પ્રવેશ કરવાના છે. પરિવારના જમાઈ રોબર્ટ વાડ્રા ટૂંક સમયમાં રાજકારણમાં ડેબ્યુ કરી શકે છે. પ્રિયંકા ગાંધીના પતિએ મીડિયા સાથેની વાતચીતનો જૂનો વીડિયો શેર કરતા આ તરફ ધ્યાન દોર્યું હતું. ઈન્સ્ટાગ્રામ પર શેર કરવામાં આવેલા આ વીડિયોના કેપ્શનમાં રોબર્ટ વાડ્રાએ લખ્યું છે કે, ‘હું ટૂંક સમયમાં જોડાઈશ.’ હવે આ એક જ ભાઈ બાકી છે અને એ પણ ઝંપલાવી દેશે એવું લાગે છે. વડાપ્રધાનને ફરીવાર પરિવારવાદ પર પ્રહાર કરવાનો મોકો મળશે.
વીડિયોમાં રોબર્ટ વાડ્રાને પૂછવામાં આવ્યું કે, તમે આટલું બધું કામ કેમ કરો છો? સામાજિક કાર્ય કરો. શું આપણે રોબર્ટ વાડ્રાને ચૂંટણીના રાજકારણમાં જોશું? કારણ કે મેડમ આવી ગયા છે. તેના પર વાડ્રાએ કહ્યું- જનતા જે ઇચ્છે છે તે હવે થશે. મારી ઈચ્છાથી કંઈ નહિ થાય. પ્રિયંકાનો આ સમય છે. તે મારો સમય નથી. હું પ્રિયંકા માટે કરીશ. હું તે મારા માટે પછીથી કરીશ. હું ખૂબ જ ખુશ છું કે વાયનાડના લોકોએ તેમને ચૂંટ્યા.
પ્રિયંકા ગાંધી તાજેતરમાં વાયનાડથી લોકસભાના સભ્ય બન્યા છે. અગાઉ લોકસભા ચૂંટણી દરમિયાન રોબર્ટ વાડ્રાએ અમેઠી બેઠક પરથી ચૂંટણી લડવાનો દાવો કર્યો હતો. જોકે ત્યારે કોંગ્રેસ પાર્ટીએ તેમને ટિકિટ આપી ન હતી. આવી સ્થિતિમાં હવે જોવાનું એ રહેશે કે વાડ્રાના આ તાજેતરનું નિવેદન કેટલું સાચું સાબિત થાય છે.
ભાજપ પહેલાથી જ કોંગ્રેસ પર ભત્રીજાવાદનો આરોપ લગાવતી રહી છે. જો આમ થશે તો ભાજપને બેસતી વખતે મુદ્દો મળી જશે. રોબર્ટ વાડ્રાએ ભવિષ્યમાં રાજકારણમાં જોડાવાની વાત ઘણી વખત કરી છે પરંતુ હજુ સુધી કોઈ ઔપચારિક જાહેરાત કરવામાં આવી નથી. બીજી તરફ, રાજકીય પંડિતોએ ઘણી વખત સ્પષ્ટપણે કહ્યું છે કે રાહુલ ગાંધી નહીં પણ પ્રિયંકા ગાંધી કોંગ્રેસ પાર્ટીના આગામી ઉત્તરાધિકારી સાબિત થઈ શકે છે.
