રાજસ્થાનમાં ક્યાં કેવો થયો અકસ્માત ? કેટલાના મોત થયા ? જુઓ
રાજસ્થાનના ધોલપૂર જિલ્લામાં રવિવારે સવારે ગમખ્વાર અકસ્માત થયો હતો. હાઇ વે પર સ્લીપર બસે ટેમ્પોને જોરદાર ટક્કર મારતા 8 બાળકો સહિત 12 લોકોના મોત થઈ ગયા હતા અને હાઇ વે લોહીલુહાણ થઈ ગયું હતું.
અકસ્માતનો ભોગ બનેલા લોકો એક ખાનગી કાર્યક્રમમાં ભાગ લઈને ઘરે પાછા ફરી રહ્યા હતા ત્યારે રસ્તામાં કાળનો ભેટો થઈ ગયો હતો. બનાવ સ્થળે ભારે ચીસાચીસનો માહોલ થઈ ગયો હતો અને આસપાસના ગામ લોકો એકત્ર થઈ ગયા હતા.
અકસ્માતની જાણ થતાં પોલીસ કાફલો ઘટના સ્થળે પહોંચી ગયો હતો. પોલીસે એવી માહિતી આપી હતી કે આ અકસ્માતમાં 8 માસૂમ બાળકો, 3 મહિલાઓ અને એક પુરુષનો સમાવેશ થાય છે. કમનસીબ યાત્રિકો એક જ પરિવારના હતા.
ટેમ્પો ચાલક ભયંકર અકસ્માત કરીને નાસી ગયો હતો અને પોલીસે તેની તપાસ શરૂ કરી હતી. હોસ્પિટલમાં અનેક ગામ લોકો મદદ માટે હાજર થઈ ગયા હતા. નાના એવા ગામમાં ભારે માતમ છવાઈ ગયો છે. કમનસીબ લોકો બાંદી ગામના રહેવાસી છે.
