વડાપ્રધાન મોદી આજથી 3 દેશોની યાત્રા પર રવાના
પ્રથમ પડાવ ઇન્ડોનેશિયામાં
ત્યારબાદ ઓસ્ટ્રેલીયા અને ન્યુઝીલેન્ડની મહત્વની મુલાકાત
વડાપ્રધાન નરેન્દ્ર મોદી 6 જુલાઈ એટલે આજથી ઇન્ડોનેશિયા, ઓસ્ટ્રેલિયા અને ન્યુઝીલેન્ડના છ દિવસના મહત્વપૂર્ણ પ્રવાસ પર જઈ રહ્યા છે. મોદી 6 થી 8 સુધી ઇન્ડોનેશિયામાં રહેશે. ત્યારબાદ તેઓ 8 થી 10 જુલાઈ સુધી ઓસ્ટ્રેલિયાના મેલબોર્ન શહેરની મુલાકાત લેશે અને 10 થી 11 જુલાઈએ તેમના છેલ્લા સ્ટોપમાં ન્યુઝીલેન્ડના ઓકલેન્ડ પહોંચશે. વિદેશ મંત્રાલયના જણાવ્યા અનુસાર, આ મુલાકાત ભારતની ‘એક્ટ ઇસ્ટ પોલિસી’ અને દરિયાઈ સુરક્ષાના ‘મહાસાગર’ વિઝનને નવું પ્રોત્સાહન આપવા માટે મહત્વની છે.
ઇન્ડોનેશિયામાં ભારતના રાજદૂત સંદીપ ચક્રવર્તીએ જણાવ્યું હતું કે નરેન્દ્ર મોદીની ઇન્ડોનેશિયાની મુલાકાત બંને દેશો વચ્ચેના ઐતિહાસિક સંબંધોને વધુ મજબૂત બનાવશે. 2018 પછી મોદીની ઇન્ડોનેશિયાની આ પહેલી દ્વિપક્ષીય મુલાકાત છે. આ પ્રવાસ દરમિયાન, બંને દેશો વચ્ચે આરોગ્ય, ખેતી, ખાદ્ય સુરક્ષા, વિજ્ઞાન-ટેકનોલોજી, અવકાશ, ફાર્માસ્યુટિકલ્સ, શિક્ષણ, ઉત્પાદન અને મહત્વપૂર્ણ ખનિજો જેવા ઘણા ક્ષેત્રોમાં મહત્વપૂર્ણ કરારો થશે. આનાથી ફક્ત બંને સરકારો વચ્ચે જ નહીં, પરંતુ વ્યવસાય અને સામાન્ય લોકોના સ્તરે પણ સંબંધો સુધરશે.
આ પણ વાંચો: મુંબઇમાં સ્થળ ત્યાં જળ; જનજીવન થંભી ગયું; વધુ 2 મોત
ભારત અને ઇન્ડોનેશિયા વચ્ચે સંરક્ષણ અને સુરક્ષા ક્ષેત્રે સહયોગ પણ ઝડપથી આગળ વધી રહ્યો છે. બંને દેશો વચ્ચે સંરક્ષણ ઉદ્યોગો અને શસ્ત્રોની ખરીદી અને વેચાણ અંગે વાટાઘાટો ચાલી રહી છે, જેમાં ભારતના ‘બ્રહ્મોસ’ મિસાઇલ અંગે એડવાન્સ લેવલની ચર્ચાઓનો સમાવેશ થાય છે. આ ઉપરાંત, બંને દેશોના કોસ્ટ ગાર્ડ્સ તેમના જૂના કરારને રિન્યૂ કરશે. ઉપરાંત, બંને દેશોની નૌકાદળો વચ્ચે પરસ્પર સહયોગ વધારવા પર પણ વાટાઘાટો થશે.
