GDP વૃદ્ધિ દર 6.3 ટકાથી 6.8 ટકાની વચ્ચે રહેવાનો અંદાજ
લોકસભામાં દેશનું આર્થિક ચિત્ર રજૂ કરતા નાણામંત્રી
નાણા મંત્રી નિર્મલા સીતારમણે લોકસભામાં આર્થિક સર્વે 2024-25 રજૂ કર્યો હતો. આ સર્વે FY26 માટે ભારતનો GDP વૃદ્ધિ દર 6.3 ટકાથી 6.8 ટકાની વચ્ચે રહેવાનો અંદાજ લગાવવામાં આવ્યો છે. જીએસટીમાં 11 ટકા વૃદ્ધિનું અનુમાન છે. જે 10.62 લાખ કરોડ રુપિયા સુધી પહોંચી શકે છે. સર્વેમાં એવું પણ કહેવામાં આવ્યું છે કે દેશને 2047 સુધી વિકસિત ભારત બનાવવા માટે 8 ટકાની વૃદ્ધિ જરુરી છે.
નાણાકીય વર્ષ 2025 ના પહેલા છ મહિનામાં સર્વિસ સેક્ટરમાં 7.1 ટકાની વૃદ્ધિ થઈ છે. મેન્યુફેક્ચરિંગ સેક્ટરમાં 2021 ના મધ્યથી તેજી આવી છે. આર્થિક સર્વે પર નોકરી પર એઆઈની અસર અંગે ચેતવણી વ્યક્ત કરવામાં આવી છે. સાથે જ ચીન પર ઉત્પાદન ક્ષેત્રની નિર્ભરતા પર ચિંતા વ્યક્ત કરવામાં આવી છે.
ભારતનો વિદેશી મુદ્રા ભંડા જાન્યુઆરી 2024ના અંતમાં 616.7 બિલિયન અમેરિકી ડોલરથી વધીને સપ્ટેમ્બર 2024માં 704.9 બિલિયન અમેરિકી ડોલર થઈ ગયો, જે 3 જાન્યુઆરી 2025ના રોજ ઘટીને 634.6 બિલિયન અમેરિકી ડોલર થઈ જશે.
આર્થિક પરિપ્રેક્ષ્યમાં ગ્રામીણ માંગમાં વધારાને કારણે સ્થિર ભાવે ખાનગી અંતિમ વપરાશ ખર્ચમાં 7.3 ટકાનો વધારો થવાની ધારણા છે. નવેમ્બર 2024 સુધીમાં સંરક્ષણ, રેલ્વે અને માર્ગ પરિવહનનો હિસ્સો લગભગ 75 ટકા મૂડી ખર્ચ હશે, જ્યારે વીજળી, ખાદ્ય અને જાહેર વિતરણમાં નોંધપાત્ર વાર્ષિક વૃદ્ધિ જોવા મળશે.
જુલાઈ-નવેમ્બર 2024માં કેન્દ્ર સરકારના મૂડી ખર્ચમાં 8.2 ટકાથી વધુ વધારો થવાની ધારણા છે. કોમોડિટીની કિંમતોમાં ઘટાડાને કારણે નાણાકીય વર્ષ 2025 ના બીજા ક્વાર્ટરમાં સ્થિર કિંમતો પર વસ્તુઓ અને સેવાઓના આયાતમાં 2. 9 ટકાનો ઘટાડો થયો.
