ડોલરે ઇતિહાસ સર્જયો : રૂપિયો તળિયે

નિષ્ણાંતોના મતે રૂપિયો ડોલર સામે ૮૭ સુધી પહોંચી શકે

ડોલર સામે રૂપિયાએ શુક્રવારે એક તબકકે 85.810 નો લો બનાવતા જબરદસ્ત ધટાડો જોવા મળ્યો છે.આ એક ઐતિહાસિક લો છે. આવનારા સમયમાં રૂપિયો હજુ પણ તૂટી શકે છે. નિષ્ણાંતો ડોલર સામે રૂપિયાનો ભાવ 87 સુધી જવાની શક્યતા દર્શાવી રહ્યા છે.

નોન ડિલિવરેબલ ફોરવર્ડ માર્કેટમાં ડૉલરની મજબૂત માગના કારણે રૂપિયો સહિત અન્ય દેશોની કરન્સી પણ તૂટી છે. ડૉલરની મજબૂતીને જોતાં રૂપિયો ટૂંકસમયમાં 86નું લેવલ ક્રોસ કરી 86.20 કે પછી 87 સુધી તૂટવાનો અંદાજ નિષ્ણાતો આપી રહ્યા છે.

2024માં ડૉલર સામે રૂપિયો 3 ટકા તૂટ્યો છે. છેલ્લા સાત વર્ષથી ડૉલર સામે રૂપિયો સતત નબળો બન્યો છે. તેમાં પણ છેલ્લા બે વર્ષમાં મોટો કડાકો જોવા મળ્યો છે. અમેરિકાના ફેડ રિઝર્વ દ્વારા વ્યાજના દર મામલે આપવામાં આવેલા નિવેદનથી ડૉલર ઇન્ડેક્સ મજબૂત બન્યો છે.

ફેડ રિઝર્વે ડિસેમ્બરમાં એક અને આગામી વર્ષે બે વખત વ્યાજના દરો ઘટાડવાની જાહેરાત કરી છે. તેમજ ટ્રમ્પ સત્તા પર આવતાં જ ફુગાવા તરફી નિર્ણયો જાહેર થવાની શક્યતાઓ સાથે ડૉલર ઇન્ડેક્સ મજબૂત બન્યો છે. દેશની રાજકોષીય ખાધ નવેમ્બરમાં 37.8 અબજ ડૉલરની રૅકોર્ડ ટોચે નોંધાયા બાદ ડૉલર સામે રૂપિયો કડડભૂસ થયો છે.

ડૉલર સામે રૂપિયો નબળો પડતાં નિકાસ કરતાં વેપારીઓના માર્જિનમાં વધારો થશે. તેમાં ડૉલરમાં કમાણી કરતી આઇટી અને ફાર્મા કંપનીઓને સૌથી વધુ લાભ થશે. જો કે, બીજી તરફ આયાતો મોંઘી થશે. 80 ટકા ક્રૂડ પર નિર્ભર ભારતમાં પેટ્રોલ-ડિઝલના ભાવ વધશે.