લોકસભાની ચાલુ કાર્યવાહીએ એક શખસ ઉપરથી કુદયો.. અને પછી શું થયું..જુઓ
સંસદની સુરક્ષામાં મોટી ચૂક સામે આવતા હડકંપ મચી ગયો છે. લોકસભાની કાર્યવાહી દરમિયાન આજે 2 લોકો લોકસભા ગૃહમાં વિઝિટર ગેલેરીમાંથી નીચે કૂદ્યા. તેમના હાથમાં કઈક સામાન હતો. ત્યારબાદ લોકસભામાં અફરાતફરી મચી ગઈ. જો કે ત્યારબાદ સાંસદોએ તેમને પકડી લીધા અને સુરક્ષાકર્મીઓે સોંપી દીધા. લોકસભાની કાર્યવાહી હાલ સ્થગિત કરાઈ છે. અત્રે જણાવવાનું કે આજે સંસદ પર થયેલા આતંકી હુમલાી વરસી છે.
એવું કહેવાય છે કે જે બ વ્યક્તિ કાર્યવાહી દરમિયાન કૂદ્યા તેમાંથી એકનું નામ સાગર છે. બંને સાંસદોના નામ પર લોકસભા વિઝિટર પાસ પર આવ્યા હતા. કોંગ્રેસના સાંસદ અધીર રંજન ચૌધરીએ કહ્યું કે બે દર્શકો ગેલેરીમાંથી કૂદ્યા અને તેમના દ્વારા કઈક ફેંકવામાં આવ્યું. જેમાંથી ગેસ નીકળતો હતો. આ લોકોને સાંસદોએ પકડી લીધા. સુરક્ષાકર્મીઓએ તેમને બહાર કાઢ્યા. સદન બપોરે 2 વાગ્યા સુધી સ્થગિત કરાયું. આ નિશ્ચિત રીતે સુરક્ષા ચૂક છે.
યુવકોના હાથમાં હતું સ્મોક ક્રેકર
કોંગ્રેસ સાંસદ કાર્તિ ચિદમ્બરમે કહ્યું કે અચાનક લગભગ 20 વર્ષના બે યુવકો વિઝિટર ગેલેરીમાંથી સદનમાં કૂદ્યા અને તેમના હાથમાં સ્મોક ક્રેકર હતા. આ સ્મોક ક્રેકરથી પીળો ધુમાડો નીકળતો હતો. તેમાંથી એક અધ્યક્ષની ખુરશી તરફ ભાગવાની કોશિશ કરી રહ્યો હતો. કેટલાક નારા લગાવી રહ્યા હતા. ધૂમાડો ઝેરી હોઈ શકતો હતો. આ સુરક્ષાની ગંભીર ચૂક છે. ખાસ કરીને 13 ડિસેમ્બર કે જ્યારે 2001માં આ જ દિવસે સંસદ પર હુમલો થયો હતો.
સંસદની બહારથી 2 લોકોની અટકાયત કરાઈ
બીજી બાજુ સંસદ ભવન બહાર સ્મોક ક્રેકર સાથે વિરોધ પ્રદર્શન કરી રહેલા પ્રદર્શનકારીઓને પોલીસે પરિવરન ભવન સામેથી અટકાયતમાં લીધા છે. પોલીસે એક પુરુષ અને એક મહિલાની અટકાયત કરી છે. જે રંગીન ધુમાડા સાથે પ્રદર્શન કરી રહ્યા હતા. ધરપકડ કરાયેલી મહિલાની ઓળખ હિસારની રેડ સ્ક્વેર માર્કેટમાં રહેતી 42 વર્ષની કૌર સિંહની પુત્રી નીલમ તરીકે થઈ છે. જ્યારે બીજી વ્યક્તિની ઓળખ લાતૂરના ધનરાજ શિંદના પુત્ર અમોલ શિંદે તરીકે થઈ છે.