બિભત્સ કન્ટેન્ટ પીરસતા 18 OTT પ્લેટફોર્મ, 19 વેબસાઈટને બ્લોક કરતી સરકાર..વાંચો..

• અશ્લિલ વીડિયો પ્રસારિત કરવામાં આવતા હોવાની ફરિયાદો હતી.

• બિભત્સ સામગ્રી પીરસવા સામે વારંવાર ચેતવણી આપવા છતાં પગલાં લેવાયા ન હતા.

સરકારે આજે 18 OTT પ્લેટફોર્મ અને 19 વેબસાઈટ્સને બ્લોક કરી છે. OTT પ્લેટફોર્મ પર અશ્લિલ વીડિયો પ્રસારિત કરવામાં આવતા હોવાની ઘણા સમયથી ફરિયાદ થઈ હતી. આ વિશે અનેક વખત ચેતવણી આપવામાં આવી હતી છતાં સ્થિતિમાં કોઈ સુધારો ન થવાના કારણે આ ઓટીટી પ્લેટફોર્મ અને વેબસાઈટ્સને બ્લોક કરવામાં આવી છે.

માહિતી અને પ્રસારણ મંત્રાલયે જણાવ્યું કે બિભત્સ સામગ્રી પીરસવા સામે વારંવાર ચેતવણી આપવા છતાં પગલાં લેવાયા ન હતા. તેના કારણે 18 ઓટીટી પ્લેટફોર્મને બ્લોક કરવામાં આવ્યા છે. કુલ 19 વેબસાઈટ, 10 એપ અને 57 સોશિયલ મીડિયા એકાઉન્ટ પણ બંધ કરવામાં આવ્યા છે. તેમાં 7 એપ ગૂગલ પ્લે સ્ટોરના હતા જ્યારે ત્રણ એપ એપલની હતી. ઓટીટી પ્લેટફોર્મ્સે પોતાની પોર્નોગ્રાફિક સામગ્રીને ક્રિયેટિવ એક્સપ્રેશન કહીને તેનો બચાવ કર્યો હતો.

સરકારે કહ્યું કે એક OTT એપને તો એક કરોડથી વધુ વખત ડાઉનલોડ કરવામાં આવ્યું છે. બીજા બે OTT એપને 50 લાખથી વધુ ડાઉનડોલ કરવામાં આવ્યું છે. આ ઓટીટી પ્લેટફોર્મ્સ કુલ 32 લાખથી વધારે ફોલોઅર છે. સોશિયલ મીડિયા પર પણ આ ઓટીટી પ્લેટફોર્મ પોતાના ટ્રેલર દેખાડે છે. ચોક્કસ સીન પ્રસારિત કરે છે અને એક્સટર્નલ લિંક આપે છે. આ રીતે વેબસાઈટ અને એપ માટે નવું ઓડિયન્સ આકર્ષવામાં આવે છે તેમ સરકારે કહ્યું છે.

કયા OTT પ્લેટફોર્મ બ્લોક કરાયા?
બ્લોક કરવામાં આવેલા OTT પ્લેટફોર્મમાં ડ્રીમ્સ ફિલ્મસ, Voovi, Yessma, Uncut Adda, Tri Flicks, X Prime, Neon X VIP, બેશરમ, હન્ટર્સ, રેબિટ, Xtramood, Nuefliks, MoodX, Mojflix, Hot Shots VIP, Fugi, Chikooflix, અને પ્રાઈમ પ્લેનો સમાવેશ થાય છે. સરકારે જણાવ્યું કે આ પ્લેટફોર્મ પર મોટા ભાગના કન્ટેન્ટમાં સ્ત્રીઓને બહુ હલકી રીતે ચીતરવામાં આવતી હતી. તેમાં નગ્નતા અને અયોગ્ય પ્રકારના સંબંધો દેખાડવામાં આવ્યા છે. શિક્ષક અને વિદ્યાર્થીના સંબંધોને બિભત્સ રીતે દેખાડવામાં આવ્યા છે. કેટલાક સીનમાં સામાજિક રીતે બિલકુલ યોગ્ય ન હોય તેવી રીતે સેક્સ્યુઅલ દૃશ્યો દેખાડવામાં આવે છે.