ગૂગલના તમામ યુઝર્સને ફ્રીમાં મળશે આ ખાસ ફીચર, જાણો ફાયદા
ગૂગલ તેના તમામ યુઝર્સ માટે ફ્રીમાં Dark Web Report ફીચર આપવાની જાહેરાત કરી છે. અત્યાર સુધી માત્ર Google One સબ્સ્ક્રિપ્શન લેનારાઓને જ ડાર્ક વેબ રિપોર્ટ ફીચર મળતું હતું. હવે આ તમામ યુઝર્સને ફ્રીમાં મળશે.
ગૂગલ તેના યુઝર્સ માટે સમયે-સમયે નવા ફીચર્સ લાવતું રહે છે. હવે ગૂગલે એક મોટી જાહેરાત કરી છે અને તેના યુઝર્સને ભેટ આપી છે. ગૂગલે તમામ યુઝર્સ માટે ફ્રી Dark Web Report ફીચર આપવાની જાહેરાત કરી છે. અત્યાર સુધી માત્ર Google One સબ્સ્ક્રિપ્શન લેનારાઓને જ ડાર્ક વેબ રિપોર્ટ ફીચર મળતું હતું. પરંતુ, હવે તે તમામ યુઝર્સ માટે મફતમાં ઉપલબ્ધ થશે. આ ફીચર તમારા ઈમેલ અથવા અન્ય માહિતીને ડાર્ક વેબ પર સર્ચ કરે છે. જો તમારી કોઈપણ માહિતી ડાર્ક વેબ પર મળે છે, તો તે તમને જણાવે છે. આની મદદથી તમે તમારા ડેટાને સુરક્ષિત રાખવા માટે પગલાં લઈ શકો છો.
ક્યારથી મળશે આ ફીચર
પહેલા આ ફીચર ગૂગલ વન સબસ્ક્રિપ્શન સાથે આવતું હતું, પરંતુ હવે જુલાઈ 2024થી તે તમામ ગૂગલ એકાઉન્ટ યુઝર્સ માટે ઉપલબ્ધ થશે. જો કે, Google Workspace અથવા સુપરવાઇઝ્ડ એકાઉન્ટનો ઉપયોગ કરનારાઓને આ ફીચર મળશે નહીં. Google દ્વારા તેની Google One સેવા દ્વારા તેના વર્ચ્યુઅલ પ્રાઇવેટ નેટવર્ક (VPN)ને બંધ કર્યાના થોડા અઠવાડિયા પછી જ આ ફીચર ચાલુ રહ્યું છે.
ક્યાં મળશે ડાર્ક વેબ રિપોર્ટ ફીચર
હવે સૌથી મોટો પ્રશ્ન એ છે કે આ ડાર્ક વેબ રિપોર્ટ ફીચર ક્યાં મળશે? એ માટે ન તો કોઈ એપ ડાઉનલોડ કરવી પડશે અને ન તો ક્યાંય લોગઇન કરવું પડશે. ગૂગલના જણાવ્યા અનુસાર, Results About You પેજમાં ડાર્ક વેબ રિપોર્ટ ફીચર ઉમેરવામાં આવ્યું છે. આ ગૂગલની બીજી સર્વિસ છે જ્યાં યુઝર્સને એ જોવાની સુવિધા મળે છે કે તેમની કોઈ માહિતી સર્ચ રિઝલ્ટમાં દેખાઈ રહી છે કે નહીં. આ ઉપરાંત યુઝર્સ તેમનો ડેટા ઈન્ટરનેટ પરથી હટાવી પણ શકે છે.
અત્યારે ડાર્ક વેબ રિપોર્ટ 46 દેશોમાં ચાલી રહ્યું છે, જેમાં ભારત પણ સામેલ છે. ગૂગલે થોડા અઠવાડિયા પહેલા જ તમામ યુઝર્સને આ સુવિધા આપવાનો નિર્ણય લીધો છે, આ પહેલા કંપનીએ મોબાઈલ અને કોમ્પ્યુટર પર સતત સ્ક્રોલ કરીને સર્ચ કરવાની સુવિધા બંધ કરી દીધી હતી. હવે ગૂગલ એક પેજથી બીજા પેજ પર જતા સર્ચ બતાવશે.