નવા વનપ્લસ ફોનમાં શું બદલાયું છે? વનપ્લસ 11 થી કેટલો અલગ છે?
વનપ્લસએ તેનો નવો ફ્લેગશિપ ફોન વનપ્લસ 12 લોન્ચ કર્યો. OnePlus 12, OnePlus 11 ના અપગ્રેડ વેરિઅન્ટમાં ઘણા ફેરફારો કરવામાં આવ્યા છે. OnePlusનું આ નવું ડિવાઇસ મોટી બેટરી, વાયરલેસ ચાર્જિંગ અને 2K રિઝોલ્યુશન ડિસ્પ્લે જેવા ફીચર્સ સાથે લોન્ચ કરવામાં આવ્યું છે. આ ફોન ભારતમાં 2024ની શરૂઆતમાં ઉપલબ્ધ કરાવવામાં આવશે.
OnePlus એ આઇકોનિક એલર્ટ સ્લાઇડરને જમણી ધારને બદલે ડાબી ધાર પર ખસેડ્યું છે. OnePlus 12નું વજન 220 ગ્રામ છે અને તેની જાડાઈ 9.15mm છે. આ ફોન હાલમાં ચીનમાં લોન્ચ કરવામાં આવ્યો છે અને તેને લીલા, સફેદ અને કાળા રંગમાં ખરીદી શકાય છે.
OnePlus 12 સ્માર્ટફોનમાં 6.82 ઇંચ 2K રિઝોલ્યુશનવાળી LTPO AMOLED ડિસ્પ્લે છે જે BOE સાથે ભાગીદારીમાં વિકસાવવામાં આવી છે. સ્ક્રીન 4500 nits ની ટોચની બ્રાઇટનેસ આપે છે.
OnePlus 11 વિશે વાત કરીએ તો, આ ફોનમાં 6.7 ઇંચની LTPO AMOLED સ્ક્રીન છે જે કોર્નિંગ ગોરિલ્લા વિક્ટસ પ્રોટેક્શન આપે છે.
વનપ્લસ 12 સ્માર્ટફોન 12 જીબી રેમ અને 256 જીબી ઇનબિલ્ટ સ્ટોરેજ, 16 જીબી રેમ અને 512 જીબી ઇનબિલ્ટ સ્ટોરેજ અને 16 જીબી રેમ અને 1 ટીબી સ્ટોરેજ સાથે ઉપલબ્ધ કરાવવામાં આવ્યો છે. જ્યારે વનપ્લસ 11 સ્માર્ટફોન ફક્ત 8 જીબી રેમ અને 128 જીબી સ્ટોરેજ અને 16 જીબી રેમ અને 256 જીબી ઇનબિલ્ટ સ્ટોરેજ વેરિએન્ટમાં ઉપલબ્ધ છે.
