ગુજરાતમાં ચોમાસાની એન્ટ્રી ક્યારે થશે..વાંચો

24 મે થી 4 જૂન દરમ્યાન પ્રિ-મોનસૂન એક્ટિવિટી જોવા મળશે : અંબાલાલની આગાહી

ખાનગી અને સરકારી હવામાન ખાતાએ આ વખતે ટનાટન વરસાદની આગાહી કરી છે ત્યારે આ ચોમાસુ ગુજરાતમાં જુનના બીજા અઠવાડિયાથી એન્ટ્રી કરશે તેવી આગાહી હવામાન નિષ્ણાત અંબાલાલ પટેલે કરી છે. આ પૂર્વે ૨૪ મે થી ૪ જુન વચ્ચે પ્રિ-;મોન્સુન એક્ટિવિટી થશે તેમ પણ તેમણે જણાવ્યું છે.

અંબાલાલ પટેલના જણાવ્યા અનુસાર, જૂનની શરૂઆતમાં અરબ સાગરમાં હલચલ દેખાશે. તેમજ દક્ષિણ ગુજરાતનાં ભાગોમાં સારો વરસાદ તશે. જૂનાગઢ, અમરેલી ,બનાસકાંઠા તેમજ કચ્છ જીલ્લાનાં ભાગોમાં સારો વરસાદ વરસશે. ઓગસ્ટ અને સપ્ટેમ્બરમાં સારો વરસાદ થશે. તેમજ દરિયામાં હવાનું હળવું દબાણ ઉભું થશે.

આ પૂર્વે હવામાન ખાતાના મહાનિર્દેશક ડૉ. મૃત્યુંજય મહાપાત્રાએ કહ્યું હતું કે, હાલમાં વિષુવવૃત્તીય પ્રશાંત મહાસાગરમાં અલ નીનોની મધ્યમ સ્થિતિ પ્રવર્તી રહી છે. પરંતુ સારી વાત એ છે કે તે સતત નબળી પડી રહી છે. એવો અંદાજ છે કે ઓગસ્ટ-સપ્ટેમ્બરમાં ચોમાસાના બીજા તબક્કામાં ત્યાં લા નીના સ્થિતિ ઊભી થઈ શકે છે. વાસ્તવમાં, લા નીનાને ચોમાસા માટે ફાયદાકારક માનવામાં આવે છે, જ્યારે અલ નીનો સ્થિતિમાં વરસાદ ઓછો થઈ શકે છે. IMDએ કહ્યું કે દેશમાં ચોમાસાના આગમન અને દેશના કયા ભાગમાં કેટલો વરસાદ પડશે તે અંગે મેના અંતમાં આગાહી કરવામાં આવશે.

તેમણે જણાવ્યું હતું કે, 1951 થી 2023 સુધીના ડેટા દર્શાવે છે કે ભારતમાં નવ વખત સામાન્ય કરતાં વધુ ચોમાસાનો વરસાદ નોંધાયો હતો જ્યારે અલ નીનો પછી લા નીના આવ્યો હતો. તે જ સમયે, દેશમાં 22 લા નીના વર્ષોમાંથી, 20 વખત ચોમાસું સામાન્ય કરતાં વધુ હતું. વિભાગે કહ્યું કે, આ વખતે ઉત્તર-પશ્ચિમ, પૂર્વ અને ઉત્તર-પૂર્વના રાજ્યોના કેટલાક વિસ્તારોને છોડીને દેશના મોટાભાગના ભાગોમાં સામાન્ય કરતાં વધુ વરસાદની અપેક્ષા છે.