કડી વિસાવદર બેઠક પર પેટાચૂંટણીનું મતદાન : 591 મથકોમાં ઉમેદવારોના ભાવિ થશે કેદ, મતદારોની લાંબી લાઈનો

જૂનાગઢ જિલ્લાના વિસાવદર વિધાનસભા-87ની પેટાચૂંટણી માટે મતદાન શરૂ થઈ ચૂક્યું છે. 2.61લાખ મતદારો માટે શહેર, ગ્રામ્યના મળી 297 મતદાન મથકો ઉભા કરાયા છે. મતદાન પ્રક્રિયા શાંતિપૂર્ણ રહે એ માટે પેરામિલીટરી ફોર્સની સાત કંપની તથા જૂનાગઢ જિલ્લા પોલીસનો 1500થી વધુનો સ્ટાફ તૈનાત છે. આજ સાંજથી મતદાન મથકો પર કે સોંપાયેલી ફરજ પર પોલીસ તેમજ પોલિંગ સ્ટાફના કર્મચારીઓ EVM, વીવીપેટ સાથે પહોંચી ગયા હતા. આવતીકાલે સવારે સાત વાગ્યાથી મતદાન શરૂ થશે, સાંજે છ કલાકે ઉમેદવારોનું ભાવિ EVMમાં કેદ થશે.

વિસાવદર વિધાનસભા બેઠકમાં 1,35,613પુરૂષ, 12,25,480સ્ત્રી અન્ય મળી 2,61,186મતદારો છે. 294 મતદાનબુથ ઉભા કરાયા છે. જેમાં 17 શહેરી તેમજ 277 ગ્રામ્ય મથકો છે. 294 બુથ પર 1884 કર્મચારીઓના પોલિંગ સ્ટાફને મતદાન પ્રક્રિયા માટેની ફરજ સોંપાઈ છે. આવતીકાલે ગુરૂવારે સવારે 5.30 કલાકે બુથમાં ઉમેદવારોના પક્ષોના પોલિંગ એજન્ટોની હાજરીમાં મોકપોલ થશે. ત્યારબાદ સવારે 7 કલાકે મતદાનનો આરંભ થઈ ગયો છે. સાંજે છ વાગ્યા સુધી તો મતદાન થઈ શકશે. છ વાગ્યે 16 ઉમેદવારોના ભાવિ EVMમાં કેદ થઈ જશે.

9 વાગ્યા સુધીમાં ક્યાં કેટલું મતદાન?

કડી અને વિસાવદર બેઠક પર વહેલી સવારથી જ મતદાન શરૂ થઈ ચુક્યું છે. સવારે 9 વાગ્યા સુધી કડીમાં 9.50 ટકા અને વિસાવદમાં 12.10 ટકા મતદાન નોંધાયું છે.

10 વાગ્યા સુધીમાં કેટલું મતદાન?

કડી અને વિસાવદર બેઠક પર વહેલી સવારથી જ મતદાન શરૂ થઈ ચુક્યું છે. સવારે 10 વાગ્યા સુધીમાં કડીમાં 13 ટકા અને વિસાવદમાં 15 ટકા મતદાન નોંધાયું છે. જોકે, મતદાન હાલ ધીમી ગતિએ જોવા મળી રહ્યું છે, જોકે, સાંજ સુધીમાં મતદાનની ટકાવારીમાં વધારો થઈ શકે છે.

11 વાગ્યા સુધીમાં કેટલું મતદાન?

કડી અને વિસાવદર બેઠક પર વહેલી સવારથી જ મતદાન શરૂ થઈ ચુક્યું છે. સવારે 11 વાગ્યા સુધીમાં કડીમાં 28.85 ટકા અને વિસાવદમાં 28.15 ટકા મતદાન નોંધાયું છે.

વિસાવદરની બેઠક ચાર ટર્મ બાદ પાછી મેળવવા માટે ભાજપ માટે પ્રતિષ્ઠાનો જંગ જ્યારે આપ માટે ‘કરો યા મરો’ પણ બેઠક ગમે તેમ જાળવી રાખવા માટે અસ્તિત્વની લડાઈ છે. મતદારો પણ બે પક્ષમાંથી એકના ઉમેદવાર પર ધારાસભ્યનો કળશ ઢોળશે તેવું ત્યાંના સ્થાનિકોનું માનવું છે.

આ પણ વાંચો : પત્નીની સહમતી વગર લેવામાં આવેલી વોટ્સએપ ચેટ પુરાવા તરીકે માન્ય રહેશે : લગ્ન સબંધિત વિવાદ મામલે MP હાઇકોર્ટનો મહત્વનો ચુકાદો

કડી બેઠકની શું છે સ્થિતિ?

કડી બેઠકની વાત કરીએ તો અહીં 289927 મતદારો માટે 294 મતદાન મથકોનું આયોજન કરવામાં આવ્યું છે. મતદાન મથકે કુલ 1900થી વધુ કર્મચારીઓને ફરજ પર તહેનાત કરાયા છે.

વિસાવદરમાં 1500થી વધુનો પોલીસ સ્ટાફ ખડેપગે

મતદાન પ્રક્રિયામાં કોઈ ગરબડી ન થાય શાંતિપૂર્ણ મતદાન થાય તે માટે પેરામિલિટરી ફોર્સની સાત કંપની ઉપરાંત જૂનાગઢ જિલ્લા એસપી, dysp, એએસપી, 17 PI, 285 PSI, 485 પોલીસ, 351 હોમગાર્ડ મળી અંદાજે 1500થી વધુનો સ્ટાફ સતત ખડેપગે રહેશે. પોલીસની વેનો સતત પેટ્રોલિંગમાં દોડતી રહેશે. વિસાવદર માંડાવાડ શાળા સંકૂલના સ્ટ્રોંગરૂમ પરથી આજે (બુધવારે) પુરી સિક્યુરિટી સાથે અલગ-અલગ વાહનોમાં EVM, વીવીપેટ ગ્રામ્ય તથા શહેરી મળી 297 મતદાન મથકો પર પહોંચતા કરવામાં આવ્યા હતા. વરસાદી માહોલમાં કોઈ મુશ્કેલી ન ઉદ્ભવે તે માટે ખાસ તકેદરી રખાઈ હતી. જ્યાં જરૂર છે તેવા દિવ્યાંગ મતદારો માટે વ્હિલચેરની પણ વ્યવસ્થા કરાઈ હોવાનું જાણવા મળે છે. તા.23 સોમવારના રોજ મત ગણતરી થશે.