આ તારીખે નીકળશે વિકીડાનો વરઘોડો !! મલ્હાર અને પૂજાના લગ્નની તારીખ ફાઈનલ, જાણો ક્યારે કરશે લગ્ન
થોડા સમય પહેલા જ પૂજા અને મલ્હારે લગ્ન કરવાની વાત જાહેર કરી હતી. બંનેએ પોસ્ટ શેર કરીને માહિતી આપી છે કે બંને લગ્ન બંધનમાં બંધાશે. ત્યારે હવે કઈ તારીખે વિકીડો એટલે કે મલ્હાર ઠાકરનો વરઘોડો નીકળશે એ ડેટ પણ જાહેર કરવામાં આવી છે. મલ્હાર ઠાકર અને પૂજા જોષી ૨૬ નવેમ્બરે લગ્ન બંધનમાં બંધાશે આ માહિતી પણ કપલે સોશ્યલ મીડિયા પર વીડિયો પોસ્ટ કરીને આપી છે.
છેલ્લા કેટલાય સમયથી ગુજરાતી ફિલ્મના ચાહકોમાં એ વાત ચર્ચાનો વિષય બની હતી કે ગુજરાતી ફિલ્મના અભિનેતા મલ્હાર ઠાકર કોની સાથે લગ્ન કરશે અને કપલે લોકોની ચર્ચા પર વિરામ મૂકી દીધો અને લગ્નગ્રંથિમાં બંધાઈને એકમેકના થશે એ બાબતે પોસ્ટ શેર કરી હતી ત્યારે આજે મલ્હાર ઠાકર અને પૂજા જોશીએ ઓફિશિયલી તેમના લગ્ન તારીખની જાહેરાત કરી દીધી છે. સોશિયલ મીડિયા પર એક વિડીયો પોસ્ટ કરીને બંને એ પહેલી મુલાકતથી લઈને લગ્ન સુધીની સફરની ઝલક બતાવી છે.
#MaJa.. અત્યારે આ હેશટેગ સોશિયલ મીડિયા પર ટ્રેન્ડ થઈ રહ્યો છે અને તેની પાછળનું કારણ કે ગુજરાતી અભિનેતા મલ્હાર ઠાકર અને અભિનેત્રી પૂજા જોષી. છેલ્લા થોડા દિવસથી એ ચર્ચા ચાલી રહી છે કે મલ્હાર અને પૂજા બંને ટૂંક સમયમાં લગ્નના બંધનમાં બધાશે પણ ક્યારે લગ્ન કરશે એ તારીખની લગભગ ચાહકો રાહ જોઈ રહ્યા હતા.
હવે ફાઇનલી મલ્હાર ઠાકર અને એક્ટ્રેસ પૂજા જોશીએ ઓફિશિયલી તેમના લગ્ન તારીખની જાહેરાત કરી દીધી છે. એમને ઇન્સ્ટાગ્રામ પર એક વિડીયો પોસ્ટ કર્યો છે, જેમાં એમની પહેલી મુલાકતથી લઈને લગ્ન સુધીની સફરની ઝલક પણ બતાવી છે. હાલ આ વિડીયો સોશિયલ મીડિયા પર વાયરલ થઈ રહ્યો છે અને લોકો કોમેન્ટ કરીને તેમને અભિનંદન પાઠવી રહ્યા છે.
26 નવેમ્બર, 2024 આ દિવસે મલ્હાર ઠાકર અને પૂજા જોષી લગ્નના બંધનમાં બંધાશે. વિડીયોની શરૂઆત #MaJaNiWedding હેશટેગ સાથે થઈ છે અને વિડીયોના અંતમાં લગ્નની તારીખ વિશે જણાવ્યું છે. સાથે જ એમની લવસ્ટોરીની શરૂઆત કેવી રીતે થઈ તેની ઝલક અલગ અંદાજમાં બતાવી છે. ફિલ્મના સેટ પરની એ મુલાકાત કોફી ડેટ સુધી પહોંચી, ધીરે ધીરે પ્રેમમાં પડ્યા બાદ હવે બંને 26 નવેમ્બરના લગ્ન કરવા જઈ રહ્યા છે.
આ વિડીયો પોસ્ટ કરતાં કેપ્શનમાં લખ્યું છે કે, ‘હરખ ની હેલી અને વ્હાલનું વાવાઝોડું. બન્ને ના પરિવારે ભેગા થઈ ને અમને ‘’*Save the Date*’’ નો વિડિયો બનાવવાનું કહેલ છે. આ છે એની પ્રસ્તુતિ , આશીર્વાદ ની અપેક્ષા.#MaJa’
