ગુજરાતનાં 65 ડીવાયએસપીની બદલી

રાજકોટ સાયબર ક્રાઈમ એસીપી વિશાલ રબારી,એસીપી ભાર્ગવ પંડ્યા, ગ્રામ્યના ડીવાયએસપી એચ.એસ.રત્નુની બદલી

સુરત ઇકો સેલના એસીપી વિરજીતસિંહ કે.પરમાર અમદાવાદ એ.ટી.એસ.માં મુકાયા  

લોકસભાની ચૂંટણી પહેલા પોલીસ વિભાગમાં મોટા ફેરફારો કરાયા છે,ગુજરાત પોલીસ વિભાગમાં મોટા ડીવાયએસપી કક્ષાના અધિકારીઓની બદલી કરાઇ છે. એક સાથે રાજ્યના  65 ડીવાયએસપીની બદલી કરાઇ છે તેમજ 8 આઇપીએસ અધિકારીઓને પોસ્ટિંગ અપાયું છે અને 5 આઇપીએસને પોસ્ટિંગ માટે વેઇટિંગમાં રાખવામાં  આવ્યા છે. ડીવાયએસપીની બદલી સાથે હવે  ટૂંક સમયમાં જ આઇપીએસ અધિકારીઓની બદલીનું નવું લિસ્ટ પણ સામે આવી શકે છે.

રાજકોટ સાયબર ક્રાઈમ એસીપી વિશાલ રબારી ઉપરાંત એસીપી ભાર્ગવ પંડ્યા, સીઆઈડી ક્રાઈમના ડીવાયએસપી આર.એસ.પટેલ, રાજ્ય ગ્રામ્યના ડીવાયએસપી એચ.એસ.રત્નુ, એસીબીના ડીવાયએસપી વી.કે.પંડ્યા, રેલવેના ડીવાયએસપી જે.કે.ઝાલા સહિત રાજ્યના 65 ડીવાયએસપી (એસીપી)ની બદલી કરવામાં આવી છે.   આગામી સમયમાં આઈપીએસ અધિકારીની બદલી માટેની ઘડીઓ ગણાઈ રહી છે. જેમાં આઈજી કક્ષાના અધિકારીઓના એડિશનલ ડીજીના પ્રમોશન અને મોટાભાગના સિનિયર આઇપીએસ અધિકારીઓની બદલી તેમજ સુરત પોલીસ કમિશનરની જાહેરાત થવાની છે, તેમાં હવે છેલ્લી મહોર લાગવાની રાહ જોવાઈ રહી છે.

રાજકોટના સાયબર ક્રાઈમ એસીપી વિશાલ રબારીને સુરેન્દ્રનગર લીંબડી ડીવાયએસપી તરીકે તેમજ એસીપી ભાર્ગવ પંડયાને વલસાડ ડીવાયએસપી તરીકે મૂકવામાં આવ્યા છે. તેમના સ્થાને એસીપી પશ્ચિમમાં વડોદરા મહિલા સેલના એસીપી રાધિકાબેન ભરાઈને મૂકવામાં આવ્યા છે. સેલ, સી.આઈ.ડી. ક્રાઈમ, રાજકોટના ડીવાયએસપી  આર.એસ.પટેલ નાયબ પોલીસ અધિક્ષક, નાયબ પોલીસ અધિક્ષક, સી.આઈ.ડી. ક્રાઈમ, ગાંધીનગર બદલી કરવામાં આવી છે તેમના સ્થાને સાવરકુંડલાથી એચ. બી. વોરાને મૂકવામાં આવ્યા છે. રેલવેના ડીવાયએસપી જે. કે. ઝાલાને એસીએસટી સેલ જુનાગઢ મૂક્યા છે તેમના સ્થાને સુરતથી આઈ. એન. પરમારને મૂકવામાં આવ્યા છે. સુરત એન્ટી ઈકોનોમીક ઓફેન્સ સેલના એસીપી વિરજીતસિંહ કે. પરમારને  એ.ટી.એસ.ના  ડીવાયએસપી તરીકે પોસ્ટિંગ આપવામાં આવ્યું છે.