જામનગરમાં કરુણાંતિકા : ગણેશ વિસર્જન વખતે પિતા-બે પુત્ર ડૂબ્યા,3ના મોતથી પરિવારમાં ગમગીની છવાઈ
એક બાજુ રાજકોટ સહિત સમગ્ર દેશમાં ગણેશોત્સવની રંગેચંગે ઉજવણી ચાલી રહી છે ત્યારે અમુક પરિવાર દ્વારા પાંચમા દિવસે ગણેશ વિસર્જન કરી બાપ્પાને ભાવભીની વિદાય અપાઈ રહી છે ત્યારે જામનગરમાં રવિવારે સમી સાંજે હૈયુ હચમચાવી નાખે તેવી કરુણાંતિકા સર્જાઈ જવા પામી હતી. અહીં ગણેશ વિસર્જન કરવા ગયેલા પિતા અને બે પુત્ર ડૂબી જતાં ફાયર બ્રિગેડે દોડી જઈ ત્રણેયની શોધખોળ આદરી હતી પરંતુ તે પહેલાં ત્રણેયનું પ્રાણપંખેરું ઉડી ગયું હોય માત્ર મૃતદેહ જ બહાર નીકળ્યા હતા.
આ પણ વાંચો : ટ્રમ્પનું ભારત વિરોધી વલણ દુશ્મનીની કક્ષાએ : ભારત ઉપર પ્રતિબંધ લગાવવા હવે યુરોપ પર દબાણ વધારતું અમેરિકા
આ અંગે વધુમાં જાણવા મળ્યા પ્રમાણે નાઘેડી ગામે આવેલી પોદાર સ્કૂલ નજીકના તળાવમાં સંજયભાઈ રાવલ, તેમના પુત્રો પ્રિતેશ રાવલ અને અંશ રાવલ ગણપતિ બાપાની મૂર્તિનું વિસર્જન કરવા માટે પહોંચ્યા હતા. અહીં મૂર્તિ વિસર્જિત કરતી વખતે પગ લપસી જવાને કારણે એક બાદ એક પાણીમાં ગરકાવ થવા લાગ્યા હતા.
આ પણ વાંચો : New Rules in September: LPG, ક્રેડિટ કાર્ડથી લઈને પોસ્ટ ઓફિસ સુધી…આ 5 મોટા ફેરફાર તમારા ખિસ્સાને કરશે અસર, જાણો શું બદલાશે
આ વેળાએ ઉપસ્થિત લોકોના ધ્યાન પર આ ઘટના આવી જતાં તાત્કાલિક ફાયર બ્રિગેડને જાણ કરવામાં આવી હતી. ફાયરબ્રિગેડે પહોંચીને તુરંત જ તળાવમાં સંજયભાઈ સહિતની શોધખોળ શરૂ કરાઈ હતી પરંતુ ત્રણેયના મૃતદેહ જ હાથ લાગતા તેમને બહાર કાઢી જામનગરની જી.જી.હોસ્પિટલે ખસેડવામાં આવ્યા હતા. એકંદરે પિતા-પુત્રના મૃત્યુ થવાને કારણે ગામમાં અરેરાટી વ્યાપી જવા પામી હતી.
