ભેજાબાજનો નકલી આધારકાર્ડ અને વારસાઇ આંબો બનાવી કરોડોની જમીન વેચવા કારસો, જાણો શું છે સમગ્ર મામલો

મોરબીના વજેપર સર્વે નંબર 767 પૈકી-રની પોણા ત્રણ વિઘા જમીન મૂળ માલિકની જાણ બહાર બોગસ પાનકાર્ડ, આધારકાર્ડ અને વારસાઈ આંબો બનાવી 1.80 કરોડ રૂપિયામાં વેચવાનું કૌભાંડ સામે આવ્યું છે. આ જમીન કૌભાંડમાં જમીન ખરીદવા તૈયારી દર્શાવનાર અસામીએ ખરાઈ કરવા મૂળ માલિક સુધી પહોંચી જતા જમીન કૌભાંડી શખ્સનો ભાંડો ફૂટી ગયો હતો. સમગ્ર મામલે એક આરોપી હાથમાં આવી જતા પોલીસને સોંપવામાં આવ્યો છે. જમીન કૌભાંડ મામલે બે આરોપીઓ વિરુદ્ધ નામ જોગ અને તપાસમાં ખુલે તે તમામ વિરુદ્ધ ગુન્હો નોંધાયો છે.

મોરબીના વજેપરમાં જમીન કૌભાંડ અંગે જાણવા મળતી વિગતો મુજબ મોરબીના મિલનભાઈ પ્રકાશભાઈ ફુલતરિયા નામના જાગૃત વેપારી પાસે આરોપી અમિત મોહનભાઈ પરમાર રહે.રાધાપાર્ક, નવા બસસ્ટેન્ડ પાછળ વાળો પોતાની જમીન વજેપર રેવન્યુ સર્વે નંબર 767 પૈકી-રની પોણા ત્રણ વિદ્યા રૂ. 1.80 કરોડના વેચાણ આપવા માટે આવ્યો હતો. આરોપીએ મૂળ જમીન તળશીભાઈ ભગવાનજીભાઈ ચાવડાની હોવા છતાં ખોટી ઓળખ આપી વારસાઈ આંબો, તળશીભાઈનું આધારકાર્ડ અને પાનકાર્ડ સહિતના પુરાવા બનાવી મિલનભાઈ સાથે જમીન વેચાણ માટે આવી 20 લાખ રૂપિયામાં સોદાખત કરવાનું કહ્યું હતું.

આ પણ વાંચો :બે પુત્રીની હત્યા બાદ માતાના આપઘાતમાં પુત્રની મહેચ્છા જ કારણભૂત કે બીજું કાંઈ? કારણ જાણવા રાજકોટ પોલીસ ઉંધામાથે

જેથી મિલનભાઈને શંકા જતા તેમના પરિચિત મારફતે જમીનના મૂળ માલિકને શોધી ગઈ તા.12ના રોજ ફરિયાદી બાબુભાઈ તળશીભાઈ ચાવડા રહે.રાફડાની વાડી, શનાળા રોડ, ભક્તિનગર પાસે ગયા હતા અને જમીન વેચાણ અંગે વાત કરતા બાબુભાઇ ચોકી ઉઠ્યા હતા.

આ પણ વાંચો :આજથી બે દિવસ રાજકોટમાં ગુનેગારો ઉપર પોલીસની ધોંસ : ડીસીપી (ક્રાઈમ) દ્વારા સ્પેશ્યલ ડ્રાઈવ કરવા આદેશ

બીજી તરફ જમીન માલિક બાબુભાઈ તળશીભાઈ ચાવડાને જમીન કૌભાંડ અંગે જાણ થતાં જ તેઓએ મિલનભાઈ ફુલતરિયાને જ્યારે આ જમીન કૌભાંડ કરનાર તમારી સાથે સોદાખત કરવા આવે અને વાતચીત કરવા આવે ત્યારે જાણ કરવા કહેતા ગઈકાલે બપોરના સમયે આરોપી અમિત મોહનભાઈ પરમારે જમીન ખરીદવા ઈચ્છા દર્શાવનાર મિલનભાઈને હાઉસિગ બોર્ડ પાસે જમીનના સોદા માટે બોલાવતા જ મૂળ માલિક બાબુભાઈ સહિતના લોકો ત્યાં પહોંચી ગયા હતા અમે 112 જનરક્ષકને ફોન કરી બોલાવી લેતા આરોપી અમિત મોહનભાઈ પરમાર બરાબરનો ફસાઈ જતા આરોપીએ દર્શીત પ્રવીણભાઈ મેવાડા રહે.લાયન્સનગર વાળા પાસે બોગસ ડોક્યુમેન્ટ બનાવ્યા હોવાનું કબુલ્યું હતી. જો કે, આરોપી અમિતને પોલીસને સોંપવા માટે તૈયારી થતા અન્ય બે અજાણ્યા માણસો બાઈક લઈને આવ્યા હતા અને અમિતને લઈ જવા પ્રયાસ કર્યો હતો પરંતુ કારી ફાવી ન હતી. હાલમાં સીટી એ ડિવિઝન પોલીસે જમીન કૌભાંડ મામલે ગુન્હો નોંધી કાયદેસરની કાર્યવાહી શરૂ કરી છે.