Kesari Veer Teaser : ‘કેસરી વીર-લિજેન્ડ્સ ઑફ સોમનાથ’નું ટીઝર રીલીઝ : સોમનાથ પર હુમલો અને રક્ષક હમીરજી ગોહિલની કહાની
2015 માં એક્શન-રોમેન્ટિક ફિલ્મ ‘હીરો’ થી ડેબ્યૂ કરનાર સૂરજ પંચોલી હવે ‘કેસરી વીર’ નામની ફિલ્મમાં મુખ્ય ભૂમિકામાં જોવા મળશે. આ એક પીરિયડ ડ્રામા ફિલ્મ છે, જેનું ટીઝર રિલીઝ થઈ ગયું છે. સુનીલ શેટ્ટી અને વિવેક ઓબેરોય પણ આ ફિલ્મનો ભાગ છે.
આ ફિલ્મમાં, સૂરજ પંચોલી ૧૪મી સદીમાં ગુજરાતના સોમનાથ મંદિરને બચાવવા માટે લડનારા હમીરજી ગોહિલની ભૂમિકા ભજવી રહ્યા છે. રિલીઝ થયેલા ટીઝરમાં સુનીલ શેટ્ટી પણ યુદ્ધમાં સૂરજ પંચોલીને ટેકો આપતા જોવા મળે છે. આ ફિલ્મમાં વિવેક ઓબેરોય નકારાત્મક ભૂમિકામાં છે.
કોણ હતા હમીરજી ગોહિલ ??
સોમનાથ મંદિરના ઈતિહાસ સાથે હમીરજી ગોહિલનું નામ સદાય જોડાયેલું રહેશે. સોમનાથ મંદિરની રક્ષા કરવા માટે હમીરજી ગોહિલ અને વેગડાજી ભીલની સેનાએ મહંમદ બેગડાના આક્રમણ સામે રણ મેદાનમાં જંગે ચડ્યા હતા. સોમનાથને બચાવવાના ધર્મયુદ્ધમાં હમીરજી ગોહિલ વૈશાખ મહિનાની નોમના દિવસે વીરગતિને પ્રાપ્ત થયા હતા.
‘કેસરી વીર’નું ટીઝર અહીં જુઓ
૧ મિનિટ ૪૭ સેકન્ડના ટીઝરની શરૂઆત એક અવાજ સાથે થાય છે, “અહિંસા એ માણસનો સૌથી મોટો ધર્મ છે, પરંતુ ધર્મના રક્ષણ માટે હિંસા એ તેનાથી પણ મોટો ધર્મ છે.” ત્યારબાદ, ફિલ્મમાં ટીઝરની એક ઝલક આગળ બતાવવામાં આવી છે.
સુનીલ શેટ્ટીની ફિલ્મ કેસરી વીરનું ટીઝર
આ ફિલ્મમાં સુનીલ શેટ્ટી, સૂરજ પંચોલી અને વિવેક ઓબેરોય સાથે આકાંક્ષા શર્મા પણ જોવા મળશે. આ ફિલ્મ દ્વારા તે બોલિવૂડમાં ડેબ્યૂ કરી રહી છે. આ તેમની પહેલી હિન્દી ફિલ્મ છે. આ ફિલ્મ દ્વારા તે પોતાના અભિનયથી પડદા પર કેવો પ્રભાવ પાડે છે તે જોવાનું બાકી છે. આકાંક્ષા સોશિયલ મીડિયા પર એક જાણીતું નામ છે. ઇન્સ્ટાગ્રામ પર તેમના 1 મિલિયન એટલે કે 10 લાખ ફોલોઅર્સ છે.
‘કેસરી વીર’ ક્યારે રિલીઝ થશે ?
‘કેસરી વીર’ ૧૪ માર્ચે સિનેમાઘરોમાં રિલીઝ થવા જઈ રહી છે. ફિલ્મની રિલીઝના એક મહિના પહેલા, નિર્માતાઓએ એક ટીઝર રિલીઝ કર્યું છે અને ચિત્રની એક નાની ઝલક બતાવી છે. આ ફિલ્મનું ટ્રેલર પણ ટૂંક સમયમાં રિલીઝ થશે. સૂરજ લગભગ ચાર વર્ષ પછી પડદા પર જોવા મળશે. તે છેલ્લે 2021 માં ફિલ્મ ‘ટાઇમ ટુ ડાન્સ’ માં જોવા મળ્યો હતો. આ એક સંગીતમય-રોમેન્ટિક ફિલ્મ હતી, જેનું દિગ્દર્શન સ્ટેનલી ડી’કોસ્ટા દ્વારા કરવામાં આવ્યું હતું.
