રાજકોટના નીરંજન શાહ સ્ટેડિયમમાં આ તારીખે ભારત-શ્રીલંકા વચ્ચે રમાશે ટી-20 મુકાબલો: BCCIએ જાહેર કર્યું ટીમ ઈન્ડિયાનું ધમાકેદાર હોમ શેડ્યૂલ

ભારતીય ક્રિકેટ કંટ્રોલ બોર્ડ (BCCI) એ ટીમ ઈન્ડિયાના હોમ સીઝન (2025-26) માટે સંપૂર્ણ શેડ્યૂલ જાહેર કર્યું છે. આ સીઝન અત્યંત વ્યસ્ત અને રોમાંચક રહેવાની છે, કારણ કે ભારત 4 ધુરંધર ટીમ વેસ્ટ ઈન્ડિઝ, શ્રીલંકા, ઝિમ્બાબ્વે અને ઓસ્ટ્રેલિયાની મેજબાની કરશે. આ સમગ્ર હોમ સીઝન દરમિયાન 17 અલગ અલગ શહેરોમાં કુલ 22 આંતરરાષ્ટ્રીય મેચ રમાશે. ત્યારે મહત્વની વાત એ છે કે રાજકોટના નીરંજન શાહ સ્ટેડિયમમાં પણ 22 ડિસેમ્બરે ભારત-શ્રીલંકા વચ્ચે ટી-20 મુકાબલો રમાશે.  ત્રણ મેચની શ્રેણીની પ્રથમ મેચ નિરંજન શાહ સ્ટેડિયમ પર રમાશે જેને લઈને ક્રિકેટપ્રેમીઓમાં ઉત્સાહ છે.

રોહિત અને વિરાટ પર બધાની નજર

આ ઘરઆંગણેની સિઝનની સૌથી મહત્વપૂર્ણ બાબત એ છે કે રોહિત શર્મા અને વિરાટ કોહલી જેવા દિગ્ગજ ખેલાડીઓ સમગ્ર સિઝન દરમિયાન મુખ્ય ભૂમિકાઓ ભજવતા જોવા મળશે. આ સમયગાળા દરમિયાન ઘરઆંગણે રમાનારી તમામ નવ વન-ડે આંતરરાષ્ટ્રીય (ODI) મેચોમાં બંને દિગ્ગજો ભાગ લે તેવી શક્યતા છે, જેનાથી ચાહકોને તેમની ક્લાસિક બેટિંગ કુશળતા જોવાની વધુ એક તક મળશે. આ મેચોમાં વેસ્ટ ઇન્ડીઝ, શ્રીલંકા અને ઝિમ્બાબ્વે સામે ત્રણ-ત્રણ વન-ડે મેચનો સમાવેશ થાય છે. આવતા વર્ષે યોજાનાર ODI વર્લ્ડ કપ સાથે, આ નવ મેચ તૈયારીની દ્રષ્ટિએ પણ ખાસ મહત્વ ધરાવે છે.

વેસ્ટ ઇન્ડીઝ શ્રેણી સાથે સિઝનની શરૂઆત

ઘરેલુ સિઝન 27 સપ્ટેમ્બર, 2026 ના રોજ વેસ્ટ ઇન્ડીઝ સામે શરૂ થશે. આ પ્રવાસમાં ત્રણ ODI અને પાંચ T20 મેચ રમાશે.

વેસ્ટ ઈન્ડિઝ VS ભારતનું શેડ્યૂલ:

ડિસેમ્બર 2026માં, શ્રીલંકાની ટીમ ભારતના પ્રવાસે આવશે, જ્યાં ત્રણ વનડે અને ત્રણ ટી20 મેચ રમાશે.

શ્રીલંકા VS ભારતનું શેડ્યૂલ:

નવા વર્ષમાં ઝિમ્બાબ્વે શ્રેણી

૨૦૨૭ ની શરૂઆત ઝિમ્બાબ્વે સામે ત્રણ મેચની ODI શ્રેણી સાથે થશે.

ઝિમ્બાબ્વે VS  ભારત શેડ્યૂલ :

બોર્ડર-ગાવસ્કર ટ્રોફી સાથે સમાપન

સીઝનનું સૌથી મોટું આકર્ષણ ઓસ્ટ્રેલિયા સામેની પાંચ મેચની બોર્ડર-ગાવસ્કર ટ્રોફી ટેસ્ટ શ્રેણી હશે, જે 21 જાન્યુઆરી, 2027 થી શરૂ થશે.

આ પણ વાંચો: ચૂંટણી પહેલાં જ વિકાસની વણઝાર: 28મીએ મુખ્યમંત્રી પટેલ રાજકોટના 632 કરોડના ‘વિકાસ’નું કરશે લોકાર્પણ-ખાતમુહૂર્ત

ભારત VS ઓસ્ટ્રેલિયા ટેસ્ટ શેડ્યૂલ:

ટીમ ઈન્ડિયાની આગામી હોમ સીઝન દરેક ફોર્મેટમાં ક્રિકેટનું સંપૂર્ણ પેકેજ આપવાનું વચન આપે છે. વ્હાઇટ-બોલ શ્રેણીથી લઈને હાઇ-વોલ્ટેજ ટેસ્ટ મેચો સુધી, ક્રિકેટ ચાહકો સતત ઉત્સાહની રાહ જોઈ શકે છે. ખાસ કરીને, ભારત-ઓસ્ટ્રેલિયા ટેસ્ટ શ્રેણી સમગ્ર શેડ્યૂલનું સૌથી મોટું હાઇલાઇટ બનવાની તૈયારીમાં છે.