મોરબીની આયુષ હોસ્પિટલમાં વૃદ્ધ દર્દીની બન્ને કિડનીના સફળતાપૂર્વક ઓપરેશન
- ડાબી કિડનીમાંથી 5 સેમિની પથરી કાઢવાની સાથે જમણી કિડની ચેપગ્રસ્ત હોવાથી કિડની કાઢવામાં આવી
- મોરબીની આયુષ હોસ્પિટલના સુપર સ્પેશિયાલિટી યુરો સર્જરી વિભાગે એક વૃદ્ધ મહિલાનું ડાબી કિડનીમાં પથરી તથા જમણી કિડની કાઢવાનું સફળતાપૂર્વક ઓપરેશન કરી દર્દીને નવજીવન આપ્યું છે.
મોરબી જિલ્લાના વાંકાનેર તાલુકાનાં મીઠીબેન રૂપાભાઇ સરવૈયા (ઉ.વ. ૭૯) જેમને ગંભીર ચેપ (ઇન્ફેકશન) લાગતા સારવાર માટે તેઓ આયુષ હોસ્પિટલ ખાતે યુરો સર્જન ડો. કેયૂર પટેલને બાતવા માટે આવેલ હતા. તેઓને રેડિયોલોજિકલ રિપોર્ટ કરતાં જાણવા મળ્યું કે તેઓને ડાબી કિડનીમાં 5 સેન્ટિમીટરની પથરી છે. ત્યારબાદ આગળ વધુ રિપોર્ટ કરાવતા ડીટીપીએ સ્કૅન દ્વારા કન્ફોર્મ કરાયું કે તેમની જમણી કિડની પણ ખરાબ થય ગઈ છે અને કિડની કામ કરતી બંધ થઈ ગઈ છે.
જેથી ડાબી કિડનીમાંથી 5 સેન્ટિમીટરની પથરી હતી તેનું દૂરબીન (એન્ડોસ્કોપી) દ્વારા ઓપરેશન કરાયું હતું. સામાન્ય રીતે 5 સેન્ટિમીટર જેવી મોટી પથારીમાં કાપો મૂકીને ઓપરેશન કરવું પડતું હોય છે પરંતુ ડૉ. કેયૂર પટેલ દ્વારાં દૂરબીન વડે એક જ વારમાં પથરી કાઢી લઈ સફળતા પૂર્વક ઓપરેશન પાર પાડયું હતું.
વધુમાં આ વૃધ્ધાની જમણી બાજુની કિડની કામ કરતી બંધ થઇ ગઈ હતી અને દર્દીએ સમય સર સારવાર ન લેતાં કિડનીમાં ગંભીર ચેપ લાગી ગયો હતો જેથી પથરીના ઓપરેશન બાદ ફરી વાર તેઓને દાખલ કરીને દૂરબીન દ્વારા જમણી સાઈડની કિડની કાઢી નાખવાનું ઓપરેશન કરાયું હતું. જેને લેપ્રોસ્કોપિક નેફ્રેક્ટોમિ કેહવાય છે. હાલમાં બેન્ને ઓપરેશન બાદ દર્દી એકદમ સ્વસ્થ છે અને હોસ્પિટલમાથી રજા આપવામાં આવી છે.
