સોશિયલ મીડિયા ઈન્ફ્લુએન્સરે જાહેરમાં બોનેટ પર બેસીને કેક કાપી: વિડીયો વાયરલ થાય બાદ પોલીસે કરી કાર્યવાહી, જુઓ વિડીયો
સોશિયલ મીડિયામાં ઈન્ફ્લુએન્સરનું સ્ટેટસ જાળવી રાખવા માટે અવનવા વિડીયો બનાવતા હોય છે ત્યારે કાયદા વ્યવસ્થાની સ્થિતિને પડકારતાં સુરતની સોશિયલ મીડિયા ઈન્ફ્લુએન્સર જિનલ દેસાઇએ પોતાના 30માં જન્મદિવસની ઉજવણી જાહેરમાં કરી હતી. જાહેરમાં ફટાકડા ફોડી તેમજ કારના બોનેટ પર બેસીને કેક કાપી હતી. આ યુવતીએ જાહેરનામાનો ભંગ કરતો આ વીડિયો સોશિયલ મીડિયામાં મૂકીને પોલીસને પડકાર ફેંક્યો હતો જે બાદ જે બાદ પોલીસ હરતકમાં આવી અને ઈન્ફ્લુએન્સરને નોટિસ આપીને પોલીસ સ્ટેશને હાજર રહેવા જણાવ્યું છે.
સુરતના સિટી લાઇટ એરિયાનો એક વીડિયો છેલ્લા બે દિવસથી સુરતમાં ચર્ચાનો વિષય બન્યો છે. જેમાં એક છોકરી કારના બોનેટ પર બેસીને કેક કાપીને પોતાનો જન્મદિવસ ઉજવી રહી છે અને કારની બાજુમાં ફટાકડા પણ ફોડી રહ્યા છે. જ્યારે પોલીસે તપાસ શરૂ કરી તો જાણવા મળ્યું કે વાયરલ વીડિયોમાં પોતાનો જન્મદિવસ મનાવતી યુવતી સુરતની પ્રખ્યાત ઈન્ફ્લુએન્સર જીનલ દેસાઈ છે.
પોલીસ એક્શનમાં આવી અને જીનલ દેસાઈ સામે કાયદાનો ભંગ કરવા બદલ તેણીની સામે હાજર થવા માટે નોટિસ જારી કરી. સુરત ડીસીપી વિજય સિંહ ગુર્જરે જણાવ્યું હતું કે એક વાયરલ વીડિયો અમારા ધ્યાન પર આવ્યો હતો જેમાં એક છોકરી કારના બોનેટ પર બેસી કેક કાપી રહી છે અને કારની બાજુમાં જોરથી ફટાકડા ફોડી રહ્યા છે. જ્યારે અમે આ વીડિયોની તપાસ કરી તો અમને જાણવા મળ્યું કે વીડિયોમાં દેખાતી યુવતી સુરતની પ્રખ્યાત ઈન્ફ્લુએન્સર જીનલ દેસાઈ છે. અમે તાત્કાલિક કાર્યવાહી કરી અને પોલીસ કમિશનરના જાહેરનામાનો ભંગ કરવા બદલ તેની સામે પોલીસ સ્ટેશનમાં હાજર થવાનો આદેશ જારી કર્યો છે. તેની સામે કેસ પણ દાખલ કરવામાં આવ્યો છે. જીનલ જે કાર પર કેક કાપી રહી છે તે કાર પણ મોડિફાઇડ હોવાનું જણાય છે, તેથી અમે તેની પણ તપાસ કરીશું.
સુરત ડીસીપી વિજય સિંહ ગુર્જરે જણાવ્યું કે જીનલ દેસાઈ એક ઈન્ફ્લુએન્સર છે, સોશિયલ મીડિયા પર તેના લાખો ફોલોઅર્સ છે. યુવાનો તેમને અનુસરે છે, આવી પ્રવૃતિઓથી સમાજ અને યુવાનોને ખોટો સંદેશો જાય છે. આવી પ્રવૃત્તિઓથી યુવાનોને ઉશ્કેરશો નહીં. દિવાળીનો તહેવાર નજીકમાં હોવાથી જાહેર સ્થળોએ ફટાકડા ફોડવાથી તમારા માટે તેમજ અન્ય લોકો માટે પણ ખતરો બની શકે છે. જો તેમની સાથે અન્ય લોકો હશે તો તેમની સામે પણ કાયદા હેઠળ કાર્યવાહી કરવામાં આવશે.
