DGGIની તપાસ દરમિયાન કેસોની પતાવટમાં ગેરરીતિની ગંધ..? રાજકોટમાં ₹ 545 કરોડના બોગસ ITC કૌભાંડમાં નવો વળાંક: 5 અધિકારીઓની બદલી
રાજકોટનાં બહુચર્ચિત 545 કરોડના બોગસ ઇનપુટ ટેક્સ ક્રેડિટ (ITC) કૌભાંડની તપાસ દરમિયાન “વહીવટ” થયાની શંકાને પગલે 5 અધિકારીઓની બદલી કરી હોવાનું સામે આવ્યું છે.રાજકોટમાં બોગસ ઇનપુટ ટેક્સ ક્રેડિટ દ્વારા અંદાજે 545 કરોડનું કૌભાંડનો પર્દાફાશ થયો હતોમતપાસ દરમિયાન કેટલીક કાર્યવાહી અને કેસોની પતાવટમાં ગેરરીતિની ગંધ આવતા અમદાવાદ ડાયરેક્ટર જનરલ ઓફ સેન્ટ્રલ GST ઇન્ટેલિજન્સ (DGGI) ટીમે તપાસમાં ઝમ્પલાવ્યું છે.જ્યારે 5 ઇન્ટેલિજન્સ અધિકારીઓની આંતરિક બદલી કરી દેવામાં આવી છે. આ કેસમાં બે વેપારીની ધરપકડ કરવામાં આવી હતી તેમજ જવાબદાર અધિકારીઓ સામે પણ કાર્યવાહી હાથ ધરવામાં આવી હતી.
ડિરેક્ટોરેટ જનરલ ઓફ GST ઇન્ટેલિજન્સ (DGGI) એ રાજકોટમાં ₹545 કરોડના બોગસ બિલિંગ રેકેટનો પર્દાફાશ કર્યો છે અને ₹102 કરોડથી વધુની છેતરપિંડીભરી ઇનપુટ ટેક્સ ક્રેડિટ (ITC) મેળવવાના આરોપમાં બે વ્યક્તિઓની ધરપકડ કરી હતી.
આરોપીઓએ માલના વાસ્તવિક પુરવઠા વિના નકલી ઇન્વોઇસ બનાવવા માટે 23 બોગસ કંપનીઓ ચલાવવાના આરોપસર કસ્ટડીમાં લેવામાં આવ્યા હતા.
ડીજીજીઆઈ અધિકારીઓના જણાવ્યા અનુસાર, આ બંને ભાગીદારો સાથે જોડાયેલા અનેક સ્થળોએ દરોડા પાડવામાં આવ્યા હતા, જે દરમિયાન અનેક ગુનાહિત દસ્તાવેજો મળી આવ્યા હતા. વધુ ફોરેન્સિક તપાસ માટે મોબાઇલ ફોન અને અન્ય ઇલેક્ટ્રોનિક ઉપકરણો પણ જપ્ત કરવામાં આવ્યા હતા.
સૂત્રોના જણાવ્યા મુજબ સેન્ટ્રલ GST ઇન્ટેલિજન્સના અધિકારીઓ દ્વારા આડેધડ કેસો નોંધવા સહિત કેસોની પતાવટમાં નાણાકીય લેવડદેવડના આક્ષેપો સામે આવતા ઉચ્ચ સ્તરેથી આ ગંભીર પગલાં લેવામાં આવ્યાં છે.અમદાવાદ, રાજકોટ અને ગાંધીધામમાં પોસ્ટ કરાયેલા પાંચ ઇન્ટેલિજન્સ અધિકારીઓની આંતરિક બદલી કરવામાં આવી છે.
