રાજકોટની કિશોરી સાથે સ્લીપર કોચ બસમાં દુષ્કર્મ : ગીર સોમનાથના નરાધમે સ્કુલમાં ભણતી વિદ્યાર્થીનીને બનાવી હવસનો શિકાર
સુરતથી સ્લીપર કોચમાં રાજકોટ આવી રહેલી રાજકોટની એક કિશોરી સાથે ચાલુ બસમાં દુષ્કર્મ થયાની ઘટના બની છે. સુરતના મહિધરપુરા પોલીસે આ મામલામાં રાજકોટની જ એક હોસ્ટેલમાં રહેતા અને મૂળ ગીર સોમનાથ જિલ્લાનાં દેવળી ગામના વતની વિજય બારડ સામે પોકસો અને એટ્રોસિટી એક્ટ હેઠળ ગુનો નોંધીને શોધખોળ શરુ કરી છે.
આ મામલામાં દુષ્કર્મનો ભોગ બનેલી કિશોરી રાજકોટની સ્કુલમાં ભણતી હતી અને એ જ સ્કુલની હોસ્ટેલમાં નોકરી કરતો હતો. બંને વચ્ચે દોસ્તી પણ થઈ હતી… સમય જતા આ કિશોરી વધુ અભ્યાસ માટે સુરત ગઈ હતી અને વિજયબારડ પણ તેની પાછળ પાછળ સુરત ગયો હતો. દરમિયાન આ કિશોરી સુરતથી રાજકોટ આવવા માટે એક સ્લીપર કોચમાં બેઠી ત્યારે આરોપી વિજય પણ બસમાં આવી ગયો હતો અને તેના ઉપર શરીર સંબંધ બાંધવા માટે દબાણ કર્યું હતું.
કિશોરીએ ઇનકાર કર્યો તો ઈમોશનલી બ્લેકમેઈલ કરી હતી અને આપઘાત કરવાની ધમકી આપી હતી. વધુમાં આપઘાત કરીને તને જ જવાબદારી ગણીને પોલીસ કાર્યવાહી કરશે તેવી ચીમકી પણ આપી હતી. આ ધમકીથી કિશોરી ડરી ગઈ હતી. આ વાતનો ફાયદો ઉઠાવીને વિજયે ચાલુ બસે દુષ્કર્મ કર્યું કર્યું હતું . આ કિશોરીએ રાજકોટમાં ઘરે પહોંચી પરિવારજનોને વાત કરી હતી એટલે પરિવારજનો રાજકોટમાં પોલીસ સ્ટેશન દોડી ગયા હતા અને ફરિયાદ આપી હતી. આ દુષ્કર્મ સુરતમાં થયું હોવાથી રાજકોટ પોલીસે ઝીરો નંબરથી ફરિયાદ નોંધીને સુરત મહીધરપુરા પોલીસ સ્ટેશન મોકલી આપી હતી. પોલીસ હાલમાં આરોપીની શોધખોળ કરી રહી છે.
