રાજકોટને હાઇકોર્ટની બેન્ચ માટે ફરી સળવળાટ : 27 વકીલની કમિટી રચાઇ, બોમ્બે HCએ કોલાપુરને બેન્ચ આપતા રાજકોટ બારના સભ્યો મેદાને
રાજકોટને ઈન્ટરનેશનલ એરપોર્ટ મળી ગયું, એઈમ્સ મળી ગઈ, એક મેગા સિટીને જરૂર પડે તે પ્રકારની તમામ સુવિધાઓ મળી રહી છે પરંતુ નથી મળી તો હાઈકોર્ટની એક બેન્ચ…! આ માટે છેલ્લા ઘણા વર્ષોથી માગ ઉઠી રહી છે પરંતુ અત્યંત જરૂરી એવી આ બેન્ચ રાજકોટમાં લાવવામાં સફળતા મળી નથી. જો કે ફરી આ માટે સળવળાટ શરૂ થયો હોય તેવી રીતે 27 વકીલની એક કમિટીની રચના કરવામાં આવી છે જે હાઈકોર્ટની બેન્ચ રાજકોટને મળે તે માટે પૂરું જોર લગાવી દેશે.
તાજેતરમાં જ બોમ્બે હાઈકોર્ટ દ્વારા કોલાપુરને સર્કિટ બેન્ચ મળે તે અંગે ચીફ જસ્ટિસ દ્વારા ગવર્નરની મંજૂરી લઈ નવી સર્કિટ બેન્ચની રચના કરવામાં આવી હતી. આ પછી રાજકોટ બારના સભ્યો પણ મેદાને આવ્યા છે. આ પહેલાં 1983 માં હાઈકોર્ટની બેન્ચ રાજકોટને મળે તે માટે છ મહિના સુધી આંદોલન ચાલ્યું હતું. આ ઉપરાંત પણ વરિષ્ઠ વકીલો તેમજ રાજકોટ બારના પૂર્વ પ્રમુખ દ્વારા આ દિશામાં કામગીરી કરવામાં આવી હતી. દરમિયાન પાંચ જૂલાઈએ રાજકોટ બાર એસોસિએશનની એક મિટિંગ મળી હતી જેમાં હાઈકોર્ટની બેન્ચ માટે કરાયેલી તમામ રજૂઆત, પત્ર વ્યવહાર તેમજ જે કામગીરી કરવામાં આવી હતી તે ધ્યાને લઈને રાજકોટ બારના 3600થી વધુ એડવોકેટની લાગણી તેમજ માગણીને ધ્યાને લઈ રાજકોટ બારના અલગ-અલગ ક્ષેત્રના તજજ્ઞોની એક કમિટીની રચના કરાઈ હતી.
‘વોઇસ ઓફ ડે’ફરી અગ્રેસર
હંમેશા સત્ય, સચોટ સમાચાર પ્રસિદ્ધ કરવામાં માનતું ‘વોઈસ ઓફ ડે’ હાઈકોર્ટની બેન્ચ મળે તે માટે લડતની જરૂરિયાત હોવાનો અહેવાલ પ્રસિદ્ધ કર્યો હતો. આ અહેવાલમાં જણાવાયું હતું કે વકીલોની કમિટી બનાવી યોગ્ય રજૂઆત કરવી જરૂરી છે. આ અહેવાલ ૪ ઓગસ્ટે પ્રસિદ્ધ થયા બાદ પાંચ ઓગસ્ટે જ વકીલો એક્શનમાં આવ્યા હતા અને કમિટીની રચના પણ કરી હતી.
આ પણ વાંચો : રાજકોટના લોકમેળામાં ડ્રોન અને AIથી ક્રાઉડ કંટ્રોલ થશે : અઘોરી ગ્રુપ,રાજભા ગઢવી સહિતના કલાકારો કરશે જમાવટ,15 લાખની જનમેદની ઉમટશે
કમિટીમાં કોણ કોણ સામેલ?
જી.કે.ભટ્ટ, મહર્ષિ પંડ્યા, એલ.જે.શાહી, જયેશ દોશી, બીપીન મહેતા, દિલીપ પટેલ, આર.બી.ગોગીયા, સંજય વ્યાસ, સ્મિતાબેન ખત્રી, અશોકસિંહ વાઘેલા, રાજેશ મહેતા, સુરેશ સાવલિયા, હિતેશ દવે, વિજય તોગડિયા, હેમેન ઉદાણી, આર.એમ.વારોતરિયા, ટી.બી.ગોંડલિયા, જી.આર.ઠાકર, જયદેવ શુક્લ, પિયુષ શાહ, જી.એલ.રામાણી, રમેશ કથીરિયા, મહેશ્વરીબેન ચૌહાણ, તુષાર ગોકાણી, કે.ડી.શાહ, બીમલ જાની, બીપીન.આર.કોટેચા.
