Maruti e Vitaraનું પ્રોડક્શન શરૂ : PM મોદીએ બતાવી લીલી ઝંડી, સિંગલ ચાર્જમાં કાર ચાલશે 500 KM, જાણો પ્રાઇઝથી લઈને તમામ માહિતી  

વડાપ્રધાન મોદી 2 દિવસીય ગુજરાતના પ્રવાસે છે. ગઇકાલે વડાપ્રધાન મોદીએ અમદાવાદ એરપોર્ટ પરથી નિકોલ સુધી ભવ્ય રોડ શૉ યોજી ખોડલધામ મેદાન ખાતે વીશાળ જનસભા સંબોધી હતી ત્યારે આજે પ્રધાનમંત્રી નરેન્દ્ર મોદીએ  હાંસલપુરમાં મારુતિ સુઝુકીના પ્રથમ વૈશ્વિક બેટરી ઇલેક્ટ્રિક વાહન (BEV) ‘e-Vitara’ ને લીલી ઝંડી આપી. આ સાથે, 100 થી વધુ દેશોમાં તેની નિકાસ ઔપચારિક રીતે શરૂ થઈ ગઈ છે.

#WATCH | Gujarat: Prime Minister Narendra Modi flags off the 'e-VITARA', Suzuki’s first global strategic Battery Electric Vehicle (BEV), at the Suzuki Motor plant in Hansalpur, Ahmedabad. The Made-in-India BEVs will be exported to more than one hundred countries, including… pic.twitter.com/ZVuVZqxiAe

— ANI (@ANI) August 26, 2025

મારુતિ સુઝુકીની પહેલી ઇલેક્ટ્રિક કાર ‘મારુતિ ઇ વિટારા’ને લીલી ઝંડી આપી

પ્રધાનમંત્રી નરેન્દ્ર મોદીએ આજે ​​ગુજરાતની બે દિવસીય મુલાકાતના બીજા દિવસે મારુતિ સુઝુકીની પહેલી ઇલેક્ટ્રિક કાર ‘મારુતિ BEV) ‘e-Vitara’ને લીલી ઝંડી આપી હતી. આ દરમિયાન પીએમએ અમદાવાદના હાંસલપુર સ્થિત પ્લાન્ટમાં હાઇબ્રિડ બેટરી ઇલેક્ટ્રોડના સ્થાનિક ઉત્પાદનનું પણ ઉદ્ઘાટન કર્યું હતું. મારુતિ સુઝુકીની આ ઇલેક્ટ્રિક એસયુવીનું ઉત્પાદન આજથી શરૂ કરવામાં આવ્યું છે, જે જાપાન, યુરોપ સહિત વિશ્વના 100 થી વધુ દેશોમાં નિકાસ કરવામાં આવશે.

ઇલેક્ટ્રિક SUVનું સ્થાનિક ઉત્પાદન આજથી શરૂ

પીએમ મોદીએ આજથી આ મારુતિ સુઝુકી પ્લાન્ટમાં કંપનીની પહેલી ઇલેક્ટ્રિક કાર ‘મારુતિ ઇ વિટારા’ના ઉત્પાદન માટે એસેમ્બલી લાઇનનું ઉદ્ઘાટન કર્યું છે. એટલે કે, આ ઇલેક્ટ્રિક SUVનું સ્થાનિક ઉત્પાદન આજથી શરૂ કરવામાં આવ્યું છે, જે અન્ય દેશોમાં પણ નિકાસ કરવામાં આવશે. બેટરી ઇકોસિસ્ટમને પ્રોત્સાહન આપવા માટે, ગુજરાત પ્લાન્ટમાં હાઇબ્રિડ બેટરી ઇલેક્ટ્રોડનું ઉત્પાદન પણ શરૂ કરવામાં આવ્યું છે.

Maruti e Vitara કેવી છે:

નવી Maruti e Vitaraવિશે વાત કરીએ તો, તેનો દેખાવ-ડિઝાઇન અને સમાન કદ ગયા વર્ષે કોન્સેપ્ટ તરીકે રજૂ કરાયેલ Maruti eVX જેવું જ છે. જો કે, અમુક શાર્પ એંગલને ઘટાડવામાં આવ્યા છે. તેમાં આગળ અને પાછળ ટ્રાઇ-સ્લેશ LED ડેટાઇમ રનિંગ લાઇટ્સ, આગળ ચાર્જિંગ પોર્ટ અને પાછળના વ્હીલ આર્ચ પર કર્વ્સ છે. તેના પાછળના દરવાજાના હેન્ડલને C-પિલર પર ખસેડવામાં આવ્યું છે, જે આજકાલ ખૂબ જ ટ્રેન્ડમાં છે.

Suzuki E Vitaraની સાઇઝ

18-ઇંચના એલોય વ્હીલ્સથી સજ્જ, આ મારુતિ ઇ વિટારા 4,275 મીમી લાંબી, 1,800 મીમી પહોળાઈ અને 1,635 મીમી ઊંચાઈ ધરાવે છે. તેને 2,700 મીમી વ્હીલબેઝ મળે છે, જે ક્રેટા કરતા લાંબો છે. આ મોટો વ્હીલબેઝ કારની અંદર વધુ સારી બેટરી પેક ઇન્સ્ટોલ કરવામાં મદદ કરશે. તેનું ગ્રાઉન્ડ ક્લિયરન્સ 180 મીમી છે, જે મોટાભાગની ભારતીય રોડ સ્થિતિઓ માટે પૂરતું છે. વિવિધ પ્રકારોના આધારે તેનું કુલ વજન 1,702 કિલોગ્રામથી 1,899 કિલોગ્રામ છે.

આ પણ વાંચો : દિવાળીએ લોકોને મળશે ખુશીઓનું ડબલ બોનસ : વડાપ્રધાન મોદી દેશભરના લોકોને આપશે મોટી ભેટ

મારુતિ ઇ વિટારામાં લિથિયમ આયર્ન-ફોસ્ફેટ (LFP) બેટરી પેક છે. કંપની આ SUV ને બે અલગ અલગ બેટરી પેક (49kWh અને 61kWh) સાથે ઓફર કરી રહી છે. મોટા બેટરી પેકમાં ડ્યુઅલ-મોટર ઓલ વ્હીલ ડ્રાઇવ (AWD) સેટઅપ છે, જેને કંપની ઓલ ગ્રિપ-E કહે છે. કંપનીનો દાવો છે કે આ SUV એક જ ચાર્જ પર 500 કિમીથી વધુની રેન્જ આપશે.

PM Modi flags off Maruti Suzuki’s first global electric vehicle, eVITARA, from Hansalpur, Gujarat, for exports to over 100 countries. He also inaugurates a lithium-ion battery manufacturing facility by Suzuki, Toshiba, and Denso, supporting hybrid and electric vehicle battery mfg pic.twitter.com/YMq9HW4UQg

— Chetan Bhutani (@BhutaniChetan) August 26, 2025

મારુતિ ઇ વિટારાની કિંમત 20 લાખ રૂપિયા

મારુતિ ઇ વિટારાની કિંમત 20 લાખ રૂપિયા (એક્સ-શોરૂમ)થી શરૂ થઈ શકે છે. એ જ સમયે હાઇ પાવર મોટર સાથે 61kWh બેટરી પેક ધરાવતા મોડલની કિંમત 25 લાખ રૂપિયા (એક્સ-શોરૂમ) હોઈ શકે છે. આ ઉપરાંત, E-ઓલ ગ્રિપ AWD વર્ઝનની કિંમત 30 લાખ રૂપિયા (એક્સ-શોરૂમ) રાખી શકે છે.

હ્યુન્ડાઇ ક્રેટા ઇલેક્ટ્રિક મારુતિ માટે સૌથી મોટો પડકાર

 હ્યુન્ડાઇ ક્રેટા ઇલેક્ટ્રિક મારુતિ માટે સૌથી મોટો પડકાર હશે. ક્રેટા ઇલેક્ટ્રિક બે બેટરી પેક વિકલ્પોમાં આવી રહી છે. જેમાં 42kWh અને 51.4kWh બેટરીનો સમાવેશ થાય છે. આ બંને બેટરી પેક ARAI દ્વારા દાવો કરાયેલી રેન્જ અનુક્રમે 390 કિમી અને 473 કિમી સાથે આવે છે. ક્રેટા ઇલેક્ટ્રિકની કિંમત 17.99 લાખ રૂપિયાથી શરૂ થાય છે અને 24.38 લાખ રૂપિયા સુધી જાય છે. આ ઉપરાંત, મારુતિ ઇ વિટારા ટાટા નેક્સન ઇવી અને એમજી વિન્ડસર જેવી કાર સાથે પણ સ્પર્ધા કરશે.