PM મોદી ફરી આવશે ગુજરાત: 28મી ફેબ્રુઆરીએ સાણંદમાં ‘માઇક્રોન’ સેમીકન્ડક્ટર પ્લાન્ટનું ઉદ્ઘાટન કરશે, યુવાનોને મળશે રોજગારીની તક
વડાપ્રધાન નરેન્દ્ર મોદી આગામી તા. 28મી તારીખે એક દિવસીય ગુજરાત મુલાકાતે આવી રહ્યા છે. તેઓ સાણંદ ખાતે અમેરિકન કંપની માઇક્રોન ટેકનોલોજી અદ્યતન સેમીકન્ડક્ટર પ્લાન્ટનું વિધિવત ઉદ્ઘાટન કરશે.
સાણંદ જીઆઈડીસીમાં આવેલો આ પ્લાન્ટ ભારતનો પ્રથમ કાર્યરત સેમીકન્ડક્ટર એસેમ્બલી અને ટેસ્ટિંગ યુનિટ ગણાશે. અંદાજે 2.75 અબજ ડોલર (રૂ. 22,500 કરોડથી વધુ)ના રોકાણ સાથે ઊભેલા આ પ્રોજેક્ટને ભારત સરકારના સેમીકન્ડક્ટર મિશન હેઠળ મંજૂરી મળી હતી.
આ પ્લાન્ટમાં બે તબક્કામાં મેમરી ચીપ્સનું ઉત્પાદન થશે. ખાસ કરીને રેન્ડમ એક્સેસ મેમરી (RAM) અને NAND મેમરી ચીપ્સનું એસેમ્બલી અને ટેસ્ટિંગ અહીં થશે. મેમરી ચીપ્સના ક્ષેત્રે ભારત માટે આ પહેલો મોટો ઉત્પાદન આધાર હશે.
આ પણ વાંચો:T20 World Cup: પિતાની તબિયત લથડતા રિંકુ સિંહ ઘરે પરત ફર્યો, શું ઝિમ્બાબ્વે સામેની મેચમાં પ્લેઇંગ ઇલેવનમાં પરત ફરી શકશે?
પ્લાન્ટના પ્રારંભ સાથે હજારો કુશળ અને અર્ધકુશળ યુવાનોને સીધી અને પરોક્ષ રોજગારીની તકો ઊભી થવાની ધારણા છે. સાણંદ અને આસપાસના વિસ્તારોમાં ઔદ્યોગિક ગતિવિધિઓમાં વધારો થવાની શક્યતા વ્યક્ત કરવામાં આવી રહી છે. સપ્લાય ચેઇન, લોજિસ્ટિક્સ અને સહાયક ઉદ્યોગોને પણ લાભ મળશે.
