જામનગર જિલ્લાનો જોડીયા પંથક ડ્રગ્સ મામલે કુખ્યાત છે. આ પંથકમાં હાલમાં ચરસના ઉપરાઉપરી 2 કેસ નોંધાતા ફરી એક વખત આ પંથક ચર્ચાઓમાં છે. તાજેતરમાં નાર્કોટિક્સ કંટ્રોલ બ્યૂરોએ આ પંથકમાંથી એક શખ્સને 498 ગ્રામ ચરસ સાથે ઝડપી લીધાંની વિગતો જાહેર થયા બાદ, SOG એ પણ આ વિસ્તારમાં બાવળની ઝાડીમાં ઓપરેશન કર્યું છે અને 3 શખ્સોને રૂ. 9 લાખના ચરસના જથ્થા સાથે પકડી પાડયા છે.
જામનગર SOG ના સ્ટાફે બાતમીના આધારે આ ડ્રગ્સ સપ્લાયરો ઝડપાઈ ગયા હોવાનું જાહેર થયું છે. પોલીસે 5.859 કિલોગ્રામ ચરસનો જથ્થો (રૂ. 8,78,850) અને રૂ. 30,000ની કુલ કિંમતના 3 મોબાઈલ મળી કુલ રૂ. 9,08,850 નો મુદ્દામાલ કબ્જે લીધો છે. આ શખ્સો દરિયામાં કરચલા પકડવા ગયા હતાં અને ત્યારે ચરસનો જથ્થો લાવ્યા હતાં.
આ વ્યક્તિઓના નામ ફરીદ બસીર ખોડ, અઝીઝ મામદ ગઢ અને અસગર ગની પલેજા છે. ત્રણેય શખ્સો જોડીના છે. પોલીસે 5.859 કિલો ચરસ (રૂ. 8,78,850) અને રૂ. 30,000ની કિંમતના 3 મોબાઈલ મળી કુલ રૂ. 9,08,850નો મુદ્દામાલ કબજે કર્યો છે. આ શખ્સો દરિયામાં કરચલાં પકડવા ગયા હતા અને ચરસનો જથ્થો લઈને આવ્યા હતા. પોલીસે આ લોકો સામે NDPS એક્ટની કલમો હેઠળ કેસ નોંધ્યો છે.
