લો બોલો! જલેબી, સમોસાં, લાડુ, ભજીયા અને વડાપાંઉ સ્વાસ્થ્ય માટે હાનિકારક : આરોગ્ય મંત્રાલયના અહેવાલમાં ખુલાસો
ખાસ કરીને ગુજરાતીઓ જે સૌથી વધુ નાસ્તામાં ખાય છે તે જલેબી, સમોસા, ભજીયા, લાડુ અને વડાપાંઉ આરોગ્ય માટે હાનિકારક છે તેવું આરોગ્ય મંત્રાલયે પોતાના એક રીપોર્ટમાં જણાવ્યું છે.
આવી આઈટમ ઉપર વોર્નિંગ સ્લીપ લગાવવાનો નિર્દેશ પણ આપવામાં આવ્યો છે. આ વોર્નિંગ સ્લીપમાં તે વસ્તુમાં રહેલી ખાંડ અને તેલની માહિતી આપવામાં આવી હશે. આરોગ્ય મંત્રાલયે દેશભરની તમામ કેન્દ્રીય સંસ્થાઓને મહત્વપૂર્ણ સૂચનાઓ આપી છે. તેમાં કહેવામાં આવ્યું છે કે તેઓ દરેક ફૂડ આઇટમ પર તેલ અને ખાંડ વિશે સૂચક બોર્ડ લગાવે, જેથી નાસ્તામાં છુપાયેલી ચરબી અને ખાંડની સાચી જાણકારી મળી શકે.
આરોગ્ય મંત્રાલયે જાહેર કરેલા એક રિપોર્ટ અનુસાર, 2050 સુધી ભારતમાં 44.9 કરોડ લોકો મોટાપા (જાડાપણા) અથવા વધેલા વજનની સમસ્યા ધરાવશે. એવામાં ભારત અમેરિકા પછી દુનિયાનો બીજો મોટાપાથી પીડિત દેશ બની જશે. હાલની સ્થિતિ જોઈએ તો ભારતમાં દરેક પાંચમાંથી એક વ્યક્તિ ઓવરવેઇટ છે.
વર્લ્ડ હેલ્થ ઓર્ગેનાઇઝેશન (WHO)ના રિપોર્ટ અનુસાર ભારતમાં 60 ટકાથી વધુ લોકો મોટાપો અથવા વધેલા વજનથી પીડિત છે. જ્યારે 2030 સુધીમાં ડાયાબિટીસના કેસ 10 કરોડને પાર કરી શકે છે. એ જ કારણે આરોગ્ય મંત્રાલયે ખાદ્ય અને ઔષધિ પ્રશાસન (FSSAI) સાથે મળીને નવી નીતિ બનાવી છે, જેના હેઠળ પેકેટવાળી ખાદ્ય વસ્તુઓ પર વોર્નિંગ લેબલ લગાવવું ફરજિયાત બનાવવામાં આવ્યું છે.
એમ્સ નાગપુરના અધિકારીઓએ જણાવ્યું કે આરોગ્ય મંત્રાલય તરફથી તેમને આ સંબંધમાં આદેશ મળ્યો છે. ત્યાર બાદ કેમ્પસમાં આવેલા કાફે અને પબ્લિક જગ્યો પર વોર્નિંગ બોર્ડ લગાવવામાં આવશે. માત્ર સમોસાં-જલેબી અને લાડુ નહીં, પણ વડાપાંવ અને ભજિયાં પણ આ ચેકિંગની લિસ્ટમાં સામેલ રહેશે.
આ પણ વાંચો : બોગસ ટેક્સ ક્લેઇમ: રાજકોટ સહિત દેશભરમાં 150 સ્થળોએ ઇન્કમટેક્સનાં દરોડા
કાર્ડિયોલોજિકલ સોસાયટી ઓફ ઈન્ડિયા, નાગપુર બ્રાંચના ચીફ ડો. અમર આમલે આ મુદ્દે સ્પષ્ટતા કરી હતી. તેમણે કહ્યું કે ખાંડ અને ટ્રાન્સફેટ આજના સમયમાં નવી સિગારેટ અને તમાકુ છે. ખાંડ અને તેલને કારણે આ ફૂડ આઇટમ્સ સ્મોકિંગ અને તમાકુ જેટલા જ ખતરનાક સાબિત થઈ રહ્યા છે. હવે જે ખોરાક જેટલો નુકસાનદાયક હશે, તેના પર તેટલી ગંભીર ચેતવણી આપવામાં આવશે. લોકોને માલૂમ હોવું જોઈએ કે તેઓ શું ખાઈ રહ્યા છે.
