શું રાજકોટ પોલીસ હેડક્વાર્ટરમાં ગુટલીબાજો માટે CUG પ્લાન,કર્તાહર્તા કે વહીવટદાર કોણ ? જાણો શું છે સમગ્ર મામલો

રાજકોટ શહેર પોલીસમાં ખૂલ્લા કે આવા કામોમાં ક્રીમ બ્રાન્ચ કે PCB ચર્ચામાં રહેતી હોય છે પરંતુ જાહેરમાં નહીં પણ સાયલન્ટ એવા પોલીસ હેડ ક્વાર્ટરમાં પણ આવું છૂપું કે ગોઠવણભર્યું ચાલતું હોવાની ચર્ચા છે જેમાં હોટ ઈસ્યુ જૈવો છે કોડવર્ડવાળો CUG પ્લાન. આ પ્લાનમાં જોડાયેલા ગુટલીબાજ કે નિવૈદ્ય આપનાર પોલીસ કર્મચારીની ફિઝિકલ નોકરીએ ઓનપેપર ક્યાંક ને ક્યાંક કોઈ પોઈન્ટ જગ્યા પર નોકરી હોય આવવામાંથી મુક્તિ મળતી હોવાની ચર્ચા છે.

શું ખરેખર પોલીસ હેડ ક્વાર્ટરમાં આવો CUG પ્લાન ચાલી રહ્યો છે ? જો ચાલતો હોય તો તેના કર્તાહર્તા કે વહીવટદાર કોણ ? આવા ગુટલીબાજ કર્મીઓ કેટલા ? અને મહિને માથાદીઠ 12 થી 15000ના ઉઘરાણામાં કુલ ગુટલીબાજોના ઉઘરાણાનો આંક કેવડો ? કોણ જમી જાય છે ? જો સત્ય હોય તો એ.સી. ચેમ્બરમાં બેઠેલા અધિકારીઓએ આ બાબતે ઉંડી તપાસ કરાવવી જોઈએ.

આ પણ વાંચો : રાજ્યમાં આ તારીખથી સારા વરસાદના સંકેત : સૌરાષ્ટ્ર અને દક્ષિણ ગુજરાતમાં વરસાદની હવામાન વિભાગની આગાહી

પોલીસ હેડ ક્વાર્ટરમાં કેદી પાર્ટી ગાર્ડ ઉપરાંત બંદોબસ્ત સહિતની અન્ય ડ્યુટીઓમાં પોલીસ કર્મીઓની ફાળવણી થતી હોય છે. ઘણાખરા એવા પોઈન્ટ્સ, જગ્યાઓ હોય કે જ્યાં ડયુટી બટાતી હોય આવી જગ્યાઓ બહારથી લોક રહેતી હોય કે સલામત જેવી હોય તો ત્યાં ઓનપેપર તો ગાર્ડ બંદોબસ્ત ફાળવણી થાય પરંતુ જો ગાર્ડ ફિઝિકલી ગુટલી મારી દે તો કદાચ ચાલી શકતું હશે. ચચાર્ય છે કે આવા ગુટલી જેવા પોઈન્ટ, જગ્યાઓ પર ડ્યુટીમાં અથવા ગોઠવણમાં સીયુજી પ્લાન ચાલતો હશે.

જે કર્મચારીઓને ગાર્ડ તરીકે નોકરી ફાવતી ન હોય અથવા તો પોતાના અંગત વ્યવસાયો હોય કે થોડો વખત માટે હેડ ક્વાર્ટરમાં રહેવું હોય કે આર્થિક મજબૂત હોય તેવા કર્મીઓ આવા પોઈન્ટ્સ મેળવવા સીયુજી પ્લાનમાં જોડાતા હશે. જો આવો પ્લાન ચાલતો હશષ અને જે કોઈ ચલાવતા કે ચાલવા દેતા હશે તો આ પ્લાનમાં આવા એક કર્મી દીઠ 12 થી 15 હજારનું માસીક બાંધણુ કોણ લેતું હશે? કહેવાય છે કે આ પ્લાનમાં જોડાયેલા આવા નિવૈદ્યવાળા કર્મીઓને તેમના પોઈન્ટ પર ડયુટીએ જવાનું નહીં અથવા તો મોઢું બતાવીને નીકળી જવાનું.

CUGવાળા પોલીસ કર્મીઓ પોતાના અંગત ધંધાઓ કે કામોમાં કમાણી કરવામાં વ્યસ્ત રહેતા હશે અને ઓનપેપર બધું ઓકે-ઓકે બોલતું હશે. જો CUG પ્લાન મુજબ હપ્તા સિસ્ટમ ચાલતી હોય તો બન્ને તરફે મેરી ભી ચૂપ, તેરી ભી ચૂપ’ જેવું હશે. કારણ કે CUG પ્લાનવાળા કર્મીને નોકરીએ નહીં આવવાની સવલત અને જેના બદલામાં આ પ્લાન ચાલવા દેવાની છૂટ સામે નિવૈદ્ય મળતા હશે. કહેવાય છે કે પોલીસ હેડ ક્વાર્ટરના CUGની અગાઉ ફરિયાદ ઉઠી હતી ને પ્લાન બંધ થયો હતોની ચર્ચા છે. અત્યારે CUG ચાલુ છે કે નહીં તે તો આંતરિક સ્ટાફ કે જાણકારો જાણતા હશે પરંતુ સીયુજી કે ગુટલીબાજો આવું ઓનપેપર કાંઈ ક્યાંય આવ્યું નથી માટે ‘જો’ અને ‘તો’ ચર્ચા કે CUGએ અફવારૂપ માનવું પડે

આ પણ વાંચો : રાજકોટના લોકમેળામાં દરરોજ વપરાશે 1000 કિલોવોટ વીજળી : સમિતિએ મેળામાં ઝળહળાટ માટે માંગ્યા 22 કનેક્શન

પોલીસ હેડ ક્વાર્ટરના જાપ્તાની મગાઈ માહિતી

રાજકોટ પોલીસ હેડ ક્વાર્ટરમાંથી અપુરતો પોલીસ જાપ્તો જેલ પ્રશાસનને ફાળવાતો હોવાથી બીમાર કેદીઓને સારવારમાં નહીં લઈ જઈ શકતા હોવાની ઉઠેલી બુમરાણ કે જેલ અને જાપ્તા વચ્ચેના છલકછલાણા બાબતે સાચું શું ? સાચું શું ? જેલ સત્તાવાહકોની બહાનેબાજી કે ખરેખર જવાબદાર અધિકારીઓ દ્વારા પુરતો જાપ્તો ફાળવાતો નથી એ બાબતે જાગૃત નાગરિક દ્વારા ચોક્કસ દિવસો ટાંકીને માહિતી મંગાઈ છે જેમાં કેટલા કેદી માટે ક્યાં કેદીઓ માટે જાપ્તો મંગાયો હતો. ક્યાં ક્યાં કેદીઓને જાપ્તો ફાળવાયો ? કોને શા માટે નથી ફાળવાયો ? સહિતા કારણોસર આરટીઆઈથી પોલીસ પાસે માહિતી માગવામાં આવી છે.