લોરેન્સ બિશ્નોઈ જેલમાં બેઠા બેઠા અન્ડરવર્લ્ડમાં કઈ રીતે કાંડ કરે છે ? વાંચો ગેંગસ્ટરનો ઉદય અને તેના વિશાળ નેટવર્ક વિશે

  બાબા સિદ્દીકીની ઘાતકી હત્યા અને સલમાન ખાનને જાનથી મારી નાખવાની ધમકીને કારણે ફરી એકવાર વિશાળ અને કુખ્યાત નેટવર્ક ધરાવતો ગેંગસ્ટર લોરેન્સ બિશ્નોઈ લાઇમલાઇટમાં આવ્યો છે. હાલમાં ગુજરાતની સાબરમતી સેન્ટ્રલ જેલમાં જેલના સળિયા પાછળ રહેતો બિશ્નોઈ એની ગેંગ પર નિયંત્રણ રાખે છે. તે જેલમાં બેઠો બેઠો પણ પોતાની કામગીરીને અંજામ આપતો રહે છ્હે. NIAના આરોપો દર્શાવે છે કે બિશ્નોઈ તેના ગુનાહિત સામ્રાજ્યનું સંચાલન કરવા માટે ખાલિસ્તાન તરફી સંગઠનો સહિત મજબૂત જોડાણનો ઉપયોગ કરે છે.

બિશ્નોઈની ગેંગ જેલના સળિયા પાછળથી કેવી રીતે કામ કરે છે?

કેદમાં હોવા છતાં, બિશ્નોઈએ તેમની સિન્ડિકેટ પર કડક પકડ જાળવી રાખી છે. તેની આખી ગેંગ રાજ્ય અને આંતરરાષ્ટ્રીય સરહદોને પાર પણ કામ કરે છે. નેશનલ ઈન્વેસ્ટિગેશન એજન્સી (NIA) એ આરોપ લગાવ્યો છે કે બિશ્નોઈ તેમના ઓપરેશનને ચાલુ રાખવા માટે તેમના કનેક્શનનો ઉપયોગ કરે છે. પાંચ રાજ્યોમાં 700 થી વધુ શુટરના સુસ્થાપિત નેટવર્ક સાથે, તેની ગેંગે તેની રેન્જ ભારતની સરહદોની બહાર વિસ્તારી છે. તે ગેંગ પોતાના હરીફોને નિશાન બનાવે છે અને અત્યાધુનિક ટેકનોલોજીનો ઉપયોગ કરીને કાયદાને તોડે છે.

બિશ્નોઈ જામીન અરજીઓથી દૂર રહે છે. તે વાતચીતના ગુપ્ત માધ્યમોનો ઉપયોગ કરવાનું પસંદ કરે છે. તે “ડબ્બા કોલિંગ” પર આધાર રાખે છે – એક એવી ટેકનિક કે જે ગેરકાયદેસર એક્સચેન્જો દ્વારા કોલને ડાઈવર્ટ કરીને વાત કરે છે. જેનાથી તેને ટ્રેક કરવાનું લગભગ અશક્ય બની જાય છે. સિગ્નલ અને ટેલિગ્રામ જેવી એપ્સ દ્વારા, બિશ્નોઈ ભારત અને વિદેશમાં તેમના સાથીદારો સાથે સંપર્કમાં રહે છે. આ વર્ષે, એક વિડિયો ઓનલાઈન ફરતો થયો જેમાં કથિત રીતે બિશ્નોઈ અને પાકિસ્તાન સ્થિત ગેંગસ્ટર, શહેઝાદ ભટ્ટી વચ્ચે વાતચીત થતી હોય એવું દેખાતું હતું. આનો અર્થ એ કે તેનું નેટવર્ક આંતરરાષ્ટ્રીય સ્તરે પુરજોશમાં ચાલી રહ્યું છે.

બિશ્નોઈનું વિશાળ નેટવર્ક

લોરેન્સ બિશ્નોઈ પાસે તેમના નજીકના મિત્ર અને ભાગીદાર ગોલ્ડી બ્રાર સહિત ઘણા વિશ્વસનીય લેફ્ટનન્ટ્સ છે, જેઓ ‘ફિલ્ડ પર’ કામગીરીની દેખરેખ રાખે છે અને સંદેશાવ્યવહારનું સંચાલન કરે છે. તેનો નાનો ભાઈ અનમોલ બિશ્નોઈ પણ 2022માં પંજાબી ગાયક સિદ્ધુ મૂઝવાલાની હાઈ-પ્રોફાઈલ હત્યામાં સામેલ હતો. તે ગુનાની જવાબદારી પણ બિશ્નોઈ ગેંગે સ્વીકારી હતી. વધુમાં, બિશ્નોઈની ગેંગ કથિત રીતે હરવિંદર સિંઘ રિંડા જેવા ખાલિસ્તાની આતંકવાદીઓ સાથે કામ કરે છે, જે પંજાબમાં લક્ષ્યાંકિત હત્યાઓ માટે હિટમેન પૂરા પાડે છે.

તેમના નેટવર્કને એક બિઝનેસ સામ્રાજ્યની જેમ સંચાલિત કરવામાં આવે છે, જેમાં સિક્રેટ ઇન્ફોર્મેશનનું કલેક્શન, કાનૂની બાબતો અને લોજિસ્ટિક્સ માટેના અલગ ડીપાર્ટમેન્ટ છે. આવું અન્ડર વર્લ્ડનું સંગઠનાત્મક મોડેલ ડી-કંપની, અન્ય કુખ્યાત અંડરવર્લ્ડ વ્યક્તિ, દાઉદ ઈબ્રાહિમ દ્વારા ચલાવવામાં આવતી ગુનાહિત સિન્ડિકેટ દ્વારા પ્રેરિત હોવાનું જણાય છે. બિશ્નોઈ યુવાનોની ભરતી કરવા અને તેમને કેનેડા જેવા દેશોમાં મોટી તકો આપી આકર્ષિત કરવા માટે સોશિયલ મીડિયાનો પણ ઉપયોગ કરે છે.

એક ગેંગસ્ટરનો ઉદય

બિશ્નોઈનું નામ 2018માં સૌપ્રથમ ચર્ચામાં આવ્યું જ્યારે તેના સહયોગી સંપત નેહરાએ સલમાન ખાનના નિવાસસ્થાને રેકી કરી હતી. નહેરાનું મિશન કથિત રીતે સલમાન ખાનની હત્યા કરવાનું હતું કારણ કે તેનું નામ 1998ના કાળિયાર શિકાર કેસમાં આવ્યું હતું – આ કેસમાં બિશ્નોઈ સમુદાય એટલે ગુસ્સે થયો હતો કારણ કે તેઓ કાળિયારનું પૂજન કરતા હોય છે.

2022 માં, બિશ્નોઈની ગેંગે સિદ્ધુ મૂઝવાલાની હત્યાની જવાબદારી સ્વીકારી, જેમાં ગોલ્ડી બ્રારે વિદેશ રહીને પણ ગુનાની કબૂલાત કરી. ત્યારથી, બિશ્નોઈએ સલમાન સલમાન ખાનને ઘણી ચેતવણીઓ મોકલી છે, જેમાં જણાવ્યું છે કે અભિનેતા પ્રત્યેના તેમના ઇરાદા બદલાયા નથી. ધમકીઓ ઉપર ધમકીઓ મળતી રહી. કેટલીક પત્રોના રૂપમાં અને કેટલીક સોશિયલ મીડિયા પોસ્ટ્સ દ્વારા. સલામન ખાનને હાઈ એલર્ટ પર મૂકવામાં આવ્યો છે, તેના ઘરની આસપાસ સુરક્ષાના પગલાં વધારી દેવામાં આવ્યા છે.

હિંસા અને ગુનાનો ઇતિહાસ

પંજાબના ફિરોઝપુર જિલ્લામાં એક શ્રીમંત ખેડૂત પરિવારમાંથી આવતો લોરેન્સ બિશ્નોઈ કૉલેજનો વિદ્યાર્થી હતો જે પંજાબ યુનિવર્સિટીની DAV કૉલેજમાં વિદ્યાર્થી રાજકારણમાં સામેલ થયો હતો. તેણે ટૂંક સમયમાં ગુનાખોરીમાં રસ દાખવ્યો, તેનો પહેલો ગુનો 2010માં હત્યાનો પ્રયાસ હતો. ત્યારથી, બિશ્નોઈનો ગુનાહિત રેકોર્ડ સતત વધતો રહ્યો છે, જેમાં ખંડણીથી લઈને રાજકીય હરીફોની હત્યા સુધીના આરોપો છે.

2012 માં ધરપકડ કર્યા પછી, બિશ્નોઈને મહારાષ્ટ્ર કંટ્રોલ ઓફ ઓર્ગેનાઈઝ્ડ ક્રાઈમ એક્ટ (MCOCA) આરોપો હેઠળ તિહાર જેલમાં ખસેડવામાં આવ્યો હતો. વર્ષોથી, તે દારૂની દાણચોરી અને હથિયારોની દાણચોરી સહિત વિવિધ ગુનાહિત પ્રવૃત્તિઓ સાથે સંકળાયેલો છે. તાજેતરમાં, ગુજરાત એન્ટી-ટેરરિસ્ટ સ્ક્વોડ (ATS) બિશ્નોઈને સરહદ પારના દાણચોરીના કેસમાં રાજ્યમાં લાવી હતી, અને તેની ગેંગનું આંતરરાષ્ટ્રીય નેટવર્ક ઉઘાડું પાડ્યું હતું.

 લૉરેન્સ બિશ્નોઈનું જીવન અને ગુનાઓ ડિજિટલ યુગમાં સંગઠિત અપરાધ કેવી રીતે આચરવામાં આવે છે તેનું ગંભીર ચિત્ર દોરે છે. ઉચ્ચ-સુરક્ષાવાળી જેલની અંદરથી કામ કરવાની તેમની ક્ષમતા, તેમના વૈશ્વિક જોડાણો, આવા નેટવર્ક્સ પર કાબુ મેળવવામાં કાયદાના અમલીકરણના ચહેરાના પડકારોને પ્રકાશિત કરે છે. બિશ્નોઈની ગેંગ સતત વધતી જાય છે, તે જોવાનું રહે છે કે સત્તાવાળાઓ આ વધતા જતા અંડરવર્લ્ડના ખતરાને કેવી રીતે પ્રતિસાદ આપશે.