મસ્કે ફરી બધાને કેવી રીતે ચોંકાવ્યા ? શું કર્યું ? જુઓ

વિશ્વના સૌથી ધનિક વ્યક્તિ એલન મસ્ક પોતાના વિચિત્ર નિર્ણયો માટે જાણીતા છે. હવે તેમણે પોતાનું સોશિયલ મીડિયા પ્લેટફોર્મ X પોતાની જ એક કંપનીને વેચી દીધું છે. મસ્કે કહ્યું કે તેણે X ને તેની આર્ટિફિશિયલ ઇન્ટેલિજન્સ કંપની XAI ને વેચી દીધું છે. આ 33 બિલિયન ડોલરની ઓલ-સ્ટોક ડીલ છે. આમ મસ્કે નવો જ પ્રયોગ કર્યો છે .

એલન મસ્કે X પરની એક પોસ્ટમાં કહ્યું, ‘XAI અને Xનું ભવિષ્ય એકબીજા સાથે જોડાયેલું છે. આજે આપણે ડેટા, મોડેલ, કંપ્યુટ, ડિસ્ટ્રીબ્યુશન અને ટેલેન્ટને કમ્બાઇન કરવા માટે સત્તાવાર પગલાં લઈ રહ્યા છીએ.’ XAI X માટે $45 બિલિયન ચૂકવશે, જે 2022 માં મસ્કે ચૂકવેલી રકમ કરતાં થોડી વધારે છે, પરંતુ આ ડીલમાં $12 બિલિયનનું દેવું પણ શામેલ છે.

વ્યાપક સંભાવનાઓ ખુલશે
મસ્કે જણાવ્યું કે આ પગલું XAI ની એડવાન્સ AI ક્ષમતાઓ અને કુશળતાને X ની વિશાળ પહોંચ સાથે જોડીને અપાર સંભાવનાઓને અનલોક કરશે. તેમણે કહ્યું કે આ ડીલમાં XAI નું મૂલ્ય $80 બિલિયન અને X નું મૂલ્ય $33 બિલિયન આંકવામાં આવ્યું છે. તેમણે કહ્યું, ‘XAI ની સ્થાપનાને બે વર્ષ થયા છે અને તે વિશ્વની અગ્રણી AI લેબ્સમાંની એક બની ગઈ છે, જે અભૂતપૂર્વ ગતિ અને સ્કેલ પર મોડેલો અને ડેટા સેન્ટરો બનાવી રહી છે.”

મસ્કે લખ્યું છે કે , “આ કોમ્બિનેશન XAI ની એડવાન્સ AI ક્ષમતાઓ અને કુશળતાને X ની વિશાળ પહોંચ સાથે જોડીને પ્રચંડ સંભાવનાઓને ખોલશે. સંયુક્ત કંપની અબજો લોકોને વધુ સ્માર્ટ અને વધુ અર્થપૂર્ણ અનુભવો પહોંચાડશે. કંપની સત્ય પ્રદર્શિત કરવા અને જ્ઞાનને આગળ વધારવાના અમારા મુખ્ય મિશન પર કામ કરતી રહેશે.”