માર્ચથી મે સુધી ગરમી ભુક્કા કાઢશે: હીટવેવના દિવસો વધશે, ગુજરાત સહિત આટલા રાજ્યોમાં પડશે કાળઝાળ ગરમી, IMDની આગાહી
આ વખતે ગરમી વહેલી શરુ થઇ ગઈ છે અને હવે માર્ચ થી મે મહિના સુધી તે અંગારા વરસાવશે તેવું અનુમાન હવામાન ખાતાએ કર્યું છે. આ સમયગાળા દરમિયાન મોટા ભાગના રાજ્યોમાં સામાન્ય કરતા વધુ તાપમાન અનુભવાશે અને ગરમીના દિવસો એટલે કે હીટવેવના દિવસોની સંખ્યા પણ વધશે.
માર્ચમાં લઘુત્તમ તાપમાન સમગ્ર ભારતમાં મોટાભાગે સામાન્ય રહેવાની સંભાવના છે. ઉત્તર-પશ્ચિમ ભારતના કેટલાક ભાગો, દક્ષિણ દ્વીપકલ્પ અને પૂર્વ કિનારાના વિસ્તારોમાં રાત્રિનું તાપમાન સામાન્યથી નીચે નોંધાઈ શકે છે. મહારાષ્ટ્ર અને ગુજરાતમાં પણ દિવસના તાપમાનમાં સતત વધારો થવાની ધારણા છે. ઉત્તરપૂર્વ અને ઉત્તર દ્વીપકલ્પ ભારતમાં થોડા સમય માટે સ્થિર પરિસ્થિતિઓ પછી ધીમે ધીમે ગરમીનું વલણ જોવા મળી શકે છે.
માર્ચમાં ઘણા પ્રદેશોમાં સામાન્યથી ઉપર વરસાદ પડવાનો અંદાજ છે. હવામાન વિભાગ અનુસાર, ઉત્તરપૂર્વ ભારત અને ઉત્તર-પશ્ચિમ અને પૂર્વ-મધ્ય ભારતના કેટલાક ભાગોમાં સામાન્યથી નીચે વરસાદ પડી શકે છે.જો કે, આ અનુમાન વચ્ચે અરુણાચલ પ્રદેશ, આસામ અને મેઘાલય, તમિલનાડુ, ઉપ-હિમાલયી પશ્ચિમ બંગાળ અને સિક્કિમ, અને કેરળમાં વાવાઝોડા અને વીજળી સાથે છૂટાછવાયા હળવાથી મધ્યમ વરસાદની શક્યતા છે. માર્ચના પહેલા અઠવાડિયામાં જમ્મુ અને કાશ્મીરમાં હળવો વરસાદ કે હિમવર્ષા થવાની સંભાવના પણ છે.આસામ અને મેઘાલયમાં અને હરિયાણા, પંજાબ અને ઉત્તર પ્રદેશમાં જોરદાર પવન ફૂંકાઈ શકે છે.
આ પણ વાંચો :આવતીકાલે વર્ષનું સૌથી લાંબુ ચંદ્રગ્રહણ: બ્લડ મુન દેખાશે, જાણો ગુજરાતમાં ક્યારે અને ક્યાં જોવા મળશે ચંદ્ર ગ્રહણ
IMD એ જણાવ્યું હતું કે ફેબ્રુઆરીમાં ભારતમાં 2001 પછીનો સૌથી ઓછો વરસાદ હતો. મહિના દરમિયાન કોઈ શીત લહેર કે ઠંડા દિવસની સ્થિતિ નોંધાઈ નથી.
આટલા રાજ્યોમાં પડશે કાળઝાળ ગરમી
હવામાન ખાતાના જણાવ્યા અનુસાર, માર્ચ થી મેં વચ્ચે પશ્ચિમ રાજસ્થાન, ગુજરાત, હરિયાણા, પંજાબ, દક્ષિણ અને પૂર્વીય મહારાષ્ટ્ર, પૂર્વી ઉત્તર પ્રદેશ, બિહાર, ઝારખંડ, ગંગા પશ્ચિમ બંગાળ, ઓડિશા, છત્તીસગઢ, તેલંગાણા અને આંધ્રપ્રદેશમાં કાળઝાળ ગરમી અનુભવાશે. ઉત્તર કર્ણાટક અને ઉત્તર તમિલનાડુના ભાગો પણ પ્રભાવિત થવાની સંભાવના છે.
