રાજકોટમાં હૃદયદ્રાવક ઘટના: કૌટુબિંક કાકાએ 14 વર્ષની ફુલ જેવી ભત્રીજીનો 5 મહિના સુધી દેહ પીંખ્યો, ગર્ભનિરોધક ગોળીઓ આપી
રાજકોટના મંછાનગર વિસ્તારમાં એક હચમચાવી નાખે તેવી ઘટના બનવા પામી છે. અહીં માતા-પિતા સાથે રહેતી 14 વર્ષની બાળકી ઉપર તેના જ 37 વર્ષીય કૌટુબિંક કાકાએ 5 મહિના સુધી કુકર્મ એચર્યું હોવાની પોલીસ ફરિયાદ નોંધાર્તા હેવાન કાકા ઉપર ફિટકાર વરસી રહ્યો છે. હદ તો ત્યાં થઈ ગઈ કે 14 વર્ષની ફુલ જેવી બાળકી પાસેથી ગર્ભનિરોધક ગોળીઓ પણ મળી આવી હતી જે તેને તેના કાકાએ જ આપી હોવાનું જણાવતાં પોલીસ પણ ધ્રુજી ગઈ હતી અને ક્ષણભરનો વિલંબ કર્યા વગર તાત્કાલિક આરોપીને પકડી પાડી હવસનું ભૂત ઉતારી નાખ્યું હતું.
આ અંગે વધુમાં જાણવા મળતી વિગતો પ્રમાણે મંછાનગર વિસ્તારમાં બહેન અને નાનો ભાઈ તેમજ પીડિત બાળકી તેના માતા-પિતા તેમજ કૌટુંબિક કાકા સહિતના સાથે સંયુક્ત પરિવારમાં રહે છે. જો કે તેના પિતા જેવા કામ અર્થે બહાર જાય એટલે તુરંત જ કાકા હરેન્દ્ર (નામ બદલાવેલ છે) બાળકી પાસે આવી જતો હતો. શરૂઆતમાં બાળકી સાથે અડપલાં કર્યા હતા પરંતુ કોઈને ખબર ન પડતાં આરોપીની હિંમત વધી ગઈ હતી અને તેણે બાળકીનો દેહ ચૂંથવાનું શરૂ કર્યું હતું. આવું 5 મહિના સુધી ચાલ્યું હોવાની કેફિયત બાળકીએ પોલીસ સમક્ષ આપી હતી.
જો કે હેવાન કાકાની આ હરકત કોઈના ધ્યાન પર આવી ન્હોતી પરંતુ 14 વર્ષની બાળકી પાસે ગોળીઓ મળી આવતાં પિતાને શંકા ગઈ હતી. આ પછી તેમણે તપાસ કરતાં આ ગોળીઓ ગર્ભનિરોધક હોવાનું સામે આવતાં તેઓના પગ નીચેથી ધરતી સરકી ગઈ હતી. બાળકીને પૂછતાં તેણે આ ગોળીઓ કાકા હરેન્દ્ર (નામ બદલાવેલ છે)એ આપી હોવાનું અને બાળકી સાથે ન કરવાનું કર્યું હોવાનું કહેતાં જ પિતાએ બી-ડિવિઝન પોલીસ મથકમાં ફરિયાદ નોંધાવી હતી.
પોલીસ સૂત્રોએ જણાવ્યું કે આ પરિવાર મુળ ઉજ્જૈનનો છે અને વર્ષોથી રાજકોટના મંછાનગર વિસ્તારમાં રહે છે. જ્યારે બાળકીના પિતા રિક્ષા ડ્રાઈવિંગ કરતા હોવાનું પણ સામે આવ્યું હતું. પોલીસે ફરિયાદના આધારે તાત્કાલિક આરોપીની ધરપકડ કરી લીધી હતી.
