આજથી પોતાના અભિયાનનો પ્રારંભ કરશે ગુજરાત-પંજાબ: ગત સિઝનની રનર્સઅપ પંજાબ પહેલી મેચથી જ હાવી થવા માંગશે
આઇપીએલ-2026માં પોતાના અભિયાનનો શુભઆરંભ કરવા માટે આજે મંગળવારે પંજાબ કિંગ્સ અને ગુજરાત ટાઈટન્સ મેદાને ઉતરશે. ગત સિઝનની રનર્સઅપ પંજાબ શરૂઆતથી જ હરીફ ટીમ પર હાવી થવાના ઇરાદે ઉતરશે તો ગુજરાત પણ કોઈ ચૂક રહેવા દેવા માંગશે નહિ. આ મેચ સાંજે 7.30 વાગ્યાથી મુલ્લાંપુર (ચંદીગઢ)માં રમાશે.
પંજાબ વતી કેપ્ટન શ્રેયસ અય્યરે ગત સીઝનમાં કમાલનું પ્રદર્શન કર્યું હતું જેના થકી જ ટીમ 11 વર્ષ બાદ ફાઇનલમાં પહોંચી હતી પરંતુ ત્યાં બેંગલુરુ સામે પરાજયનો સ્વાદ ચાખવો પડ્યો હતો. જો કે આ સિઝનની પહેલી જ મેચ હોમ ગ્રાઉન્ડ પર હોવાથી ટીમને તેનો ફાયદો મળી શકે છે. વળી, મુલ્લાંપૂરની પીચ બેટર માટે ખૂબ જ અનુકૂળ હોવા ઉપરાંત નાની બાઉન્ડ્રી હોવાથી મેચ હાઈ સ્કોરિંગ બની રહેવાની સંભાવના છે. બીજી બાજુ ગુજરાત પણ શુભમન ગિલના નેતૃત્વમાં જીત મેળવવાના ઇરાદે ઉતરશે.
ટીમ ગુજરાત
શુભમન ગિલ (કેપ્ટન), સાઈ સુદર્શન, જોસ બટલર, કુમાર કુશાગ્ર, અનુજ રાવત, ટોમ બેન્ટન, શાહરૂખ ખાન, રાશિદ ખાન, રાહુલ તેવટિયા, વોશિંગ્ટન સુંદર, ગ્લેન ફિલિપ્સ, જેસન હોલ્ડર, નિશાંત સિંધુ, અરશદ ખાન, મોહમ્મદ સિરાજ, કાગીસો રબાડા, પ્રસિદ્ધ કૃષ્ણા, સાઈ કિશોર, ઇશાંત શર્મા, માનવ સુથાર, ગુરનૂર સિંહ બ્રાર, અશોક શર્મા, લ્યુક વુડ, પૃથ્વી રાજ યારા.
ટીમ પંજાબ
શ્રેયસ અય્યર (કેપ્ટન), પ્રિયાંશ આર્ય, પ્રભસિમરન સિંઘ, નેહલ વાઢેરા, શશાંક સિંઘ, માર્કસ સ્ટોઇનિસ, અઝમતુલ્લા ઓમરઝાઈ, વિજયકુમાર વૈશક, અર્શદીપ સિંહ, યુઝવેન્દ્ર ચહલ, હરપ્રીત બ્રાર, સૂર્યાંશ શેડગે, વિષ્ણુ વિનોદ, ઝેવિયર બાર્ટલેટ, યશ ઠાકુર, મિશેલ ઓવેન, હરનુર સિંઘ, મુશિર ખાન, પાયલા અવિનાશ, માર્કો જેન્સન, લોકી ફર્ગ્યુસન, કૂપર કોનોલી, બેન દ્વારશુઈસ, પ્રવિણ દુબે, વિશાલ નિષાદ.
