કેનેડામાં ગોઝારો અકસ્માત : ટોરેન્ટોમાં ટેસ્લા કાર થાંભલા સાથે અથડાતાં 4 ગુજરાતીઓ જીવતા ભૂંજાયા
કેનેડામાં ગોઝારા અકસ્માતની ઘટના સામે આવી છે જેમાં ઝડપભેર આવતી ઈલેક્ટ્રિક કાર થાંભલા સાથે અથડાઈ હતી. ટક્કર એટલી ગંભીર હતી કે કારમાં આગ લાગી ગઈ હતી. આગને કારણે કારમાં હાજર ચાર લોકો જીવતા ભૂંજાઈ ગયા હતા અને ચારેયના ઘટનાસ્થળે જ મોત નિપજ્યાં છે. આ અકસ્માતમાં મૃત્યુ પામેલા 4 લોકો ગુજરાતના છે.
મળતી વિગતો અનુસાર આ ઘટના કેનેડાના ટોરેન્ટોની છે જ્યાં બુધવારની રાત્રે ત્રણ યુવાન અને બે યુવતી જમીને ટેસ્લા કારમાં ઘરે જઈ રહ્યાં હતાં. આ દરમિયાન કાર થાંભલા સાથે અથડાતા બેટરી ડેમેજ થવાને કારણે આગ લાગી ગઈ હતી. જેથી ત્રણ યુવક અને 1 યુવતીનાં મોત થયાં હતાં
FOUR people killed when this speeding car(Tesla) flies off the Lakeshore near the DVP/crashes into guardrail/bursts into flames. A 5th person(female passenger) survived thanks to brave bystanders(construction crew) who managed to pull her out of burning car pic.twitter.com/y0DN3rktof
— carl hanstke (@carlCityNews) October 24, 2024
પીડિતોની ઓળખ જાહેર કરાઈ
માહિતી અનુસાર મૃતકોમાં કેતા ગોહિલ (30), નિલ ગોહિલ (26) સામેલ છે જેઓ બંને ગુજરાતના દાહોદના રહેવાશી છે. આ બંને ભાઈ બહેન હતા. જ્યારે અન્ય એક પીડિતની ઓળખ આણંદ જિલ્લાના બોરસદના જયરાજ સિંહ સિસોદિયા તરીકે થઇ છે જે બોરસદના જ પૂર્વ ધારાસભ્ય રાજેન્દ્ર સિંહ પરમારનો ભાણેજ હોવાનું ખૂલ્યું છે. જ્યારે કેટલાક અહેવાલોમાં એવો કરાયો છે કે ચોથો મૃતક મહારાષ્ટ્રનો વતની હોઈ શકે છે. જેની ઓળખ દિગ્વિજય તરીકે જાહેર કરવામાં આવી છે.
ગોધરાના સગા ભાઈ-બહેન કેતાબા ગોહિલ અને નીલરાજ ગોહિલ તથા આણંદ જિલ્લાના બોરસદના દિગ્વિજય પટેલ, જય સિસોદિયા અને ઝલક પટેલ બુધવારે રાત્રે ટેસ્લા કારમાં જઇ રહ્યાં હતા. તેઓ ટોરોન્ટો ડાઉનટાઉનથી નીકળ્યા હતા ત્યારે રોડ સાઇડની ગાર્ડ રેલ સાથે કાર અથડાઈ હતી. ટક્કર એટલી જોરદાર હતી કે કારની બેટરી ડેમેજ થઇ ગઇ હતી અને કારમાં આગ લાગી ગઇ હતી.
આ દુઃખદ ઘટનામાં બોરસદના પૂર્વ ધારાસભ્ય રાજેન્દ્રસિંહ પરમારના ભાણેજ જયરાજસિંહ સિસોદિયા, ગોધરાના નિવૃત્ત બેન્ક કર્મચારીના પુત્રી અને પુત્રી કેતાબા ગોહિલ અને નીલરાજ ગોહિલ તથા દિગ્વિજય પટેલનું મોત નીપજ્યું હતું. જ્યારે ઝલક પટેલને ઇજા પહોંચી હતી.
