સરકારી નોકરીની તૈયારી કરતાં ઉમેદવારો માટે સારા સમાચાર : GPSC દ્વારા 67 વિભાગોમાં 378 જગ્યાઓ માટે ભરતી જાહેર

સરકારી ભરતી માટે તૈયારી કરતા યુવાનો માટે  GPSC દ્વારા ભરતી માટે મોટી જાહેરાત કરવામાં આવી છે. ગુજરાત સરકારના વિવિધ 67 વિભાગો માટે GPSCએ મેગા ભરતી જાહેર કરી છે. જેના માટે શનીવારથી ઉમેદવારો ઉમેદવારી પત્ર ભરી શકશે.

GPSC 67 વિભાગોની 378 જગ્યાઓ માટે ભરતી જાહેર કરી છે. આગામી 13 ડિસેમ્બર ઉમેદવારી પત્ર ભરવાનો અંતિમ દિવસ છે. GPSC દ્વારા ટ્વિટરના માધ્યમથી જણાવાયું કે, કુલ 67 જાહેરાતો માટે  તારીખ 29-11-2025 બપોરે 01:00 વાગ્યાથી https://gpsc-ojas.gujarat.gov.in પર ઉમેદવારો ઓનલાઈન અરજી કરી શકશે.

ગુજરાત ગૌણ સેવા પસંદગી મંડળ એ આરોગ્ય અને પરિવાર કલ્યાણ વિભાગ હેઠળની મેડીકલ સોશિયલ વર્કર, વર્ગ-3 માટે નવી ભરતી જાહેર કરી છે. ઓજસ ગુજરાત ભરતી 2025 અંતર્ગત આ પદો માટે ઓનલાઈન અરજીઓ મંગાવવામાં આવી છે. ગુજરાતમાં સરકારી નોકરી શોધી રહેલા ઉમેદવારો માટે આ ભરતી એક ઉત્તમ તક માનવામાં આવી રહી છે.

આ પણ વાંચો :રાજકોટ-અમદાવાદ સિક્સ લેનનું કામ ભૂલાયુ! મુખ્યમંત્રીએ ગડકરી પાસે રાજકોટ-જેતપુર,અમદાવાદ-મુંબઈના બાકી કામ અંગે કરી રજૂઆત

ઉમેદવારો 5 ડિસેમ્બર 2025 સુધી ઓનલાઈન અરજી કરી શકશે. જાહેર થયેલી કુલ 46 જગ્યામાં બિન અનામત 20, આર્થિક રીતે નબળા વર્ગ 4, અનુ. જાતિ 3, અનુ. જન જાતિ 7 અને સા.શૈ.પ.વર્ગ હેઠળ 12 જગ્યાનો સમાવેશ થાય છે. મેડીકલ સોશિયલ વર્કર પદ માટે માન્ય યુનિવર્સિટીમાંથી MSW (મનોચિકિત્સા), MSW અથવા MA Social Work જેવી ડિગ્રી જરૂરી છે.