વિદેશ મંત્રી જયશંકર ખોટા મતદાન કેન્દ્ર પર પહોંચી ગયા
વિદેશ મંત્રી જયશંકર શનિવારે દિલ્હીના તુગલક લેન વિસ્તારમાં આવેલ હોટલ આદર્શ સ્કૂલમાં મતદાન કરવા ગયા પણ તેમને ધરમ ધક્કા થયો હતો. જયશંકર એ મતદાન કેન્દ્ર પર પહોંચ્યા ત્યારે ત્યાં લાંબી કતાર હતી. 20 મિનિટ બાદ તેઓ બુથમાં પહોંચ્યા ત્યારે એ બુથની મતદાર યાદીમાં તેમનું નામ ન હોવાનું જણાવવામાં આવ્યું હતું અને પરિણામે મતદાન કર્યા વગર જ તેઓને પરત ફરવું પડ્યું.
ઘરે જઈને તેમણે સ્લીપ ચેક કરી ત્યારે ખ્યાલ આવ્યો કે તેમનું નામ ચાર નંબરના મતદાન બુથમાં હતું. બાદમાં તેઓ એ મતદાન કેન્દ્ર ઉપર ગયા અને મતાધિકારનો ઉપયોગ કર્યો. એ કેન્દ્ર પર મતદાન કરનાર તેઓ પ્રથમ પુરુષ મતદાર હતા તેવું જાહેર થયું હતું. બાદમાં તેમણે લોકોને મતદાન માટે ઘરની બહાર નીકળવા અપીલ કરી હતી.
