ખોવાયો છે ધર્મેન્દ્ર…શોધી આપનારને ૫૦૦૦નું ઇનામ

વડોદરામાં શેરીમાં રખડતો ભટકતો ધર્મેન્દ્ર નામનો કુતરો છેલ્લા ત્રણ દિવસથી ગુમ થઇ ગયો છે અને કુહુ રોય નામના વ્યક્તિએ આ કુતરો શોધી આપનારને પાંચ હજાર રૂપિયાનું ઇનામ આપવાની જાહેરાત કરી છે. કુહુ રોય આ કુતરાને રોજ ખાવાનુ આપે છે પણ ત્રણ દિવસથી તે મળતો નથી. કુહુ રોયે કહ્યું છે કે, તે રોજેરોજ ઘણા કુતરાને ભોજન આપે છે અને ધર્મેન્દ્ર તેમનો એક છે.

આ કુતરાનું નામ બોલીવુડના અભિનેતા ધર્મેન્દ્ર ઉપરથી રાખ્યું છે. કુહુ રોયનું કહેવું છે કે, આ કુતરો ઘણો ચાર્મિંગ અને દેખાવો સારો છે એટલે તેનું નામ ધર્મેન્દ્ર રાખ્યું છે. આ કુતરો શાસ્ત્રી બ્રીજ પાસે કાયમ મળી જાય છે અને તેને ભોજન આપે છે . ત્રણ દિવસ પહેલા બધા કુતરા જોવા મળ્યા પણ ધર્મેન્દ્ર મળ્યો ન હતો. ઘણા લોકોને પૂછ્યું પણ કોઈ પાસે તેનો અત્તોપત્તો નથી. કુહુ રોય પેટ લવર્સ ગ્રુપ પણ ચલાવે છે. કુહુ અને તેના માતા હંસાબેન રોજ શેરીમાં રખડતા કુતરાને ભોજન કરાવે છે.

તેમણે એમ પણ કહ્યું કે, ધર્મેન્દ્ર ઉમરમાં મોટો છે તેથી વધુ દુર ગયો નહી હોય.મને આશા છે કે તે સુખરૂપ હોય. મને તેના વિશે જે પણ માહિતી આપશે તેને પાંચ હજાર રૂપિયા ઇનામ આપીશ.