રાજકોટમાં વિકાસ ગાંડો! દેશના સૌથી ઝડપથી વિકસતા શહેરોની યાદીમાં સ્થાન,સુરત પ્રથમ ક્રમે,જાણો કયા છે દેશના ટોપ-10 શહેરો

સૌરાષ્ટ્રનું વડુ મથક રાજકોટ દેશ માટે ગ્રોથ એન્જીન બની રહ્યુ છે અને તેની સાબિતી કેન્દ્ર સરકારના આર્થિક સર્વેક્ષણ થથા ઓક્સફર્ડ ઇકોનોમિકસના ડેટા ઉપરથી મળી આવે છે. આ ડેટા મુજબ 2019-35 દરમિયાન વિશ્વના સૌથી ઝડપથી વિકસતા શહેરોમાં ભારતના જે ટોપ-10 શહેરો છે તેમાં સુરત અને રાજકોટનો સમાવેશ થયો છે. ટોપ-10ની યાદીમાં સુરત પહેલા અને રાજકોટ સાતમા સ્થાને છે. આ રીપોર્ટના આધારે એવી આશા રાખવામાં આવે છે કે, આ બે શહેરો વૈશ્વિક રોકાણકારો માટે હોટસ્પોટ બનશે.

રિપોર્ટ મુજબ શહેરોનું કદ બમણું થવાથી ઉત્પાદકતામાં 12 ટકાનો વધારો થાય છે. જેનો સીધો લાભ ગુજરાતને મળી રહ્યો છે. જ્યારે ભારત 5 ટ્રિલિયન ડોલરની ઈકોનોમી તરફ આગળ વધી રહ્યું છે ત્યારે ગુજરાતના આ શહેરો માત્ર રહેઠાણ માટેના સ્થળો નથી પરંતુ ઈકોનોમિક ઈન્ફ્રાસ્ટ્રક્ચર તરીકે ઉભરી આવ્યા છે. સુરત, રાજકોટ અને અમદાવાદ જેવા શહેરો આવનારા દાયકામાં વૈશ્વિક રોકાણકારો માટે હોટસ્પોટ બની રહેશે. કેન્દ્રીય નાણામંત્રી નિર્મલા સીતારમને લોક્સભામાં રજૂ કરેલા આર્થિક સમીક્ષા-રિપોર્ટ મુજબ 2019-2035 ના સમયગાળા દરમિયાન વિશ્વમાં સૌથી વધુ ઝડપથી વિકાસ પામતા શહેરોમાં ભારતના ટોપ-10 શહેરોમાં પ્રથમ નંબરે સુરત છે. જેનું કારણ એ છે કે, વિશ્વમાં સુરત એક એવું શહેર છે કે, 2019-2035ના સમયગાળામાં તેનો ગ્રોથ (વિકાસ) વાર્ષિક 9.17 ટકા જેટલો હશે.

આ પણ વાંચો :આવતીકાલે બજેટ : EMI ઘટશે કે વધશે? હોમ લોન અને ટેક્સ કપાત અંગે સસ્પેન્સ,છેલ્લા 10 વર્ષમાં ઘરની કિંમત થઇ બમણી

વર્ષ 2018માં તેની વાર્ષિક આવક (જીડીપી) 28.5 બિલિયન ડોલર-(રૂ. 2,61,977 કરોડ) હતી. જે હવે વર્ષ 2035માં વધીને 126.8 મિલિયન ડોલર (. 11,65,480 કરોડ) થશે. આમ તો, 2035માં બેંગાલુરુ અને તિરુચીરાપલ્લીની કુલ વાર્ષિક આવક સુરત કરતા વધુ હશે પરંતુ તેનો વાર્ષિક વિકાસ દર સુરત કરતા ઓછો હશે અર્થાત વાર્ષિક વિકાસ દરની દષ્ટિએ સુરત ભારતમાં જ નહીં પરંતુ વિશ્વમાં સુરત પ્રથમ ક્રમનું શહેર હશે.

દેશના ટોપ-10 શહેરો

1. સુરત

2. આગ્રા

3. બેંગલુરૂ

4. હૈદરાબાદ

5. નાગપુર

6. તિરુપ્પુર

7. રાજકોટ

8. તિરુચિરાપલ્લી

9. ચેન્નાઈ

10. વિજયવાડા

એવી જ રીતે વિશ્વમાં સૌથી વધુ ઝડપે વિકાસ કરનારા ટોપ-10 શહેરોમાં રાજકોટ 7મા નંબરે છે, કેમકે તેનો વાર્ષિક વિકાસ દર 2019-2035 દરમિયાન 8.33 ટકા હશે. 2018માં રાજકોટનું જીડીપી (કુલ વાર્ષિક આવક) 6.8 બિલિયન ડોલર (રૂ. 62,503 કરોડ) હતું. જ્યારે તે વર્ષ 2035માં 26.7 બિલિયન ડોલર (રૂ.2,45,434 કરોડ) હશે.

સુરત 9.17%ના વાર્ષિક વૃદ્ધિ દર સાથે વિશ્વમાં પ્રથમ ક્રમે

2018માં સુરતનો જીડીપી આશરે 28.5 બિલિયન ડોલર હતો. જે 2035 સુધીમાં વધીને 126.8 બિલિયન ડોલર થવાનો અંદાજ છે. ટેક્સટાઈલ અને ડાયમંડ ઉદ્યોગ બાદ હવે આ શહેર આધુનિક સર્વિસ સેક્ટર અને મેન્યુફેક્ચિંરગમાં પણ કાઠું કાઢી રહ્યું છે.

રાજકોટનો વાર્ષિક વૃદ્ધિ દર 8.33%

રાજકોટનો વાર્ષિક વૃદ્ધિ દર 8.33 ટકા અંદાજવામાં આવ્યો છે. એન્જિનિયિંરગ હબ તરીકે જાણીતા રાજકોટનો જીડીપી 2018માં 6.8 બિલીયન ડોલર એટલે કે 62,503 કરોડ હતો જે 2035 સુધીમાં 26.7 બિલિયન ડોલર સુધી પહોંચી શકે છે. રોડ કનેક્ટિવિટી અને ટ્રાન્સપોર્ટની ઉત્તમ સુવિધા, ઉદ્યોગો માટે સાનુકૂળ વાતાવરણ વિકાસને વેગ આપશે.