CBSE બોર્ડમાં ગણિત પેપર લાબું: પેપર લખવા માટે સમય ઘટતા વિદ્યાર્થીઓ મૂંઝાયા! સ્ટાન્ડર્ડ ગણિતમાં ટ્વીસ્ટ કરી પ્રશ્નો પૂછાયા
CBSEની પરીક્ષા શરૂ થઈ ગઈ છે. પ્રથમ દિવસે ધોરણ 10નાં ગણિતના વિદ્યાર્થીઓને બેઝિકમાં એમસીક્યુ એ પરીક્ષા તો સ્ટાન્ડર્ડ ગણિતમાં લોજીકલ પ્રશ્નોના લીધે વિદ્યાર્થીઓને સમય ઘટ્યો હતો અને પેપર લાંબુ લાગ્યું હતું.
પેપર એન સી ઈ આર ટી આધારિત હતું પરંતુ સ્ટાન્ડર્ડ ગણિત ના પ્રશ્નોને અલગ અલગ રીતે પૂછવામાં આવ્યા હતા જેના કારણે વિદ્યાર્થીઓને મૂંઝવણ ઊભી થઈ હતી તો બેઝિક ગણિતના પેપરમાં ગણતરીઓ લાંબી હોવાથી સમય ઘટ્યો હતો.
ગણિત વિષયના તજજ્ઞોએ આ મુદ્દે પ્રકાશ પાડ્યો હતો કે બેઝિક ગણિતમાં એનસીઈઆરટીનાં 65 ટકા જેટલા પ્રશ્નો હતા જેમાં 10% પ્રશ્નો અઘરા અને લાંબા હતા જ્યારે ૨૫ ટકા પ્રશ્નો પાયાના સૂત્રો પર આધારિત હતા. સ્ટાન્ડર્ડ ગણિતમાં 45% પ્રશ્નો એવી રીતે પૂછાયા હતા કે જો તેનો પાયો ક્લિયર હોય તો જ આ પ્રશ્નો તેમને આવડ્યા હશે.
CBSEની ધો.10-12ની પરીક્ષાનો પ્રારંભઃ રાજકોટ જિલ્લામાંથી 8,000થી વધુ વિદ્યાર્થીઓની કસોટી
સેન્ટ્રલ બોર્ડ ઓફ સેકન્ડરી એજ્યુકેશન-CBSEની પરીક્ષા ગઈકાલથી પ્રારંભ થઈ છે. રાજકોટ જિલ્લામાં 8,000 જેટલા વિદ્યાર્થીઓ ધોરણ 10 અને ધોરણ 12ની સેન્ટ્રલ બોર્ડની પરીક્ષા આપી રહ્યા છે. ગઈકાલથી માર્ચ મહિના સુધી પરીક્ષા ફીવર છવાયેલો રહેશે, સેન્ટ્રલ બોર્ડની પરીક્ષા વચ્ચે આગામી તારીખ 26 ફેબ્રુઆરીથી ગુજરાત બોર્ડની પરીક્ષા પણ શરૂ થવા જઈ રહી છે.
CBSEની 17 ફેબ્રુઆરીથી શરૂ થયેલી પરીક્ષા, જેમાં ધોરણ 10ની પરીક્ષા 11 માર્ચ સુધી ચાલશે અને ધોરણ 12ની પરીક્ષા 10 એપ્રિલ સુધી ચાલશે. આર.કે.સી. અને અન્ય સેન્ટરોમાં વિદ્યાર્થીઓ પરીક્ષા આપવા માટે પહોંચ્યા હતા ત્યારે પરીક્ષાને લઈને ટેન્શન સાથે ઉત્સાહ પણ જોવા મળ્યો હતો.
પરીક્ષા શરૂ થતા પૂર્વે વિદ્યાર્થીઓનું ચેકિંગ હાથ ધરીને ત્યારબાદ એન્ટ્રી આપવામાં આવી હતી. સેન્ટ્રલ બોર્ડ ઓફ સેકન્ડરી એજ્યુકેશનનું પરિણામ 35 દિવસમાં જાહેર કરવામાં આવશે તેવી જાહેરાત કરવામાં આવી છે. 15 મે થી વિદ્યાર્થીઓને ફરીથી પરીક્ષા આપવાની તક મળશે. આ વખતે પ્રથમ વખત ધોરણ 12ના પેપરો કોમ્પ્યુટર પર ચકાસવામાં આવશે. ઉત્તરવહીઓની ડિજિટલ ચકાસણી થવાને પગલે માર્ક્સ મુકવામાં કોઈ ક્ષતિની શક્યતા નહીં રહેશે.
