ગીરતારામાં ઉતર્યા બોલીવૂડના સિતારા! રાજકોટ એરપોર્ટથી કંગના પહોંચી સાસણ: કિંગ ખાન,દીપિકા-રણવીર અને ઘોની રવાના
રાજકોટ ઇન્ટરનેશનલ એરપોર્ટ પર એક અઠવાડિયાથી બોલીવુડ સ્ટારની અવર જવર થઈ રહી છે,સોમવારે જાણીતી અભિનેત્રી અને સાંસદ કંગના રાણાવતનું એરઇન્ડિયાની ફલાઈટમાં આગમન થયું હતું.ટર્મિનલ પર કંગના રાણાવતનું ભવ્ય સ્વાગત કર્યું હતું તો તેની સાથે ફોટા પડાવવા ચાહકોમાં થનગનાટ જોવા મળ્યો હતો.
એક સપ્તાહથી સૌરાષ્ટ્રનાં મહેમાનો બનેલાં ફિલ્મ સ્ટાર્સ સોમવારે પરત ફર્યા હતા.અંબાણી પરિવારનાં સમારોહમાં હાજરી આપી મોટાભાગનાં કલાકારો રાજકોટ ઇન્ટરનેશનલ એરપોર્ટ પરથી પરત થયાં છે.ગઈકાલે રાજકોટ એરપોર્ટ પર શાહરુખ ખાન,ગૌરી ખાન સાથે તેમની પુત્રી સુહાના,પુત્ર આર્યન અને અબ્રારમ ખાન નજરે પડ્યા હતા
જેઓ પાટવડથી રાજકોટ એરપોર્ટ પર હેલિકોપ્ટરમાં આવી રિલાયન્સનાં ખાસ પ્લેનમાં કિંગખાન સાથે દીપિકા પાદુકોણ,રણવીર સિંહ આ બંને સ્ટાર ફેમિલી એક જ પ્લેનમાં સાથે ગયા હતાં. આ સાથે જાણીતાં જાણીતા ક્રિકેટર મહેન્દ્રસિંઘ ધોની રાજકોટ એરપોર્ટ પરથી ચાર્ટર્ડ પ્લેન મારફત રાંચી જવા રવાના થયાં છે.ઘોનીએ એરપોર્ટ પર સ્ટાફ અને પેસેન્જરો સાથે ફોટા પડાવતાં તેમના ચાહકો ખુશ ખુશ થઈ ગયા હતાં.
ગીરતારામાં ઉતર્યા બોલીવૂડના સિતારા
ભેંસાણ પાસે પાટવડમાં રિલાયન્સ ગ્રુપ દ્વારા ‘ગીરતારા’ બનાવાયું છે, જ્યાં તાજેતરમાં નીતા અંબાણીનાં જન્મદિવસની સેલીબ્રીટીઝ-સિતારા વચ્ચે ઉજવણી થઇ હતી. સોશિયલ મીડિયામાં ગીરતારાના સમારોહની તસવીરો ચમકી છે, જેમાં દિપીકા પાદુકોણ, રણવીરસિંહ, શ્રેયા ઘોશાલ, શાન સહિત સિતારાઓ તસવીરમાં નજરે પડે છે. આ ઇવેન્ટમાં એમ.એસ. ધોની, સચિન તેંડુલકર, શાહરૂખખાન, આલિયા ભટ્ટ, રણબીરકપુર તેમજ અન્ય કલાકારો આવ્યા હતાં.
