ચેતજો! રાજકોટમાં કેરટેકરે 2 મહિના નોકરી કર્યા બાદ પ્રેમી સાથે મળી વૃદ્ધાના મકાનમાંથી કરી લાખો રૂપિયાની ચોરી
રાજકોટમાં અત્યારે બિમાર, અશક્ત તેમજ વૃદ્ધોની સાર-સંભાળ માટે કેરટેકર રાખવાનો ટ્રેન્ડ વધી ગયો હોય ક્યારેક તે અત્યંત મોંઘો પડી જતો હોવા જેવો કિસ્સો રાજકોટમાં બનવા પામ્યો છે. રોજના 1400 રૂપિયા લેખે 83 વર્ષીય વૃદ્ધાનું ધ્યાન રાખવા માટે કેરટેકર તરીકે નોકરી કરનાર મહિલાએ તેના પ્રેમી સાથે મળી વૃદ્ધાના મકાનમાંથી 11.20 લાખની ચોરીને અંજામ આપતા ક્રાઈમ બ્રાન્ચે બન્નેને દબોચી લઈ મુદ્દામાલ રિકવર કર્યો હતો.
આ અંગે ધીરેનભાઈ હિરાલાલ વાધર (ઉ.વ.54)એ નોંધાવેલી ફરિયાદમાં જણાવ્યું કે તેમના 83 વષક્ષય માતા હર્ષાબેન માલવિયાનગર સોસાયટીમાં 83 વર્ષીય વૃદ્ધાની સારસંભાળ માટે રખાયેલી મહિલાનું કારસ્તાન પ્રેમી સાથે મળીને ચોરીને આપ્યો અંજામ માલવિયાનગર સોસાયટી બ્લોક નં.૫૭માં રહે એકલા રહે છે. તેમનું ધ્યાન રાખવા માટે ગીતાંજલી હોમ હેલ્થકેર નામની એજન્સી મારફતે ભાવના રમેશભાઈ ભૂત નામની કેરટેકરને ઓગસ્ટ મહિનાથી રોજના 1400 રૂપિયા પગારથી રાખી હતી. આ પછી માતાએ કેરટેકરની જરૂર ન હોવાનું કહેતા 31 ઓગસ્ટે ભાવનાને એજન્સી મારફતે છૂટી કરાઈ હતી.
આ પણ વાંચો : આ કંપનીને તાળા મારી દેવા છે…રાજકોટમાં આવેલા ક્રિષ્ના વોટરપાર્કની અંદર ચાલતી કંપની બંધ કરાવવા માલિકે ધાક-ધમકી આપી
દરમિયાન ગત 2 નવેમ્બરે હર્ષાબેને ધીરેનભાઈને કબાટ ચેક કરવાનું કહેતા તેમણે કબાટ ખોલીને જોયું તો અંદરથી સોનાના ઘરેણા, ત્રણ લાખની રોકડ સહિતનું ગાયબ જણાતાં ચોરી થયાનું માલૂમ પડ્યું હતું. આ પછી ભાવનાનો સંપર્ક કરતા તેણે સરખો જવાબ આપ્યો ન્હોતો પરંતુ કડકાઈથી પૂછપરછ કરતા આ ચોરીને તેણે જ અંજામ આપ્યો હોવાની કબૂલાત આપી હતી. ત્યારબાદ ક્રાઈમ બ્રાન્ચે તપાસમાં ઝંપલાવી ભાવનાને દબોચી લીધી હતી અને તેની આગવી ઢબે પૂછપરછ કરતા તેણે જ પોતાના પ્રેમી સાથે મળીને આ ચોરી કરી હોવાનું કહેતા બન્નેને સકંજામાં લઈ ચોરીનો મુદ્દામાલ રિકવર કર્યો હતો.
