ઇમિટેશનના કારખાનામાં બાકોરુ પાડી રૂ.1.02 લાખની ચોરી
બી ડિવિઝન પોલીસે સીસીટીવી ફૂટેજના આધારે તપાસ શરૂ કરી
રાજકોટ-અમદાવાદ હાઇવે ઉપર આવેલા ઇમિટેશનના કારખાના ત્રાટકેલા તસ્કરોએ કારખાનાની દીવાલમાં બાકોરૂ પાડી રૂ.1.02 લાખની કિમતના 85 કિ.લો પીતળના દાગીના ઉઠાવી ગયા હતા. બી ડિવિઝન પોલીસ સ્ટેશનમાં ફરિયાદ નોંધાઇ છે.
પેડક રોડ પર ગુજરાત શ્યામ પાર્ક–૧ માં રહેતા અને મેંગો માર્કેટ નજીક અર્થવ એન્ટરપ્રાઇઝ નામનું ઇમિટેશન નું કારખાનું ચલાવતા વિનોદભાઈ પરષોત્તમભાઈ લીંબાસીયાએ આ બાબતે બી ડિવિઝન પોલીસ સ્ટેશનમાં ફરિયાદ નોંધાવી હતી. વિનોદભાઇ ગત તારીખ ૩૦ માર્ચના રોજ ખેતીના કામ માટે જીયાણા ગામે ગયા હતા ત્યારે પુત્ર ધર્મેશ જે કારખાનું સંભાળતો હોય તેને ફોન કરી ચોરીની જાણ કરી હતી. કારીગરે કારખાને ગયો ત્યારે કારખાનાના દરવાજાની બાજુમાં દિવાલમાં બાકોરૂ પડેલું જોવા મળ્યું હતું અને કારખાના માંથી રૂ.1.02 લાખના પીતળના 85 કિલો દાગીના ચોરી કરી તસ્કરો લઈ ગયા હોવાની વાત કરતાં. પોલીસ ફરિયાદ નોંધવતા પોલીસે ગુનો નથી ચોરીના આ બનાવવાનો ભેદ ઉકેલવા સીસીટીવી ફૂટેજના આધારે વધુ તપાસ હાથ ધરી છે.