પાળધામમાં આંબેવપીર ધામનો પુનઃ પ્રાણ પ્રતિષ્ઠા મહોત્સવ ઉજવાશે: ત્રિદિવસીય મહોત્સવ, વિવિધ કાર્યક્રમોનું આયોજન

પાળધામમાં આંબેવપીર ધામનો પુનઃ પ્રાણ પ્રતિષ્ઠા મહોત્સવ ઉજવાશે. તા. 26,27,28 નવેમ્બર-2025 દરમિયાન ત્રણ દિવસ 51 યજ્ઞ હૂંડી વિષ્ણુયાગ યજ્ઞ દ્વારા પુનઃ પ્રાણ પ્રતિષ્ઠા કરવામાં આવશે.

તા.27ના રોજ બપોરે 2.30 કલાકે સમસ્ત પાળ ગામના સેવકગણ, ભરવાડ સમાજ, સંત આંબેવપીર ભગત પરિવાર દ્વારા નકલંક ભગવાન અને સંત આંબેવપીર બાપાની વાજતે-ગાજતે રજવાડી નગરયાત્રા કાઢવામાં આવશે. રાત્રી દરમિયાન ભવ્ય લોકડાયરામાં દેવલબેન ભરવાડ, દેવભાઈ આહિર (હાસ્ય કલાકાર) અને લાખણશીભાઈ ગઢવીની રજૂઆત થશે.

તા. 28ના બપોરે 12 કલાકે નકલંગ ભગવાન અને સંત આંબેવપીરના નવનિર્મિત મંદિરમાં સમસ્ત પાળ ગામ અને ઠાકર ભક્તો દ્વારા પ્રથમ ધ્વજારોહણ થશે. તા.29ના સવારે 8 વાગ્યે પોથીયાત્રા તેમજ સુરત મહામંડલેશ્વર 1008 સ્વામી શ્રીપ્રગીરીજી મહારાજ દ્વારા શ્રીમદ્ ભાગવત સપ્તાહનું રસપાન કરવામાં આવશે. તા.29ના રાત્રે 9 કલાકે દેવરાજભાઈ ગઢવી દ્વારા સંત આંબેવપીર બાપાનું આખ્યાન તેમજ પ્રીતિબેન વાજા દ્વારા સંતવાણી રજૂ કરવામાં આવશે.

તા.30ના સવારમાં 10 વાગ્યેથી સંતો-મહંતોની હાજરીમાં શ્રી રામદેવપીર મહારાજનો મંગલ સ્થંભ પૂજન તેમજુ રોહણ કરવામાં આવશે તેની સાથે બ્લડ ડોનેશન કેમ્પનું પણ આયોજન કરેલું છે. આ ઉપરાંત રાત્રે 9 કલાકે ભાડુકીયા ધામ દ્વારા રામામંડળ રાખેલ છે.

તા. 1-12-25ના રોજ રાત્રે 9 કલાકે શ્રીનાથજીની ઝાંખી (ઠાકોરજીના આઠે પ્રહરના દર્શન) ભાઈઓ મોન્ટુ મહારાજ દ્વારા રજૂ કરવામાં આવશે. તા. 2-12-25ના રાત્રે 9 કલાકે રાજભાઈ ગઢવી, હિતેષભાઈ અંટાળા અને રસ્મિતાબેન રબારીના સંગાથે ભવ્ય લોકડાયરાની રમઝટ બોલાવવામાં આવશે.

આ પણ વાંચો :લગ્નેતર સંબંધની મુશ્કેલીનો જીવંત કિસ્સો! અનૈતિક સંબંધથી બાળક જન્મ્યું, પ્રેમીએ પિતા તરીકે લખાવ્યું એવું નામ કે માતા પણ ચોંકી ઉઠી!

તા.3-12-25 ના રોજ રાત્રે 9 કલાકે યોગિતાબેન પટેલ અને અશ્વિનભાઈ મેવાડાના સંગાથે રાસ-ગરબાનું તેમજ પોરબંદરા જગવિખ્યાત છાયા રાસ મંડળ દ્વારા મણિયારા રાસનું અને તલવારબાજી, તા.4-12ના રાત્રે 9 કલાકે પાળ ગામના ધૂન મંડળ દ્વારા ધૂન રાખેલ છે. તા.5-12ના રોજ બપોરે 1 કલાકે શ્રીમદ્ ભાગવત સપ્તાહની પુર્ણાહૂતિ ત્યારબાદ બપોરે ૩ કલાકે ૧૧ દીકરીઓના ભવ્યાતિભવ્ય જાજરમાન સમૂહલગ્ન કરવામાં આવશે.

આ પણ વાંચો :ઓર્ગન ટ્રાન્સફર માટે ‘વેન્ચુરા’નું પ્લેન દેશભરમાં સેવા આપશે : મેડીકલ અપ્રુવલ મળી જતાં હવે ગુજરાત સહિત અન્ય રાજયોમાં ઉડાન ભરશે

આયોજનમાં નામી-અનામી સંતો-મહંતો, આંબેવપીર ભગત પરિવારની ગુરૂગાદી લોહલંગરી મહારાજ-ગોંડલ, મહંત સીતારામ બાપુ, ગુરૂ સંજયદાસ બાપુ, ભરવાડ સમાજના ધર્મગુરૂ ઘનશ્યામગિરિ બાપુ, રબારી સમાજના ગુરૂ કનીરામ બાપુ, નાનાભાઈ ભરવાડ સમાજના ધર્મગુરૂ બાવરિયારીના રામબાપુ, પાળ જગ્યાના મહંત ટીટા ભગત દ્વારા જ્ઞાતિ ગંગાના દર્શન તેમજ ભરવાડ સમાજના ત્રિવેણી સંગમ દર્શન કરવાને પધારવા સર્વભાવિ ભક્તોને પાળ ઠાકોર સેવકગણ અને ભરવાડ સમાજ અને પરિવાર વતી જાહેર અનુરોધ કરેલ છે.