અમદાવાદ એરપોર્ટને બોમ્બથી ઉડાવી દેવાની ધમકી મળતા ખળભળાટ : ફ્લાઈટમાંથી હસ્તલિખિત ચીઠ્ઠી મળી આવી

એરપોર્ટ અને સ્કૂલને બોમ્બથી ઉડાવી દેવાની ધમકીનો સિલસિલો યથાવત છે ત્યારે આજે અમદાવાદ એરપોર્ટને બોમ્બથી ઉડાવી દેવાનો ધમકી મળતા ખળભળાટ મચી જવા પામ્યો છે. સુરક્ષા એજન્સીઓમાં પણ દોડધામ મચી છે. અમદાવાદ એરપોર્ટને ઉડાવી દેવાની ધમકી મળતા સુરક્ષા એજન્સીઓમાં દોડધામ મચી છે. જેદાહથી અમદાવાદ આવેલી ઈન્ડિગોની ફ્લાઈટમાંથી એક હસ્તલિખિત ચીઠ્ઠી મળી આવી હતી. ત્યારે આ મામલે પોલીસ દ્વારા તપાસ શરૂ કરવામાં આવી છે. ત્યારે આ મામલે તમામ પેસેન્જરના રાઈટીંગ સેમ્પલ પણ લેવામાં આવશે.

મળતી વિગતો અનુસાર જેદાહથી અમદાવાદ આવતી ઈન્ડિગો એરલાઈન્સની ફ્લાઈટમાં એક ચિઠ્ઠી મળી આવી હતી જેમાં અમદાવાદ એરપોર્ટને જ બોમ્બથી ઉડાવી દેવાની ધમકી આપવામાં આવી હતી. આ ફ્લાઈટ અમદાવાદ એરપોર્ટ સવારે 9.30 વાગ્યે પહોંચી હતી. અમદાવાદ એરપોર્ટ પોલીસ અને CISF તથા ડોગ સ્કવોર્ડ અને બોમ્બ ડિસ્પોઝલ સ્કવોડ પણ એરપોર્ટ પર પહોંચ્યા છે અને સઘન ચેકિંગ હાથ ધર્યું છે.

ફ્લાઇટમાં હસ્તલિખિત ચીઠ્ઠી મળી આવી

અમદાવાદ એરપોર્ટ પર જેદાહથી આવેલી ઇન્ડિગો ફ્લાઈટમાંથી મુસાફરો જ્યારે બહાર નીકળ્યા ત્યારબાદ ક્લિનર દ્વારા ફ્લાઇટ ક્લીન કરવામાં આવી રહી હતી. આ દરમિયાન હસ્તલિખિત ચીઠ્ઠી મળી આવી હતી. જેમાં એરપોર્ટને બોમ્બથી ઉડાવી દેવાની ધમકી મળી હતી. જેને લઈને એરપોર્ટ ઓથોરિટીએ પોલીસને જાણ કરતા પોલીસ સ્થળ પર પહોંચી છે અને ડોગ સ્કવોર્ડ અને બોમ્બ ડિસ્પોઝલ સ્કવોડ દ્વારા ચેકિંગ હાથ ધરવામાં આવ્યુ છે.

પોલીસ દ્વારા આ મામલે ગુનો નોંધી તપાસ હાથ ધરી છે અને આ ચિઠ્ઠી એફએસએલમાં પણ મોકલવામાં આવશે તથા જે પણ મુસાફર ફ્લાઈટમાં હતા તેના પણ લખાણના સેમ્પલ લેવામાં આવશે. ધમકી આપનાર વ્યકિત અંગે તપાસ કરવામાં આવી રહી છે. હાલ એરપોર્ટ પોલીસ પણ એરપોર્ટ પર હાજર છે.ફ્લાઇટમાં ધમકીભરી ચિઠ્ઠી મળી આવતા મુસાફરોમાં પણ ગભરાટનો માહોલ છવાયો છે.