નવલી નવરાત્રીનો તહેવાર પૂરો થઈ ગયો છે અને શનિવારે ૧૫૦ ફૂટ રીંગ રોડ ઉપર અયોધ્યા ચોકડી પાસે જૈન વિઝન અને વિશ્વ વણિક સામાજિક સંગઠન આયોજિત સોનમ-નવનાત રાસોત્સવનો મેગા ફાઈનલ રમાયો હતો. આ મેગા ફાઈનલમાં વિજેતાથયેલા ખેલૈયાઓ ઉપર લાખેણા ઇનામોનો વરસાદ થયો હતો.આ રાસોત્સવનું સૌથી મોટું આકર્ષણ અભિનેતા રાહુલ રોય બન્યા હતા. આશિકી ફિલ્મ ફેઈમ રાહુલ રોય ખેલૈયાઓનો ઉત્સાહ વધારવા મહેમાન બન્યા હતા અને ગરબા લીધા હતા.
મેગા ફાઈનલમાં ખેલૈયાઓ ઉપર સ્કૂટર, બાઈક, સાઇકલ, ગોલ્ડ જ્વેલરી, ટીવી, એસી, વોશિંગ મશીન, મોબાઇલ અને ચાંદીના સિક્કા જેવા લાખેણા ઇનામો આપવામાં આવ્યા હતા.
નવમા નોરતે આ રાસોત્સવને માણવા માટે ઇફકોના ચેરમને સહકારી અગ્રણી દિલીપભાઈ સંઘાણી, ,અશ્વિનભાઈ મોલિયા,, બિલ્ડર મયુરર્ધ્વજસિંહ જાડેજા, બિલ્ડર જેનીશ અજમેરા, દિનેશભાઈ અમૃતિયા, મનોજભાઈ રાઠોડ, વિક્રમ પૂજારા, પોલીસ ઇન્સ્પેકટર નકુમ , મનીષ ઘેલાણી , રોહિતભાઈ ડોડીયા, સંગીતાબેન શાહ, નીતાબેન વઘાશિયા ,નલિન ઝવેરી , સંજય લાઠીયા ,નિતીન ભૂવા , ડૉ. મોહિલ રાઠોડ, અશોક કુંડલિયા, યુસુફભાઈ જોહર કાર્ડ, નેહલ શુક્લ ,અરુણાબેન આડેસરા , નિશાબેન રાણપરા .નિતાબેન સોની, અતુલભાઈ કોઠારી,ભુપતભાઈ ભુપતાણી, જયેશભાઇ ધ્રુવ, ભરતસિંહ ઝાલા, દિવ્યરાજસિંહ ગોહિલ, સાગરભાઈ મેર સહિતના મહાનુભાવો ઉપસ્થિત રહ્યા હતા અને ખેલૈયાઓને બિરદાવ્યા હતા.
નવ દિવસના આયોજનની સફળતા માટે સૌએ એકી અવાજે વિશ્વ વણિક સામાજિક સંગઠનનાં પ્રોજેક્ટ ચેરમેન ચંદ્રકાન્તભાઈ શેઠ અને પ્રોજેક્ટ ઇન્ચાર્જ જૈન વિઝનનાં અજીત જૈન અને પદ્માવતીબેન જૈન નું સન્માન પણ કરવામાં આવ્યુ હતું.
નવમાં નોરતે રાસગરબાની રમઝટ બોલાવવા માટે જાણીતા પાશ્વ ગાયક અને ગરબા કિંગ દીપક જોશી સોનમ-નવનાતના આંગણે આવ્યા હતા અને રાસ ગરબાની રમઝટ બોલાવી હતી.
આ ગરબાને સફળ બનાવવા માટે ટીમ જૈન વિઝનનાં સંયોજક મિલન કોઠારી અને વિશ્વ વણિક સામાજિક સંગઠનનાં પ્રોજેક્ટ ચેરમેન સી.એમ.શેઠ નાં માર્ગદર્શન હેઠળ કાર્યકરોએ જહેમત ઉઠાવી હતી.
