સૌરાષ્ટ્રમાં 9655 તબીબો અને હોસ્પિટલ અને લેબોરેટરીનું રજિસ્ટ્રેશન: રાજકોટ એઇમ્સે હજુ સુધી નથી કરાવ્યું રજિસ્ટ્રેશન

ગુજરાત સરકાર દ્વારા રાજ્યમાં તમામ ક્લિનિકલ સંસ્થાઓની નોંધણી અને નિયમન માટે ગુજરાત ક્લિનિકલ એસ્ટાબ્લિશમેન્ટ્સ અધિનિયમ અમલી બનાવી વારંવાર મુદતમાં વધારો કરવા છતાં રાજ્યમાં હજુ પણ તાલુકા લેવલે આવેલ ખાનગી હોસ્પિટલો અને નાના ક્લિનક ચલાવતા તબીબોએ રજિસ્ટ્રેશન નહીં કરાવ્યું હોવાનું સામે આવ્યું છે. વર્ષ 2024થી અમલી બનેલા આ કાયદા અન્વયે રાજકોટ સહિત સૌરાષ્ટ્રમાં કુલ 9,655 તબીબ, હોસ્પિટલ અને લેબોરેટરીનું રજિસ્ટ્રેશન થયું હોવાનું સામે આવ્યું છે. નોંધનીય છે કે, ગુજરાત ક્લિનિકલ એસ્ટાબ્લિશમેન્ટ એક્ટ મુજબ રજિસ્ટ્રેશન નહીં કરાવનાર તબીબો સંસ્થાઓ અને હોસ્પિટલ વિરુદ્ધ 10 હજારથી લઈ 5 લાખના દંડ તેમજ અન્ય કાયદાકીય પગલાંની જોગવાઈ છે.

રાજ્યના આરોગ્ય અને પરિવાર કલ્યાણ વિભાગે 28 સપ્ટેમ્બર, 2022 ના રોજ ગેઝેટ સૂચના દ્વારા ગુજરાત ક્લિનિકલ એસ્ટાબ્લિશમેન્ટ્સ નિયમો, 2022 પ્રકાશિત કરી 13 માર્ચ 2024ના રોજ ગેઝેટ સૂચના દ્વારા સુધારેલા નિયમો અમલી બનાવ્યા છે.

જે અંતર્ગત તમામ હોસ્પિટલ, મેટરનિટી હોમ, નિંર્સગ હોમ, ડિસ્પેન્સરી, ક્લિનિક, સેનેટોરિયમ અથવા કોઈપણ નામ ધરાવતી સંસ્થા જે બીમારી, ઈજા, ખોડ, અસામાન્યતા અથવા ગર્ભાવસ્થા માટે નિદાન, સારવાર અથવા સંભાળની જરૂર હોય તેવી સેવાઓ, સુવિધાઓ પ્રદાન કરે છે અથવા એવી જગ્યા જ્યાં રોગોનું નિદાન અથવા સારવાર જ્યાં પેથોલોજીકલ, બેક્ટેરિઓલોજિકલ, આનુવંશિક, રેડિયોલોજીકલ, રાસાયણિક, જૈવિક તપાસ અથવા પ્રયોગશાળા અથવા અન્ય તબીબી ઉપકરણોની મદદથી અન્ય નિદાન અથવા તપાસ સેવાઓ જાહેર અને ખાનગી ક્ષેત્રોમાંથી કોઈપણ માન્ય દવા પ્રણાલીમાં કરવામાં આવે છે જેમાં િંસગલ ડૉક્ટર ક્લિનિક્સનો સમાવેશ થાય છે.

જો કે, ક્લિનિકલ એસ્ટાબ્લિશમેન્ટ એક્ટ અન્વયે સશસ્ત્ર દળ નિયંત્રિત અથવા સંચાલિત ક્લિનિકલ સંસ્થાઓનો સમાવેશ કરવામાં આવ્યો નથી. બીજીતરફ રાજ્યમાં ક્લિનિકલ એસ્ટાબ્લિશમેન્ટ એક્ટના અમલ માટે અવાર નવાર મુદત લંબાવવામાં આવી હોવા છતાં પણ અત્યાર સુધીમાં રાજકોટ સહિત સૌરાષ્ટ્રમાં 9,655 હોસ્પિટલ, મેટરનિટી હોમ, લેબોરેટરી અને તબીબી ક્લિનીકનું રજિસ્ટ્રેશન થયું છે. સૌરાષ્ટ્રમાં સૌથી વધુ રજિસ્ટ્રેશન મેડિકલ હબ રાજકોટમાં 2374 અને કચ્છમાં 1128 થયા છે. જયારે અન્ય જિલ્લામાં રજિસ્ટ્રેશનનો આંકડો 1000 સુધી પહોંચી શક્યો નથી.

હાલમાં તમામ તબીબો, હોસ્પિટલ, સંસ્થાને પ્રોવિઝનલ રજીસ્ટ્રેશન

ગુજરાત ક્લિનિકલ એસ્ટાબ્લિશમેન્ટ એક્ટ અન્વયે રજીસ્ટ્રેશન માટે અવાર નવાર મુદતમાં વધારો કરવામાં આવ્યો છે અને આગામી એપ્રિલ માસ સુધીની મુદત વધી છે ત્યારે કાયદાના અમલ બાદ હાલમાં રજીસ્ટ્રેશન કરાવનાર તમામ હોસ્પિટલ, સંસ્થા, તબીબો અને લેબોરેટરીને એક વર્ષની મુદત માટે જ પ્રોવિઝનલ રજીસ્ટ્રેશન કરવામાં આવ્યા હોવાનું સતાવાર સૂત્રો જણાવી રહ્યા છે.

આ પણ વાંચો : રાજકોટ સિવિલ હોસ્પિટલમાં નોકરી અપાવવાના નામે છ લોકો સાથે 10.95 લાખની છેતરપિંડી,જાણો શું છે સમગ્ર મામલો

રાજકોટ એઇમ્સનું પણ રજિસ્ટ્રેશન નથી

રાજ્યમાં ગુજરાત ક્લિનિકલ એસ્ટાબ્લિશમેન્ટ એક્ટ મુજબ રજિસ્ટ્રેશન ફરજીયાત છે ત્યારે ગુજરાતની એક માત્ર એઇમ્સ હોસ્પિટલનું ક્લિનિકલ એસ્ટાબ્લિશમેન્ટ એક્ટ અન્વયે રજિસ્ટ્રેશન થયું ન હોવાનું રજિસ્ટ્રેશન વેબ સાઈટ પરથી સામે આવ્યું છે. રાજકોટ એઇમ્સના બિલ્ડીંગનું કામ હજુ પ્રગતિમાં હોય કમ્પ્લીશન સર્ટિફિકેટ વગર સંપૂર્ણ ફાયર એનઓસી મળેલું ન હોવાના કારણે રજિસ્ટ્રેશન ન થયું હોવાનું મનાઈ રહ્યું છે. હાલમાં તમામ તબીબો, હોસ્પિટલ અને સંસ્થાને પ્રોવિઝનલ રજિસ્ટ્રેશન  ગુજરાત ક્લિનિકલ એસ્ટાબ્લિશમેન્ટ એક્ટ અન્વયે રજિસ્ટ્રેશન માટે અવાર નવાર મુદતમાં વધારો કરવામાં આવ્યો છે અને આગામી એપ્રિલ માસ સુધીની મુદત વધી છે ત્યારે કાયદાના અમલ બાદ હાલમાં રજિસ્ટ્રેશન કરાવનાર તમામ હોસ્પિટલ, સંસ્થા, તબીબો અને લેબોરેટરીને એક વર્ષની મુદત માટે જ પ્રોવિઝનલ રજિસ્ટ્રેશન કરવામાં આવ્યા હોવાનું સતાવાર સૂત્રો જણાવી રહ્યા છે.

આ પણ વાંચો : શા માટે સુરેશ રૈના અને શિખર ધવનની કરોડોની મિલકતો જપ્ત કરવામાં આવી? જાણો શું છે EDનો કેસ,પૂર્વ ક્રિકેટરો પર શું છે આરોપ

રજિસ્ટ્રેશનમાં ફાયર સેફ્ટિમાં ફસાતી હોસ્પિટલ

ક્લિનિકલ એસ્ટાબ્લિશમેન્ટ એક્ટ અન્વયે ફરજીયાત રજિસ્ટ્રેશન પ્રક્રિયામાં તમામ હોસ્પિટલ, ક્લિનિક, લેબોરેટરી કે એક્સ-રે, એમઆરઆઈ સેન્ટરો અંતે ફાયર સેફટી એનઓસી, બાયો મેડિકલ વેસ્ટ એનસોસી, એક્સ-રે અને એમઆઈઆર સેન્ટર માટે રેડિએશન અંગેના પ્રમાણપત્ર તેમજ પોલ્યુશન કંટ્રોલ બોર્ડના એનઓસી ફરજીયાત હોય અનેક તબીબો અને હોસ્પિટલ સહિતની સંસ્થા ફાયર સેફટીના પ્રમાણપ્ત્રમાં અટવાયેલા હોવાથી ક્લિનિકલ એસ્ટાબ્લિશમેન્ટ એક્ટ મુજબ રજિસ્ટ્રેશન કરાવી શકતા ન હોવાનું સામે આવ્યું છે.

કાયદાની કડક અમલવારી બાદ લાલીયાવાડી નહીં ચાલે

રાજ્યમાં ક્લિનિકલ એસ્ટાબ્લિશમેન્ટ એક્ટ સંપૂર્ણ અમલી બન્યા બાદ તમામ હોસ્પિટલોને ઉપલબ્ધ બેડ, હોસ્પિટલ, ક્લિનિક લેબોરેટરીમાં ફરજ બજાવતા સ્ટાફ,તબીબની ડિગ્રી સહિતની માહિતી ઉપલબ્ધ કરાવવી પડશે જેને પગલે હાલમાં અનેક નાની-મોટી હોસ્પિટલમાં આઇસીયુ સહિતના વિભાગમાં ફરજ બજાવતા ટ્રેઈન્ડ સ્ટાફને બદલે ડિગ્રી વાળા સ્ટાફની જરૂરત પડશે.

તાલુકા લેવલે આવેલ ક્લિનિકોની નોંધણી નહિવત

રાજકોટ સહિત સૌરાષ્ટ્ર્માં ક્લિનિકલ એસ્ટાબ્લિશમેન્ટ એક્ટ મુજબ હાલમાં 9,655 જેટલી જ હોસ્પિટલ અને તબીબી સહિતની સંસ્થાઓની નોંધણી થઇ છે ત્યારે મોટાભાગના જિલ્લામાં આવેલ નાની-મોટી હોસ્પિટલની હાલ નોંધણી થઇ છે. પરંતુ તાલુકા કક્ષાએ આવેલ નાના-મોટા ક્લિનિક અને સર્ટીફાઇડ સ્ટાફ વગર ચાલતી લેબોરેટરી, એકસ-રે સેન્ટરોની હજુ નોંધણી જ થઇ ન હોવાનું સામે આવ્યું છે. આ સંજોગોમાં હવે આરોગ્ય વિભાગ કેવા પગલાં ભરે છે તે જોવું રહ્યું.