ગુજરાતમાં 35 મુસ્લિમ ઉમેદવારો ચૂંટણી મેદાનમાં છે, પરંતુ કોંગ્રેસમાંથી એક પણ ઉમેદવાર નથી

રાષ્ટ્રીય પક્ષો પૈકી, માત્ર બહુજન સમાજ પાર્ટી એ ગુજરાતમાં 7 મેના રોજ યોજાનારી ચૂંટણીમાં ગાંધીનગરથી મુસ્લિમ ઉમેદવારને મેદાનમાં ઉતાર્યા છે. બસપાએ 2019ની લોકસભા ચૂંટણીમાં પણ પંચમહાલમાંથી મુસ્લિમ ઉમેદવારને મેદાનમાં ઉતાર્યા હતા. ગુજરાતમાં આ વખતે 35 મુસ્લિમ ઉમેદવારો મેદાનમાં છે. 2019 માં 43 લડ્યા હતા.

લોકસભાની ચૂંટણી માટે રાજકીય પક્ષોએ કમર કસી છે. પ્રચાર પૂરજોશમાં કરવામાં આવી રહ્યો છે. કેટલાક જાતિના નામે તો કેટલાક ધર્મના નામે મત મેળવવાનો પ્રયાસ કરી રહ્યા છે. તે જ સમયે, પીએમ મોદીના ગૃહ રાજ્ય ગુજરાતમાં 35 મુસ્લિમ ઉમેદવારો લોકસભા ચૂંટણી લડી રહ્યા છે. જો કે રસપ્રદ વાત એ છે કે આ વખતે કોંગ્રેસે પોતાની પરંપરા તોડી આ સમાજના એક પણ વ્યક્તિને ટિકિટ આપી નથી.

ભરૂચ લોકસભા સીટ, જ્યાંથી કોંગ્રેસ દર વખતે મુસ્લિમ ઉમેદવારને મેદાનમાં ઉતારતી હતી, તે આ વખતે વિપક્ષી ગઠબંધન વચ્ચે બેઠક વહેંચણીના કરારને કારણે આમ આદમી પાર્ટીને આપવામાં આવી છે. રાષ્ટ્રીય પક્ષો પૈકી, માત્ર બહુજન સમાજ પાર્ટીએ રાજ્યમાં 7 મેના રોજ યોજાનારી ચૂંટણીમાં ગાંધીનગરથી મુસ્લિમ ઉમેદવારને મેદાનમાં ઉતાર્યા છે. બસપાએ 2019ની લોકસભા ચૂંટણીમાં પંચમહાલમાંથી મુસ્લિમ ઉમેદવારને મેદાનમાં ઉતાર્યા હતા.

2019 કરતાં ઘણા ઓછા
ચૂંટણી પંચના ડેટા અનુસાર, આ વખતે ગુજરાતમાં 26માંથી 25 બેઠકો પર યોજાનારી લોકસભાની ચૂંટણીમાં 35 મુસ્લિમ ઉમેદવારો મેદાનમાં છે, જ્યારે 2019માં આ સમુદાયના 43 ઉમેદવારો મેદાનમાં હતા. સમુદાયના મોટાભાગના ઉમેદવારો કાં તો અપક્ષ તરીકે ચૂંટણી લડી રહ્યા છે અથવા ઓછા જાણીતા પક્ષો દ્વારા મેદાનમાં ઉતારવામાં આવ્યા છે.