થર્ડ અમ્પાયરને એવું તો શું થયું કે ચાલુ મેચ રોકવી પડી

હાલમાં ઓસ્ટ્રેલિયા અને પાકિસ્તાન વચ્ચે 3 મેચની ટેસ્ટ સિરીઝની બીજી મેચ MCG એટલે કે મેલબોર્ન ક્રિકેટ ગ્રાઉન્ડ ખાતે રમાઈ રહી છે. મેચના ત્રીજા દિવસે મેદાનમાં એક રમુજી ઘટના બની, જેના કારણે મેચ રોકી દેવામાં આવી હતી

મેલબર્નમાં ઓસ્ટ્રેલિયા અને પાકિસ્તાન વચ્ચે બીજી ટેસ્ટ મેચના ત્રીજા દિવસે લંચ બાદ રમત શરુ થવામાં એક અનોખી ઘટના સામે આવી છે. જેમાં ખેલાડીઓ અને ઓન-ફીલ્ડ અમ્પાયર મેદાનમાં આવી ગયા હતા પરંતુ રમતને થોડી મિનિટો માટે રોકવામાં આવી હતી કારણ કે, થર્ડ અમ્પાયર રિચર્ડ ઈલિંગવર્થ લિફટમાં ફસાય ગયા હતા. તે સેટઅપ પર સમયસર આવ્યા ન હતી.

ખેલાડીઓને આના વિશે જાણ ન હતી ત્યારબાદ મેદાનમાં રહેલા અમ્પાયરોએ આ સ્થિતિ વિશે જાણ કરી, થોડા સમયમાં ઈલિંગવર્થે પોતાનું સ્થાન લઈ લીધું અને મેચ શરુ થઈ હતી.